YOHANET 18:37 - Ala Ane Wene Ket Mene Warogo Wo'ninapike Wene

³⁷ at Pilatùt en he, “Halok he, hat eberogoat kain hetagepogot he a,” ìlùk ìkì lagaikomo, at Yesùt en he, mel yogosike: “An nebe kain netagepogot hat egen atìat o. Atì hesigat an nen ebe wene abok pak hogo yogoisìkì logoigìlùk nebe kweangma yoma ta'lasi pi wagagi o. Apùnì wene ebe wene atì werekwe asi lagaika mene hùgì inebe lopok an nane inasuk holì'lùgì o,” ìlùk yogotì lagaikomo,

YOHANET 18:37 ပူးပေါင်းရင်းမြစ်များ

YOHANET 8:47

Sa nen ebe Ala mene halok, Ala ane atì asuk holherek meneat he, hit he, hinebe Ala mene hùk. Hùnogoat mene atì nen he, at ane hinasuk holusak hinabìt atì o,” ìlùk yogoisasike.

1 YOHANET 4:6

Mene re, nit he, ninebe Ala againapùrì mene logolìk ninane ikenem, it aike Ala ebe inelu mene halok, inasuk holhìk, nen, it aike inebe Ala againapùrì mene hùk, hùnogoat halok he, inasuk holhì'lek heraksìgìk, egarek o. Atì'nogo ikenem nit en he, “Ala ebe mene Areagùn it atì ina'la werek, nen it agaike atì mokareke lalinaperek mene ina'la werek,” ìlùk enagat hùrisogorek atì.

YOHANET 8:14

at Yesùt en he, mel yogoisasike: “An wagagi mene mel, legein mene mel, hit hinokot meneat he, an enek he, nebe o atoma nen wagagi, nen hobuk o atoma legein, ìlùk nelu atì nen he, an nabok inelu asuagalùk nokawerek enat yogoisìkì lagì atì re, wene atì eberogoat yogoisìkì lagì o.

1 YOHANET 3:19

Nit en ninoabùt atì'nogo hagatì logolìk, nina'la nen he, “Nit ninebe Ala ebe mene againapùrì welago,” ìlùk hùthasak. Atì'nogo hùthìkì logolìk, nit weak hagato, ìlùk nina'la ekin welago halok, nit ninebe mea mene re, at Ala nek he, ebe hùko logolìk, yì wene tì wene obogat elu nek welagarek, ìlùk, at eilhanem nina'la se ninayù'lek hogoat logousak o.

YOHANET 14:6

at Yesùt en he, mel yogosike: “Kwe mel, ebe wene mel, inelugurinapìrek mel, atì an nebeat o. At sa nen an noba wagì'lek halok, nopase were'ma pìkìt kusak motok mea o,” ìlùk yogosikesik,

YOHANET 7:17

Sa nen Ala a'la akikerek mene higit hogo hagasusak walok halok, an nen wene yakùlisìkì lagì atì, Ala nen yakùleto kolek ìlì'logo, ìgìk, Okawerek a'la nen kagalogo ìlì'logo, ìgìk, enagat hìlìk elu asiginat o.

1 PETERÙT 1:22

Ebe wene atì hinasuk holhì logolìk, hina'la nen weak mene horogo laksìlìk, hinerùgì hinagaiya'lak Ala againapùrì mene aike eberogoat hinetawìrogo hagatì lagep atì, hinom hutik motok logolìk netawì-hetawìrogo hagatì logoino.

1 TIMOTÌÙT 6:13

Ala apùnì ninebe mel, yì mene tì mene mel, obogat ninelugu'ninaperek mene a'nogo eilhanemat, Karìsùt Yesùt apùnì nen ap Potìùt Pilatùt oba wolok lagaukwama, ane eberogoat pak hogo yogosike a'nogo eilhanemat, wene yì hasuk warogo yogohesigin.

LUKAT 23:3

Atì'nogo yogosukwama, at Pilatut en Yesùt oba hinok wokhìkì logolìk he, mel yogosike: “Ap Yahuri mene inoe etagepogot a'nogo hat meneat ega a?” ìlùk yogosikomo, at Yesùt en he, “Hat egen atìat o,” ìlùk yogosikomo,

MAREKÙT 15:2

Wogosi wagaukwama, at en he, hinok Yesùt oba wokhìkì logolìk mel yogosike: “Apùnì Yahuri mene inoe etagepogot a'nogo, hat meneat ega?” ìlùk yogosikomo re, at en he, “Hat egen atìat o,” ìlùk yogosike.

1 YOHANET 5:20

At Ala aput ninoba pi wagaikesik, Ala ebe mene ninelu asuagalùk ninetaùken kagalogo yogonisasike. Atì'nogo yogonisasikomo, nit he, Ala ebe mene aput Yesùt Karìsùt eperak ninom hutik motok welago. Nen, at Yesùt he, ebe Ala ebe mene logolìk nabùlal-habùlal ero arat welagarek o.

YOHANET 3:32

At eileken hasike mene mel, asuk holhike mene mel, pak hogo yogoisiko kolek meneat he, it apùnì obogat en he, at en wene pìlìngìrogo yogoisikerek mene atì, inobaken nene heraksìlì'lùgì o.

MATÌÙT 26:64

at Yesùt en he, “Hat en egen atìat o. Mene, wene yì an nen hit obogat yogohisak. Hùlì yogotak en he, an abat ta'lasi wagagi a'nogo, at Ala omame apik yì mene tì mene hagasusak enak a'nogo neperak era'lu eki ebekwe kainat logopik he, hobuk pogot oba atoma nen ohena a'la pi waganem hineileken neogoin o, ìlùk yogohisìgì,” ìlùk yogosikomo,

MATÌÙT 27:11

At Yesùt ap Pilatùt Gubernur kain mene a'nogo oba wolok wagaukwama elokoma mel asi lagaikomo re, at an hinok oba wokhìkì logolìk mel yogosike: “Apùnì Yahurì mene inoe etagepogot a'nogo hat meneat ega?” ìlùk yogosikomo, at Yesùt en he: “Hat egen atìat o,” ìlùk yogosike meneat he,

ABÌKAKAN 3:14

Atì'nogo yogonetesik, hobuk yogonetì logolìk he: “Ero ba nen, yì mene tì mene ero anat were'ma, Ala nen elalhike mene atì, at abok noabùt hùpùn hogo eberogoat enek ìgìrek mene, netage ebe asuak u hak, Amin a'nogo nen wene yì yogohesik: At Ala nen malaikat ayoko hìlìk lakhei wesu hak, at againapùrì o Laolikia atogotarek mene inayoko hìlìk hisasikomo werek a'nogo, wene an nen it yogoisegein mene yì, hat en helal waganogo inoba lakheinok en, it mel yogoisak:

ABÌKAKAN 1:4

An Yohanet en hit o propinsi Asia gereja 7 nen atogotì lagep mene nerùgì nagaiya'lak. Ninopase Ala ebe esok motok logolìk, holo welagaike, yogotak weregat, hobuk motok logogin mene wesigin atì mel, Ala ebe kain welagarek obùlùk oba werek kolek Areagùn ebe katoksek motok ìlùk 7 nen elokoma welagaikarek atì mel, at Yesùt Karìsùt oabùt hùpùn hogo logolìk Ala abok pak hogo yogonisikerek mene a'nogo mel, inoabùt hano a'nogo nen sethisek logolìk hano mene wokhisìgìk, hinetaùken hapuguthinapìk, ìkì logouak o. At Yesùt ebe wa'lagaikesi'mo nen opase Ala nen omalik makusa taginaparek atì hak, at tak apotkwe eluguthesikomo, apùnì kaintek inetagepogot kweangma mene yoma inebe mea mene re, at enek he, esin welagarek. Atì'nogo logoigìlùk, nit en weak hagatì lagagu atì nen, ninebe hele warek hake ha'nisek were'ma, at en nit etawì'ninapikesik, amep wulagasogo wa'lagaike atì ba hele hikalninapike atì.

1 YOHANET 3:14

Ala nen ninebe wa'lagaikare'ma nen wo'ninabik, ineluk welagaikare'ma hinikomo welago ìlùk, nit-nit ninerùgì ninagaiya'lak ninom netawì-hetawìrogo welago atì nen hùthìkì lago o. Halok he, sa nen apùnì aike etawìrogo lek, abìt welagarek mene atì ebe wa'lagaikare'ma atomaat werek o.

LUKAT 22:70

it obogat en he, mel yogosukwa: “Halok he, hat Ala aput nogo?” ìlùk yogosukwama, at en he: “Hit hinokawerek en egep atìat o,” ìlùk yogoisasikomo,

MAREKÙT 14:62

Hinok atì'nogo wokhasikomo, at Yesùt en he, mel yogosike: “Ati, an nebe yìat o. An abat ta'lasi wagagi a'nogo, at Ala omame apik yì mene tì mene hagasusak enek a'nogo era'lu eki ebekwe kainat logopik he, pogot oba atoma nen ohena a'la pi waganem hineileken neogoin o,” ìlùk yogosike.

YOHANET 1:14

Ebe Wene a'nogo abat agaikesik ninomat welagagu. Ninomat logolìk he, at ebe atì Ala aput omakeat tago nogo nen he, hogoratarek mene nineileken hasugu o. At oabùt hano nen, hanorogo haga'ninapik, wene ebe wene yogonisìgìk, iko motok were'ma nineileken hasugu.

YOHANET 1:17

Wene Ala nen ninasuk wasike wene a'nogo yakùlnisoagalùk, alebat Musa lakhei wagaikomo, yakùlnisasike meneat he, Ala oabùt hano nen hano'ninapìk, ebe wene yakùlnisìgìk, uagalùk, Yesùt Karìsùt lakhei wagaikomo yakùlnisasike atì.

YOHANET 8:45

Meneat he, an nen wene ebe wene yogohisìkì lagì atì nenat, hit en he, Eberogoat, ìlùk hùthìkì lagep lek.

YOHANET 8:46

An nen weak hagatenem, hit aike nen hineileken neegep halok he, yogone'ni ta. Lek o. An nen wene ebe weneat yakùlhisiko kolek, hùthìkì lagep lek atì nahalok.

1 YOHANET 2:21

An nen wene helal waganogo hinoba lakhei wagì atì re, ebe wene hinokot en hùk. Hinelu welagep atì nenat lakhei wagì o. Nen, inapeliak egarek atì ero re, Ala ebe mene nen hùk. Ero hunigat, ìlùk hineluat o.