YOHANET 19:30 - Ala Ane Wene Ket Mene Warogo Wo'ninapike Wene

³⁰ Atì'nogo wogosukwama, etuk mìkhasikesik he, mel isike: “Arat hagatì o!” ìlùk, ot soma isikesik he, ebe arat wa'lagaike.

YOHANET 19:30 ပူးပေါင်းရင်းမြစ်များ

YOHANET 17:4

An nen kweangma yì mene tì mene hagasuagalùk menhanhigin a'nogo yabu ebe arat hagatì lagarìk katok hogo hagatì atì ba nen esinethagagì o.

PILIPI 2:8

At okawerek en etage legethakìlìk, “An noabùt he, nopase nen, Wa'lasuak, ìlùk, akike higit hogoat ane hologo logogin,” ìlùk, ebe e ba menhìlìk wasuagalùgat akasike atì.

IBERANI 12:2

Atì'nogo laga logolìk, emakum ninetaùken Yesùt oba hìpìrethouagalùk, at enat nina'la kagalhìk, hùlì elùgù oba hano katok hogo motok asi loagalùk, at enat se'nisek welagìk, ikerek atì nen he, arat nit nineileken nen wolok musok laga logouok o. At a'la nen he, “Inekalì warogo inebe e ba menhisìlìk inoatarek atì hak, an atì'nogo noasu nekalì,” ìlùk akìgì'lek, we, “An hobuk na'la hai hakegein,” ìlùk at ebe wato kolek epe morogo wa'lagaikesik en, hobuk eluk agaikesik yogotak Ala kain welagarek oba atoma era'lu kainat werek.

YOHANET 10:11

Wam topa wam esewerek logolìk serogo welagìrek mene, noabùt hano re, nebe anat o. Wam topa wam esewerek logolìk serogo welagaikarek mene, oabùt hano mene re, ako topa elelerogo wa'lasigin ìlùk a'la akikerek.

LUKAT 23:46

Atì'nogo hagasikomo, at Yesùt ane hùkorogo Ala yogotì logolìk he, “Nopase e! An nareagùn selok hogo, hat hekimo waninok en, ìlùk yogohetì o,” ìlùk yogosikesik he, arat lebek hogo wa'lagaike.

ÙRÙM 10:4

At Karisut ebe kweangma pi wagaike atì ba, wene Ala nen ninasuk wasike wene a'nogo ebe agaike. Apùnì inetaùken at Karìsùt oba hìpìrethagarek mene hùgì inebe lopok, ùkùm inoba mene korogo wokhìlìk, hobuk inapotkwe Ala inom hùnogo hisikerek.

YOHANET 19:28

Atì'nogo arat haga'lùk oba nen, at Yesùt a'la nen he, “Yì wene tì wene obogat arat elùgùn warogo hagatì,” ìlùk elu nogo nen he, Ala ane helal waganogo hesukwa mene ebe asuagalùk, “An i nele,” isike.

MAREKÙT 15:37

Atì'nogo yogoisasikomo, at Yesùt ane omake baga hùkorogo isikesik, arat lebek hogo wa'lagaike.

YOHANET 10:18

An nen wa'lasigin akìgì'le'maat, it apùnì aike nen oake ba noasusak mea o. We, an nokawerek na'la nenat, nebe wa'lasigin akegein obaat wa'lasigin o. Wa'larìk, hobuk napotkwe neluk asigin atì nokawerek na'la nen akegein obaat o. Atì'nogo hagasuagalùk nopase nen lakhani wagaike meneat hagasigin o, ìlùk eberogoat yogohisìgì,” ìlùk yogoisasike.

YOHANET 4:34

Atì'nogo isukwama, at Yesùt en he, mel yogoisasike: “At an lakhani wagaike mene a'nogo a'la akikerek mene higit hogo hagatì lagì atì mel, an hagasuagalùk nayoko hesike mene atì elùgùn warogo katok hogo hagasigìlùk ìkì lagì atì mel, an napùrùk he, atìat o.

MATÌÙT 27:50

Atì'nogo isukwama, at Yesùt hobuk ane omake baga hùkorogo isikesik he, arat lebek hogo wa'lagaike.

IBERANI 9:22

Ala nen wene ninasuk wasike wene atì higit hogo hagatì logolìk, yì mene tì mene obogat hake mep oba nek hotaresi'mo nogo nen he, mep wulapì'lek halok he, apùnì weak hagatarek mene sagalogo legetsasak mea atì nen he, mep wasike atì.

ÙRÙM 3:25

Alebat, at Ala nen he, nit apùnì weak hagato kolek, ninoatì'lek epe morogo welagaikesik en, yogotak at oabùt higit hogo hagaterek a'nogo enagat haga'lasuagalùk, Yesùt lakhei wagaike. Wagaikomo ebe watenem amep pisike atì ba, nit apùnì ninetaùken at oba hìpìrethogo mene hùgì, at ninom ninapotkwe hùnogo hinoagalùk lakhei wagaike atì. Ala nan nit apùnì ninetaùken Yesùt oba hìpìrethogo mene hùgì, ùkùm ninoba mene korogo wokhìlìk at ninom ninapotkwe hùnogo hinìkì logolìk he, at higit hogoat hagaterek ìlùk yogotak oabùt enagat haga'laga atì.

MATÌÙT 3:15

Yogosikomo re, at Yesùt en he, “An pela'nabusagat o. At Ala nenat yì hesik tì hesik atì'nogo hagasuagalùk akikerek higit hogoat haga'nabusak o,” ìlùk isikomo re, “Ì o,” ìlùk

1 KORÌTÙT 5:7

Apùnì Yahuri mene pesta Paskah nìkì logolìk, topa warn warogo, eken horoti hisuagalùk a'la pelaparek mene wulaksìlìk, hìtì'lek mene nek nekarek hak haga'no. Ninako topa wasu hak, Karìsùt nit hesik arat wasukwa atì nen he, hinebe horoti ket hìtì'lek mene agasip welagep hak eberogoat asuageip en, eken horoti hisuagalùk pelaparek mene alep mene wulaksagarek hak, weak hagatì lagep mene atì horogo heraksano o.

LUKAT 22:37

An haga'nabugun mene hesik helal waganogo hìkì logolìk he, At atì apùnì inoabùt weak hagatarek mene inom higit hogo hagarinapa o, ìlùk isukwa atì, an noba higit asusak meneat yogotak higit arìk wìrì'logo atì nen yogohisìgì o,” ìlùk yogoisasikomo,