YOHANET 2:24 - Ala Ane Wene Ket Mene Warogo Wo'ninapike Wene

²⁴ Atì'nogo hìpìrethesukwa meneat he, at Yesùt okawerek enek he, it inebe obogat inoabùt elu atì nen he, “Eberogoat wo'nabugun,” ìlùk etaùken it inoba hìpìrethìgì'lek welagaike.

YOHANET 2:24 ပူးပေါင်းရင်းမြစ်များ

MATÌÙT 9:4

Atì'nogo akasukwama, at Yesùt en inoabùt enagat palhikesik he, mel isike: “Hit hina'la nen wene kolo mene ebetì lagep atì nahalok.

MAREKÙT 2:8

Atì'nogo akasukwama, at Yesùt en it ina'la akasukwa mene enagat hùrisìlìk he, mel yogoisasike: “Hit hina'la atì'nogo akìkì lagep atì nenahalok.

YOHANET 1:42

Atì'nogo yogosikesik he, Yesùt oba wolok wagaikomo, at Yesùt eileken at lakhìlìk he, mel yogosike: “Simon Yohanet aput yì, nagot e. Hat hetage Kepat ìkì logouagalùk salhapi o,” ìlùk yogosike. Atì'nogo yogosike atì re, nit yoma ninane ba etage helep isa u hak, Yunani inane ba Peterùt egarek hak, Iberani inane ba etage Kepat ìlùk salhike atì.

YOHANET 16:30

Hat he, apùnì aike nen wene aike hinok wokhììgì'lek halok he, wene ebe hokot hùk o. Hat yì wene tì wene obogat helu nek heogo. Hat hebe eberogoat Ala nen lakhagei wagaikomo wagagin, ìlùk yogotak en hùthagago,” ìlùk yogosukwa.

YOHANET 21:17

Anema eki pìre ba wokhasikesik hobuk anema aike mel wokhasike: “Simon Yohanet aput nagot e. Hat en an nebe hetawì a?” ìlùk, anema atì'nogo eki pìre ha wokhasikesik en, hobuk aike ba, “Hat en an nebe hetawì welagen a?” ìlùk yogosike atì nen he, a'la kolo agaikomo, at en Yesùt mel yogosike: “Noe. Hat he, yì wene tì wene obogat helu o. Halok, an nen noe hebe netawì welagì atì, hat helu o,” ìlùk yogotì lagaikomo, at Yesùt en he, mel yogosike: “Halok he, an nako topa hanorogo serisek logoino o,” ìlùk yogosike.

YOHANET 4:16

Atì'nogo yogosikomo at Yesùt en he, mel yogosike: “Hat hagùn heperak yoma wesuageip en he, waesi lan o,” ìlùk yogosike.

YOHANET 5:42

Hit enek he, Ala hinetawìrogo welagasep motok lek atì, an hinoabùt nelu o.

YOHANET 6:15

Atì'nogo isukwama, at Yesùt a'la nen he, “It atì wìrìk, an it inoe kain logouagalùk inane keirogo menhanugun hìgì,” ìlùk inoabùt enagat palhikesik he, o atoma hebisalùk punu ba aligat lagasike.

YOHANET 6:64

Wene atì ba inelugurinaperek meneat he, hit he'nakìt yoma eberogoat ìlùk hinetaùken an noba hìpìrethìgì'lek welagep hìgì,” ìlùk yogoisasike. Atì'nogo yogoisasike atì re, it aike inetaùken at oba hìpìrethìgì'lek mene mel, at aike nen Yesùt ebe wasuagalùk yoko legein mene mel, it atì, atì'nogo hagasugun, ìlùk at emakum enat elu welagaikesi'mo nogo nen he, wene atì'nogo yogoisasike atì.

LAKSASIKE 1:24

Inetage isukwasik, Ala ayoko hìkì logolìk he, “Ninopase. Yùrat hat hane yogoisìlìk nìkì logouagalùk ayoko hesigin meneat he, at en heraksalùk wa'lasusak higit hogoat wa'lagama, obùlù'mo ap inebe pìre yì, hat en ap kì hak ayoko hegen. Hat apùnì inebe obogat inetaùken helu atì. Halok, Ap ebe yì ayoko hìgì, ìlùk, hat en yakùlnisan o,” ìlùk yogosukwa.

LAKSASIKE 15:8

At Ala apùnì ninetaùken elu mene a'nogo nenat, Yì an nagainapùrì o, ìlùk Areagùn nit wo'nisasike atì hagat it atì wogisasikeat.

IBERANI 4:13

Ala eilhanem he, yì mene tì mene at en elalhike mene aike hinago werek nogo? Motok lek o. We, at eilhanem he, yì mene tì mene obogat he, weinam hukalek motok welagarek atì nen, nit hagatì lago mene, at elumo re, ninoba lopogat ninom ugun o.

ABÌKAKAN 2:23

Atì'nogo hagatenem, it Ala againapùrì o yì awì tì awì atogotarek mene obogat en ineileken hìlìk, it en he, At Ala re, apùnì ina'la ebetarek mene atì mel, inetaùken kagalharek mene atì mel, elumo re, apùnì ninebe lopok ninoabùt hagatorek mene higit hogoat ùkùm ninoba hìgìk, oko wo'nisìgìk, igin o, ìlùk, an hùthanuagalùk, it apùnì at he atì ane wanharek mene inebe inoasiginat o.