YOHANET 2:22 - Ala Ane Wene Ket Mene Warogo Wo'ninapike Wene

²² Wene atì'nogo isikesik, hobuk ebe wa'lagaikesik en eluk agaikomo, it ap at agoromì ane wanhì lagaukwa mene amanogo nen, “Wene yì alebat yogonisikenem ninasuk holhugu mene,” ìlùk ina'la ebesukwasik, Ala ane helal waganek mel, wene Yesùt en yogoisasike mene a'nogo mel, hùthasukwasik ina'la nen eberogoat akasukwa.

YOHANET 2:22 ပူးပေါင်းရင်းမြစ်များ

YOHANET 12:16

Atì'nogo kisike meneat he, atì sat, it at agoromì ane wanhì lagaukwa mene amanogo nen, wene haga'lagaike mene atì hùthìgìlek. Meneat he, at Yesùt wa'lagaikesi'mo nen hobuk Ala nen eluguthesikesik esinethesikesi'mo nen, ina'la ebesukwasik he, mel isukwa: “At hesik Ala ane helal waganek weregat o. It apùnì nen at hesik hagatenem nineileken hogo a'nogo re, wene helal waganek werek ati higit hogoat hagatama o,” ìlùk ina'la ebesukwa.

YOHANET 16:4

Atì'nogo hagathinapa halok he, hina'la nen, Wene yì, at en alebat yogonisasike a'nogo, arat haga'ninabì'lùgì yì, ìlùk hina'la ebesuageip en ìlùk, wene atì obogat yogohisìgì o,” ìlùk yogoisasike. At Yesùt en wene atì'nogo yogoisasikesik he, hobuk aike mel yogoisasike: “An hit ninom yoma welago atì nen he, wene yì obogat hit hinayoko hìkì logolìk yogohisìgì'lek welagagi meneat he,

YOHANET 2:17

Atì'nogo wenagisasikomo, it ap at agoromì ane wanhì lagaukwa mane amanogo ina'la nen he! “Alebat it ap aike nen Ala ane ba helal waganogo hìkì logolìk he, mel isukwama werek a'nogo: Ala nopase, hat hawì wùrìk netaùaen hutik motok en na'mage motok lagalì'logo, ìlùk helal wanhukwama werek akìgì,” ìlùk ina'la ebesukwa,

LAKSASIKE 11:16

Inoba pi wagama re, ninoe Etagepogot en wene mel ìlùk isike mene na'la ebeti: Yohanet en ima pelakhinape meneat he, Ala nen Areagùn hinoba pelakhei wesigin o, ìlùk isike mene atì oba ebeti.

YOHANET 2:11

At Yesùt ebe hùthoagalùk elalin mene aike hagatì'le'ma emakum hagasike re, o Kalilea o kota Kana logolìk hagasike atì. Atì'nogo hagasike atì ba, at hogoratarek mene inelurogo yakùlisasikomo, it at agoromì ane wanhì lagaukwa mane amanogo Yesùt ebe hùthìlìk, inetaùken at oba hìpìrethesukwa.

LUKAT 24:44

Nìlìk he, it amanogo mel yogoisasike: “An hit ninom logolìk yogohisìkì logolìk he, An haga'nabugun mene helal Musa nen wanhìk, ap Ala ane yogoisìkì lagaukwa mene amanogo nen wanhìk, it aike nen buku Masimùt oba wanhìk, waganogo hesukwa atì higit hogo, an arat haga'nabugun, ìlùk yogohisìkì lagì a'nogo ebe arat haga'laga yì o,” ìlùk,

LUKAT 24:26

At Karìsùt Ala nen ayoko hesike a'nogo, yì aik tì aik hìgì'le'ma hogorasusak nogo? Lek o. Hikenem en hogorasusak o. Hit en egep atì hagasusak higit hogoat hagata o,” ìlùk yogoisasike.

YOHANET 2:2

Atoma were'ma, at Yesùt agoromì ane wanhì lagaukwa mene inom hogo re, inayoko hesukwama lagaukwasik welagaukwaat.