YOHANET 2:16 - Ala Ane Wene Ket Mene Warogo Wo'ninapike Wene

¹⁶ it apùnì sùe pel hake mene oko wanhì lagaukwa mene wenagisìgìk, isike. Atì'nogo wenagisìkì logolìk he, “Sùe yoma helalùk wùlìbi lani o.An nopase awì wùrì'mo yoma, o oko palharek oba negen palhì lagep yì re, atì'nogo hagasusak motok lek o,” ìlùk yogoisasike.

YOHANET 2:16 ပူးပေါင်းရင်းမြစ်များ

MATÌÙT 21:13

mel yogoisasike: “Helal waganek oba re, at Ala nen ìkì logolìk, An nawì wùrìk yì hesik apùnì nen ìkì logolìk he, O sapan ìkì logogun oba, ìlùk ìkì logogun, ìlùk isikomo helal waganek werek o. Meneat he, hit en he, it ap apùnì inagarok ineki abusak telogo helagarek mene inawì negen wùrogo hisìkì lagep yì rì!” ìlùk wenagisasike.

MAREKÙT 11:17

Wene palhikesik, it apùnì amanogo inasuk watì logolìk, mel yogoisasike: “At Ala nen ìkì logolìk he, An nawì wùrìk yì hesik apùnì nen ìkì logolìk he, Yì apùnì tì apùnì inùkùl etage lopok sapau ìkì logogun oba o, ìlùk ìkì logogun, isike mene helal waganek werek a'nogo lek? Atì'nogo ìlùk helal waganek werek meneat he, hit en he, it ap apùnì inagarok ineki abusak telogo helagarek mene inawì negen wùrogo hisìkì lagep yì rì!” ìlùk inekalì warogo inasuk wasike.

LUKAT 2:49

at Yesùt en he: “Hit an hera'nabìk nìkì lagep nahalok. An nopase awì wùrì'mo logousak ìlùk hinokot nogo?” ìlùk yogoisasike meneat he,

2 PETERÙT 2:3

It ap Ala ane yakùlisagarek mene salek weinam asugun atì inoabùt he, “Nit enek wo'nisanìk,” ìlùk egarek mene atì nen, hit en oko wogisoagalùk, wene inokawerek ina'la nen kagalogo inapeliagat yogohisìkì logogun atì. Atì'nogo meneat he, it inoabùt hagatì logogun atì ba, at Ala nen he, “It atì ùkùm inoba hìlìk inebe weagarinabigin,” ìlùk hageat a'la tùlemat akasike hùk. Magarogo welagì'lek weagarinabigin mene werek o.

YOHANET 5:17

Atì'nogo isukwa meneat he, at Yesùt en mel yogoisasike: “An nopase eki aike kamo ìgì'lek, o yogotak yì inomat hagarinapo motok welagarek atì hak, an atì'nogoat hagarinapo welagì o,” ìlùk yogoisasikomo,

YOHANET 20:17

Atì'nogo hai wasikomo re, at Yesùt en he, mel yogosike: “An nebe nopase oba lagagì'lek oan welagì atì nen he, heki abìak hogo ha'narek logogùn o. An nagoromì wene mel ìlùk yogoisa lan o: An mel, hit mel, ninopase Ala oba hìpìrìk welagorek mene a'nogo oba lagaigìlùk ìkì lagì, ike ìlùk nagoromì yogoisa lan o,” ìlùk yogosikomo,

YOHANET 10:29

Ap aike mea meneat he, an nopase nen nako topa wo'nesike mene atì nek he, ebe omame werek o. It an nopase nen wo'nesike mene atì, at eki ba were'ma, it ap aike nen telogo woginabusak mea o.

YOHANET 8:49

at en he, mel yogoisasike: “An mokareke oabùt weak mene na'la kìgì'lek o. An nen nopase hogorato kolek meneat he, hit en an netage weak hagarogo hìkì lagep o.

MATÌÙT 21:12

Atì'nogo isukwama, at Yesùt Ala awì wùrì'mo kisikesik he, it apùnì Ala awì wùrì'mo kìlìk logolìk, yì mene tì mene oko wanhìk, palhìk, ìkì lagaukwa mene heleleng hogo mùk hogo mak hogo eta'ma wulaksìgìk, it aike uang e talek oba hìlìk okotì lagaukwa mene mel, it aike e talogo inebe hùrek logolìk sùe pel hake mene oko wanhì lagaukwa mene mel, e talek mene atì abel eten-haten hogo potsìgìk, ìlìk lagaikesik he,

MATÌÙT 22:5

Lagaukwa meneat he, it inayoko hesike mene atì ina'la pùk-pùk hagatì logolìk he, at aike eyabukwe wo'lakìgìk, at aike yì mene tì mene abasigìlùk wo'lakìgìk,

YOHANET 2:15

Atì'nogo hagatenem eileken isìlìk he, hele kopì mene tùgì hagarogo nen wam sapi mel, topa mel, labìsake tùgì warogo Ala awì wùrì'mo nen mùk hogo wulaksìgìk, e talek oba uang okotì lagaukwa mane amanogo abel etenogo puluk-palak hogo laksìgìk,