YOHANET 2:2 - Ala Ane Wene Ket Mene Warogo Wo'ninapike Wene

² Atoma were'ma, at Yesùt agoromì ane wanhì lagaukwa mene inom hogo re, inayoko hesukwama lagaukwasik welagaukwaat.

YOHANET 2:2 ပူးပေါင်းရင်းမြစ်များ

MATÌÙT 12:19

At an apùnì inom wene serep agìk, ane pùk weak wenagisìgìk, apùnì kwe hùko yagokwe laganem ane holuagalùk hùkorogo yogoisìgìk, ìkì logogin lek o.

MATÌÙT 25:40

an ap kain Netagepogot nogo nen he, it apùnì amanogo mel yogoisegein: Hit en an nagoromì inetage lek mene aike were'ma atì'nogo hagarinapì lagagip atì, anat haga'napì lagagip o, ìlùk, eberogoat yogohisìgì, ìlùk yogoisegein.

MATÌÙT 25:45

an nen he, Hit en apùnì aike inetage lek mene halolotsìkì lagagip atì re, anat halolothanhì lagagip o, ìlùk yogoisìlìk he,

YOHANET 2:12

Atì'nogo arat haga'lùk he, at Yesùt ebe mel, agosa mel, agaiya'lak mel, agoromì ane wanhì lagaukwa mane mel, inom o Kaperenagùm lagaukwa. Lagaukwasik he, ineki hamùlùgat enek welagaukwa.

YOHANET 2:17

Atì'nogo wenagisasikomo, it ap at agoromì ane wanhì lagaukwa mane amanogo ina'la nen he! “Alebat it ap aike nen Ala ane ba helal waganogo hìkì logolìk he, mel isukwama werek a'nogo: Ala nopase, hat hawì wùrìk netaùaen hutik motok en na'mage motok lagalì'logo, ìlùk helal wanhukwama werek akìgì,” ìlùk ina'la ebesukwa,

YOHANET 2:22

Wene atì'nogo isikesik, hobuk ebe wa'lagaikesik en eluk agaikomo, it ap at agoromì ane wanhì lagaukwa mene amanogo nen, “Wene yì alebat yogonisikenem ninasuk holhugu mene,” ìlùk ina'la ebesukwasik, Ala ane helal waganek mel, wene Yesùt en yogoisasike mene a'nogo mel, hùthasukwasik ina'la nen eberogoat akasukwa.

YOHANET 2:3

Lagaukwasik werek kolek, anggur eken amusu keralek mene obogat lek agaikomo re, Yesùt agosa nen at mel yogosike: “It anggur eken amusu keralek mene lek agama werek o,” ìlùk yogosike.

YOHANET 3:22

Atì'nogo arat yogo'lùk he, hobuk at Yesùt ebe mel, agoromì ane wanhì lagaukwa mene mel, inom o Yurea pisukwasik, apùnì ima pelaginapì logolìk ineki hamùlùgat negen welagaukwa.

YOHANET 4:2

Atì'nogo isukwa atì re, at Yesùt ebe nen he, ima pelaginapì lagaike lek. We, at agoromì ane wanhì lagaukwa mene amanogo nen ima pelaginapì lagaukwa meneat isukwa.

YOHANET 4:33

at agoromì ane wanhì lagaukwa mene amanogo nen it-it hinok wanhì logolìk he, mel isukwa: “Apùnì nen yì mene tì mene aike at noagalùk wogosi wagaikama nen ike he a?” ìlùk isukwa.

YOHANET 6:12

Inalabut ning hogo nasukwama re, at agoromì ane wanhì lagaukwa mene amanogo mel yogoisasike: “Sùpùrùk nekasik ato titelogo hebaga mene aroma alema'lasi nogo nen he, atogorogo omakìma heni o,” ìlùk yogoisasikomo re,

YOHANET 6:16

At Yesùt ebe atì'nogo lagasikesik, agoromì ane wanhì lagaukwa mene amanogo inoba wagì'lek oan werek kolek, o arat hi isikomo, it enek i yekelek a'nogo aik oba pi wagaukwasik he, so a'la kisukwasik, warogo o Kaperenagùm wùlìbi wesuogolùk wagaukwa.

YOHANET 6:60

At Yesùt en wene atì'nogo yogoisasikomo, it at agoromì ane wanhì lagaukwa mene amanogo aike inebe apigat wene atì inasuk holhukwasik he, mel isukwa: “Wene ike atì re, ekin api'mo, sa hak en wanigin akegep. Mea o,” ìlùk isukwa.

YOHANET 6:66

Wene atì'nogo yogoisìkì lagaikomo, at agoromì ane wanhì lagaukwa mene amanogo, inebe logolegat aike Yesùt heraksalùk pùgùlhukwasik he, hobuk opolik nìkì logouogolùk, oba wagì'lek kamo isukwa.

YOHANET 6:67

Atì'nogo pùgùlhukwama, at Yesùt en agoromì 12 nen amanogo mel yogoisasike: “Hit hogo re, atì'nogoat herakhanìlùk pùgùluogolùk akìkì lagep a?” ìlùk, yogoisasike.

YOHANET 6:70

at en he, it mel yogoisasike: “An nen hit hinebe 12 nen yì wenakhinapigi lek nogo? An nenat wenakhinapigi o. Meneat he, hat omakeat aike Ibilit meneat welagen o,” ìlùk yogoisasike.

YOHANET 6:71

Wene atì'nogo isike atì re, ap Simon Isikariot aput etage Yùrat hesik isike. At ap atì ebe Yesùt agoromì inebe 12 nen amanogo meneat he, hobuk Yesùt ebe wasuagalùk yoko lagaike atì mane hesik isike atì.

YOHANET 6:8

at Yesùt agoromì ane wanhì lagaukwa mene aike etage Atereat, Simon etage aike Peterùt egarek a'nogo agot en he, mel yogosike:

YOHANET 7:3

Atì'nogo hakok i wagajkomo logolìk, at Yesùt okawerek agaiya'lak mono hogo re, inetaùken at oba hìpìrethìgì'lek welagaukwa atì non he, met yogosukwa: “Hat hagoromì hane wìlì'lùgì mane amanogo nen, hat hagatetek mane hagatenem ineileken heoak on, o yoma hebùlùk a Yurea pino. Ap metagewerek asuogolùk akìkì logolìk halok he, hinagasogo hagatarek lek o. Halok he, hat hagatì lagen atì, apùnì kweangma mane inebe obogat inelu asuagalùk weinam hogo hagasi pino,” ìlùk yogosukwa.

LAKSASIKE 11:26

Wagaikesik, ebe eperak apì agaukwasik he, wolok o Atiokia lagaike. O atoma lagaikesik, o mo lagagìk pìgìk iko kolek, 1 tahun logolìk he, Ala againapùrì inom atogothìlìk, apùnì apigat wene yakùlisìkì lagaukwa. It apùnì Yesùt ane wanhenem inùkùl etage Kerisiten agarek atì re, emakum o Atiokia atoma nen salhukwa.

LAKSASIKE 11:29

Atì sùpùrùk no ebe oan haga'lagì'lek werek kolek he, it apùnì Yesùt ane wanhukwa mene amanogo nen he, “Halok he, nit ninebe lopok uang ninekimo aga mene higit hogo ninerùgì ninagaiya'lak o propinsi Yurea atoma atogotarek mene leberisùok en atogorogo lakhouok o,” ìlùk wene palhukwasik uang atogosukwa.

1 KORÌTÙT 10:31

an mel yogohisak. Sùpùrùk mel, i mel, nìkìk, yì mene tì mene hagatìk, atì'nogo obogat ìkì logolìk he, apùnì nen Ala hogorasuagalùgat hagatì logoino o.

1 KORÌTÙT 7:39

It hìmì re, inagoni inebe ineluk werek kolek, ap hùnogo mene aike woginabusak lek o. We, inagonì inebe wa'lago halogat, ina'la walok akìlì'lùgì mene woginabusak. Mene yùgùnat woginabusak lek. We, ninoe Etagepogot inom hutik mene halok woginabusak o.

KOLOSE 3:17

“Ninopase Ala nen wo'nisikerek atì, ebe Yesùt enat wo'nisikerek o,” ìlùk, Ala hai watì logolìk, “Ninoe Etagepogot Yesùt awe a'ma logolìk hagatì lago,” ìlùk, yì mene tì mene obogat hagasuogolùk, hinane yì hesik tì hesik uogolùk, at Yesùt etage palogo hagatì logoino o.

IBERANI 13:4

Ap lek, hìmì lek, inoabùt yanani nìlìk negarek mene mel, ap inagagwì mene pailak haksagarek mene mel, it hobuk Ala nen ùkùm inoba hìlìk weagarinabigin atì nen he, ap en hìmì ìgìnaparek atì, apùnì obogat en esinethìlìk, yùgùnat haksìgì'lek hìmìap waganek mene lopok inom hano nogo ìkì logousak o.

ABÌKAKAN 3:20

Lakhani! An nebe kwe ba metek logolìk, kwe ane papagathìkì lagì o. Atì'nogo papagathikenem, sa nen nane asuk holìk he, kwe hù'neegein halok, an at oba ha kìlìk he, sùpùrùk niko nagaiyak-hagaiyak neperak hutik logogun o.