YOHANET 2:12 - Ala Ane Wene Ket Mene Warogo Wo'ninapike Wene

¹² Atì'nogo arat haga'lùk he, at Yesùt ebe mel, agosa mel, agaiya'lak mel, agoromì ane wanhì lagaukwa mane mel, inom o Kaperenagùm lagaukwa. Lagaukwasik he, ineki hamùlùgat enek welagaukwa.

YOHANET 2:12 ပူးပေါင်းရင်းမြစ်များ

MATÌÙT 12:46

At Yesùt apùnì apik inom logolìk wene yogoisiko were'ma re, at agosa mel, agoromì mel, wene yogosuogolùk oba wagaukwasik he, olilu welagaukwa.

KALATIA 1:19

Logolìk, it Yesùt en inayoko hìlìk laksasike mene amanogo inebe aike ninom apì agì'lek. We, ninoe Etagepogot agot Yakobùt a'nogo nek neperak apì agagu.

1 KORÌTÙT 9:5

Nen, it ap aike Ala nen inayoko hìlìk laksa wagaike mene mel, ninoe Etagepogot agoromì opolik mene mel, at Kepat mel, inagagwì wogisek nùgì atì hak, an enek he, nagwe Ala a'logo mene wolok nìkì logousak lek nogo?

MAREKÙT 6:3

At ebe re, he Maria eak o wùterek mene a'nogo lek? Agoromì opolik mene re, Yakobùt mel, Yoset mel, Yùrat mel, Simon mel, akìgì. Nen, erùgì re, nit ninom welago yoma lek?” ìlùk ina'la meathesukwa.

MATÌÙT 4:13

Lagai wagaikesik, a kota Nasaret a'nogo hebùlùk he, o kota Kaperenagùm i Kalilea yekelek esakoma, it ap inùkùl etage Sepulon mene ho, Naptali mene ho, inaua atoma logoigìlùk lagai wagaike.

MATÌÙT 11:23

Nen, hit apùnì o Kaperenagùm mene yì hina'la nen he, Ala nen pogot oba lìakhinìlìk esinethinegein, ìlùk hogorakìkì lagep a? Motok lek o. We, apùnì wa'la'lùk lagaikare'ma atoma motok pelakhikegein o. Apùnì nen hagasusak lek mene an nen elalinat hit ninom logolìk hagatì lagì a'nogo, o Sorom amma hagatì logoilema re, it atoma inebe lek agì'lek yogotak ya mobok hutigat logoilep o.

YOHANET 2:2

Atoma were'ma, at Yesùt agoromì ane wanhì lagaukwa mene inom hogo re, inayoko hesukwama lagaukwasik welagaukwaat.

YOHANET 4:46

At Yesùt ebe atì'nogo hai warogo wanhukwama re, alebat i we agei mene anggur eken amusu hagasike ba o Kalilea kota etage Kana a'nogo wagaike. Wagaikesik were'ma, ap kain pemerintah mene aike, aua o Kaperenagùm mene, aput oba ou apik welagaike.