YOHANET 19:18 - Ala Ane Wene Ket Mene Warogo Wo'ninapike Wene

¹⁸ Wagamkwasik he, atoma Yesùt ebe e ba tùlem menhìlìk he, it ap aike hunigat mene inom abel he'na-he'na menhisasukwa.

YOHANET 19:18 ပူးပေါင်းရင်းမြစ်များ

KALATIA 3:13

Ala ane ba helal waganogo hìkì logolìk he, mel isukwa: “Inebe e ba menhisìlìk inoasumo, it inebe wa'lasugun mene atì, Ala nen homan hisegein werek o,” ìlùk, helal waganogo hesukwa hagat, wene Ala nen ninasuk wasike wene atì ba re, homan hinasak higit were'ma, at Karìsùt en ninoko palogo telninabìgìlùk ùkùm nit ninoba mene korogo at oba hakasike atì.

YOHANET 18:32

Inane atì'nogo yogosukwa atì re, at Yesùt en wene hageat yogoisìkì logolìk, “An tì'nogo haga'nabìk noasugun,” ìlùk ìkì lagaike mane a'nogo, it atì'nogo hagasukwama, at ane ebe agaike atì.

MATÌÙT 27:44

Nen, it ap ineki abusak wanhì lagaukwama inoasukwa mene aremnogo nen Yesùt inane sagan atì'nogo wokhasukwaat.

IBERANI 12:2

Atì'nogo laga logolìk, emakum ninetaùken Yesùt oba hìpìrethouagalùk, at enat nina'la kagalhìk, hùlì elùgù oba hano katok hogo motok asi loagalùk, at enat se'nisek welagìk, ikerek atì nen he, arat nit nineileken nen wolok musok laga logouok o. At a'la nen he, “Inekalì warogo inebe e ba menhisìlìk inoatarek atì hak, an atì'nogo noasu nekalì,” ìlùk akìgì'lek, we, “An hobuk na'la hai hakegein,” ìlùk at ebe wato kolek epe morogo wa'lagaikesik en, hobuk eluk agaikesik yogotak Ala kain welagarek oba atoma era'lu kainat werek.

YOHANET 19:32

Atì'nogo kìno yogosi lagaukwama, it ap tentara mene amanogo wagaukwasik he, it ap Yesùt inom e ba menhisasukwa mene amanogo aike esok hukalogo hìgìk, aike esok hukalogo hìgìk, isukwa.

LAKSASIKE 2:23

Mene re, at Ala elu logolìk, a'la nen, Atì'nogo hagasuak o, ìlùk akasike baat, Yesùt ebe hineki ba hesikomo, hit en ap inoabùt weak mene ineki waganogo, at ebe e ba menogo hìlìk watep atì.