YOHANET 2:11 - Ala Ane Wene Ket Mene Warogo Wo'ninapike Wene

¹¹ At Yesùt ebe hùthoagalùk elalin mene aike hagatì'le'ma emakum hagasike re, o Kalilea o kota Kana logolìk hagasike atì. Atì'nogo hagasike atì ba, at hogoratarek mene inelurogo yakùlisasikomo, it at agoromì ane wanhì lagaukwa mane amanogo Yesùt ebe hùthìlìk, inetaùken at oba hìpìrethesukwa.

YOHANET 2:11 ပူးပေါင်းရင်းမြစ်များ

YOHANET 1:14

Ebe Wene a'nogo abat agaikesik ninomat welagagu. Ninomat logolìk he, at ebe atì Ala aput omakeat tago nogo nen he, hogoratarek mene nineileken hasugu o. At oabùt hano nen, hanorogo haga'ninapik, wene ebe wene yogonisìgìk, iko motok were'ma nineileken hasugu.

YOHANET 3:2

At ap atì o hùako ineki aike sapùl Yesùt oba wagaikesik he, mel yogosike: “Noe. Ap aike Ala eperak hutik lek halok he, hat en elalin mene hagarìk nìkì lagen atì hak, hagasusak motok mea. Atì nen he, hat en wene yakùlnisoagalùk Ala nen lakhagei wagama wagen ìlùk ninelu aga,” ìlùk yogosike.

YOHANET 6:2

I aik ìlì bakwe wùlùpenem he, alebat apùnì inoba ou mene elalinat hagarinapenem ineileken hasukwasi'mo nogo nen he, apùnì inebe apigat esa logolhìlùk, at opolik lagaukwa.

YOHANET 6:30

it en he, mel yogosukwa: “Hebe hùthagùagalùk, elalin mene aike hagatenem nineileken hììlìk, ninetaùken hoba hìpìrethùgùkwe re, ebe kì mene hagasigin. Aike nìkì'nogo hagasigin.

YOHANET 6:26

at en he, mel yogoisasike: “An wene aike yogohisak. An nebe hùthanuageip ìlùk elalinat hagatenem hineileken neegep a'nogo nen hera'nabìk wagep hùk. Lek o. We, sùpùrùk horoti mene sùpùrogo wokhisìgìma hinalabut ning hogo nekep a'nogo nenat hera'nabìk wagep hisìgì o, ìlùk oberogoat yogohisìgì.

YOHANET 6:14

Atì'nogo kalogo hesukwama, at Yesùt en ebe hùthoagalùk elalinat hagasike mene atì, it apùnì ineileken hasukwasi'mo nogo nen be, mel isukwa: “Ap aike nen Ala ane kweangma yogonisa wesigin isukwa a'nogo eberogoat he, ebe yìat o,” ìlùk isukwa.

2 KORÌTÙT 4:17

Nit yogotak, yì aik tì aik haga'ninabì'lùgì atì re, elama hesik hamùlùgat negen o. Meneat he, atì'nogo haga'ninabì'lùgì atì ba, hobuk hogoratarek mene esok motok logogin mene motok hùkoat ese asugun o.

YOHANET 14:13

Nen, at sa nen, yì mene tì mene an netage palogo Ala kìno yogote halok he, an aput en hagatenem, it apùnì nen nopase hogorasuagalùk, an nen hagasigin o.

YOHANET 12:41

At Yesaya nen wene atì'nogo isike atì re, at Yesùt hobuk hagatenem ebe hogorasugun mene hesik eileken hasikesik en, at abok isike atì.

YOHANET 12:37

At Yesùt ebe it en hùthoagalùk ineilhanem elalinat apigat hagatì lagaike meneat he, it en, At eberogoat ìlùk, ebe hùthìkì lagaukwa motok lek.

YOHANET 2:23

Atì'nogo isukwasik werek kolek, o Yerusalem it apùnì Yahuri mene wam topa wam warogo pesta Paskah niko kolek, at Yesùt atoma inom logolìk ebe hùthoagalùk, elalin mene hagarìk lagaike atì nen he, apùnì apik ineileken hasukwasik inetaùken at oba hìpìrethesukwa.

YOHANET 1:50

Atì'nogo yogosikomo, Yesùt en he, mel yogosike: “An nen, Hat e ara eroma hùrek welagen a'naga an arat neileken hììgì o, ìlùk, yogohetì atì ba hùthanhen a? Atì re, we hamùlùgat negen hagatenem neegen meneat he, hobuk hùkorogo hagatenem heileken neegein o,” ìlùk isikesik,

1 YOHANET 5:13

Hit hinetaùken Ala aput oba hìpìrìk welagep mene hùgì hina'la nen he, “Nabùlal-habùlal ese agosik welago,” ìlùk, hinelu asuageip ìlùk, wene obogat yì helal waganogo hinoba lakhei wagì o.

YOHANET 4:46

At Yesùt ebe atì'nogo hai warogo wanhukwama re, alebat i we agei mene anggur eken amusu hagasike ba o Kalilea kota etage Kana a'nogo wagaike. Wagaikesik were'ma, ap kain pemerintah mene aike, aua o Kaperenagùm mene, aput oba ou apik welagaike.

2 KORÌTÙT 4:6

At Ala nen ìkì logolìk he: “O mum atì a'la nen lìa a'nìk,” ìlùk isike atì hak, at enat nit nina'la mùm mene atì lìa'ninapikomo welago. Atì'nogo logolìk, at Karìsùt elokoken apipin yatenem nineileken lakhìlìk he, at Ala hogoratarek mene a'nogo ebe atìgìnìk ìlùk hùthìkì logouagalùk atì'nogo lìa'ninapike atì.

2 KORÌTÙT 3:18

Ineileken inapùnak oba it apùnì aike inebe pìkìrat lagisagarek atì hak, nit obogat ninelokoken apumeke laberek le'ma re, apùnì nen ninoe Etagepogot hogoratarek mene atì apùnak negen ineileken la'nisìlì'lùgì. Nit ninebe at ninoe hake asuagalùk he, hobugalep haga'ninapo motok were'ma re, hogo'ninabusak negen aga lago. At Ala Areagùn atì ebe Etagepogot atma at enat haga'ninabì'logo.

YOHANET 11:15

Atì'nogo wa'laga meneat he, hit hinetaùken noba hìpìrethoageip en ìlùk, an atoma pìgì'lek kamo ìgì atì, hit hesigat na'la hai hakìkì lagì o. Halok yogotak nit Lasarùt oba puok en we'ni o,” ìlùk yogoisasike.

YOHANET 1:17

Wene Ala nen ninasuk wasike wene a'nogo yakùlnisoagalùk, alebat Musa lakhei wagaikomo, yakùlnisasike meneat he, Ala oabùt hano nen hano'ninapìk, ebe wene yakùlnisìgìk, uagalùk, Yesùt Karìsùt lakhei wagaikomo yakùlnisasike atì.

YOHANET 1:43

Etage atì'nogo salhikesik, nogo ìlùk hùenkwe re, at Yesùt o Kalilea lagai wesigìlùk akasikesik lagai wagaike hak, ap etage Pilipùt eperak apì agaukwasik he, mel yogosike: “Nagot e. An nopolik eme o,” ìlùk ayoko hesikomo opolik lagaike.

YOHANET 2:1

Atì'nogo hagatì lagaukwasik, nogo ineki pìre ìlùk en, ineki aike ba nen he, o Kalilea o kota aike etage Kana atì, ap aike agwe ìgetenem Yesùt agosa ayoko hesukwama atoma inom welagaukwa.

YOHANET 4:3

Atì'nogo ikenem, “Inasuk holha o,” ìlùk, Yesùt elu agaikesik he, at o Yurea hebùlùk o Kalilea apotkwe lagai wesigìlùk lagai wagaike.

YOHANET 4:54

At Yesùt ebe o Yurea nen Kalilea alep lagai wagaikesik apùnì nen ebe hùthoagalùk wene elalin mene alep aike hagasikesik oba nen, hobuk lagai wagaikesik aike hagasike atì.

YOHANET 7:31

It aike nen hakhouogolùk ìkì lagaukwa meneat he, it apùnì apik amanogo inebe heta logolegat inetaùken Yesùt oba hìpìrethesukwasik mel isukwa: “Ap arì elalin mene hagate re, mea akegep? Nen, apùnì telninabuagalùk Ala nen lakhei wesigin isike a'nogo wìrìk he, ebe hùthoagalùk elalin mene hùkoat hagasigin nogo? Lek o,” ìlùk isukwa.

YOHANET 9:16

it ap Parisi mene aike nen he, mel isukwa: “Nineki sabìt oba Ala hesik welegat logousak ìlùk, wene palek mene atì sagalogo hikesik hagate atì nen he, at ebe Ala were'ma nen wagaike mene re, lek ù,” ìlùk isukwa meneat he, it ap aike nen he, “At ebe weak hagaterek mene logoilepma re, wene hùthoagalùk elalin mene yì'nogo hagasusak nogo? Lek o,” ìlùk, it ina'la atì'nogo hùnogo tomok akasukwasik inane sagalogo inebe mìkìlhukwa atì.

YOHANET 10:41

Atoma were'ma, apùnì apigat at oba wagaukwasik he, mel isukwa: “At Yohanet en elalin mene aike hagatì lagaike motok lek meneat he, at en ap yì abok ìkì lagaike a'nogo ane ebe nek agaike,” ìlùk isukwasik he,

YOHANET 11:47

Atì'nogo yogoisa lagaukwama re, it ap Ala esewerek inogogì kaintek mel, Parisi mene mel en he, it ap wene Ala hesik ero pìlìngìtarek mene waisasukwama wagaukwama re, mel yogoisasukwa: “At ap atì ebe hùthoagalùk elalin mene apik hagarì'logo atì re, nit en nìkì'nogo hagasuok akegep.

YOHANET 12:18

“At Yesùt ebe hùthoagalùk elalin mene atì'nogo hagate,” ìlùk isukwama apùnì inebe apik inasuk holhukwasi'mo nogo nen he, Yesùt elokoma wùlìbi wagaukwa atì.

YOHANET 16:30

Hat he, apùnì aike nen wene aike hinok wokhììgì'lek halok he, wene ebe hokot hùk o. Hat yì wene tì wene obogat helu nek heogo. Hat hebe eberogoat Ala nen lakhagei wagaikomo wagagin, ìlùk yogotak en hùthagago,” ìlùk yogosukwa.