YOHANET 19:35 - Ala Ane Wene Ket Mene Warogo Wo'ninapike Wene

³⁵ Atì'nogo haga'lagaike mene atì, hit hùthoageip ìlùk, ap aike eileken welagaike mene nen wene atì abok pak hogo ìlì'logo. Nen, at en hogo re, “Eberogoat neileken tùkùm hogoat hìgìrìk abok pak hogo yogoisìgì,” ìlùk, at eluat o.

YOHANET 19:35 ပူးပေါင်းရင်းမြစ်များ

YOHANET 21:24

Wene Yesùt agot aike hesik isike atì, nebe anat o. An neileken hasigi mene nenat pak hogo yogohisa hak, helal palogo hìgì yì. Wene atì an neileken hasigi mene nenat pak hogo yogohisìgì eberogoat, ìlùk, nit obogat ninelu.

YOHANET 15:27

At en an nabok atì'nogo iko kolek, hit hogo re, an hit ninom alebat en welagorek atì nen he, hit en an nabok pak hogo yogoisìkì logogunat o,” ìlùk yogoisasike.

1 PETERÙT 5:1

Hit Ala againapùrì serisek welagasep atì hak, an atì'nogoat serisek welagìrek mene nen hinasuk aike wasik. At Karìsùt oba yì aik tì aik hìlìk hìlìk wa'lagaike atì, an neileken hasigi. Nen, hobuk Ala nen ebe weinam hogo lakhei wesigin atì waganem, apùnì nen hogorasugun atì, an ninom hogo'ninabugunat o. An nane lìok hogo hinasuk wasik.

ÙRÙM 15:4

Ala ane helal waganek atì ba re, ninepe morogo welagìk, nina'la hano agìk, ogorek atì nen he: “Hano asigin,” ìlùk Ala oba eberek logouagalùk, nirat ninasuk warogo Ala ane ba hageat helal waganogo hesukwa atì.

LAKSASIKE 10:39

Apùnì Yahuri mene inaua o ya ta atoma mel, o kota Yerusalem wùrì'mo atoma mel, nìkì logolìk, obogat hagatì lagaike mene atì, nit nineileken hasugu. Atì'nogo meneat he, at ebe e ba menhìlìk wasukwa atì.

YOHANET 20:31

Atì'nogo meneat he, helal waganek werek yì obogat he, hit en he, Yesùt atì Ala aput, nit apùnì telninabuagalùk wenagasogo lakhei wagaike a'nogo eberogoat, ìlùk hùthìlìk hinetaùken at oba hìpìrethìlìk, at etage palhenem hineluk logouageip ìlùk, helal waganogo hìgì o.

1 YOHANET 5:13

Hit hinetaùken Ala aput oba hìpìrìk welagep mene hùgì hina'la nen he, “Nabùlal-habùlal ese agosik welago,” ìlùk, hinelu asuageip ìlùk, wene obogat yì helal waganogo hinoba lakhei wagì o.

YOHANET 19:26

At agosa mel, agoromì ane wanhì lagaukwa mene aike etaùken hutik motok welagaike mene a'nogo mel, era'lu atì'nogo metek were'ma eileken isasikesik, at agosa yogotì logolìk he, “He yì nagosa. Hat heak arìat o,” ìlùk yogosikesik,

YOHANET 14:29

Wene obogat yogohisìgì atì ebe haga'laga halok, hit en he, Wene yogonisasike a'nogo arat haga'laga yì, ìùk hùthìlìk, hinetaùken an noba hìpìrethouageip ìlùk, wene atì ebe oan haga'lagì'lek werek kolek, abok tak yogohisìgì o.

YOHANET 11:42

An nen hat kìno yogohetenem, nane hasuk holhetek a'nogo, an nelu meneat he, it apùnì yoma nen, hat en an lakhani wagagin atì nebe hùthanuagalùk yogohetì o, nopase,” ìlùk isikesik,

YOHANET 11:15

Atì'nogo wa'laga meneat he, hit hinetaùken noba hìpìrethoageip en ìlùk, an atoma pìgì'lek kamo ìgì atì, hit hesigat na'la hai hakìkì lagì o. Halok yogotak nit Lasarùt oba puok en we'ni o,” ìlùk yogoisasike.

3 YOHANET 1:12

Atì'nogo meneat he, at Temeterìùt hesik enek he, apùnì obogat en mel, at Ala eberogoat enek ikerek a'nogo nen mel, an nen mel, “At hano hagarì'logo,” ìlùk abok hano ogorek. At abok ogorek atì, eberogoat hano ogorek atì hit hinelu o.