YOHANET 2:13 - Ala Ane Wene Ket Mene Warogo Wo'ninapike Wene

¹³ Atoma were'ma nen, it apùnì Yahuri mene nen he, “Alebat at Ala nen telninapike,” ìlùk, ina'la eberek logolìk topa wam warogo pesta etage Paskah hesik nasak oba arat hakok i wagaikomo re, Yesùt o Yerusalem pisike.

YOHANET 2:13 ပူးပေါင်းရင်းမြစ်များ

LUKAT 2:41

Tahun ebe lopok mo lagagìk, pìgìk, iko kolek, Yesùt agosa opase eperak topa wam warogo pesta Paskah isago nùogolùk he, o Yerusalem pìkì lagaukwa.

YOHANET 11:55

Welagaukwa atem sat he, it apùnì Yahuri mane pesta etage Paskah nekarek a'nogo mene nasak oba arat hakok i wagaikomo nùogolùk oan logolìk, it inerabùl negen horogo ìlùk, Yahuri mene hagatarek hak hagasuogolùk, inawì lopok en o Yemsalem atogotì lagaukwa.

YOHANET 2:23

Atì'nogo isukwasik werek kolek, o Yerusalem it apùnì Yahuri mene wam topa wam warogo pesta Paskah niko kolek, at Yesùt atoma inom logolìk ebe hùthoagalùk, elalin mene hagarìk lagaike atì nen he, apùnì apik ineileken hasukwasik inetaùken at oba hìpìrethesukwa.

YOHANET 6:4

Nen, atem higit he, it apùnì Yahuri mene nen he, “Ala nen telninapike,” ìlùk ina'la eberogo pesta etage Paskah nekarek a'nogo nasak oba arat hakok i wagaike.

YOHANET 5:1

Atì'nogo haga'lùk he, it Yahuri mene pesta aike hagatì lagaukwa mene hagatenem Yesùt hobuk o Yerusalem pisike.

MATÌÙT 21:12

Atì'nogo isukwama, at Yesùt Ala awì wùrì'mo kisikesik he, it apùnì Ala awì wùrì'mo kìlìk logolìk, yì mene tì mene oko wanhìk, palhìk, ìkì lagaukwa mene heleleng hogo mùk hogo mak hogo eta'ma wulaksìgìk, it aike uang e talek oba hìlìk okotì lagaukwa mene mel, it aike e talogo inebe hùrek logolìk sùe pel hake mene oko wanhì lagaukwa mene mel, e talek mene atì abel eten-haten hogo potsìgìk, ìlìk lagaikesik he,

MAREKÙT 11:15

At Yesùt lak o atoma nen o Yerusalem kisukwa. Kisukwasik he, at Ala awì wùrì'mo kisike hak he, it apùnì atoma kìlìk logolìk oko wanhìk, palhik, ìkì lagaukwa mene mùk hogo mak hogo wulaksìgìk, it aike uang e talek oba hìlìk okoti lagaukwa mene mel, it aike e talogo inebe hùrek logolìk sùe pel hake mene oko wanhì lagaukwa mene mel, e talek mene atì abel eten-haten hogo potsìgìk, ìlùk lagaike.

LUKAT 19:45

Atì'nogo yogoisasikesik he, Ala awì wùrì'mo kisikesik, it apùnì oko palhì lagaukwa mene mùk hogo mak hogo wulaksìkì logolìk he, mel yogoisasike:

YOHANET 13:1

Nen, hùenkwe pesta Paskah a'nogo mene nùogolùk logolìk, at Yesùt en, “An apùnì o kweangma yoma hisalak nopase oba napotkwe lagagin atì arat hakok i waga,” ìlùk, at elu welagaike. Nen, at okawerek agoromì kweangma mene etaùken hutik welagaikesik, hobuk inebe abìt agì'lek etaùken hutik motogat welagaike.