YOHANET 18:33 - Ala Ane Wene Ket Mene Warogo Wo'ninapike Wene

³³ It Yahuri mene nen atì'nogo yogosukwama, at Pilatùt o ùkùm inoba hìgìk, kotìk, egare'ma a'nogo apotkwe kisikesik, at Yesùt ane hakhasikesik he, mel yogosike: “Apùnì Yahuri mene inoe kain etagepogot a'nogo hat a?” ìlùk yogosikomo,

YOHANET 18:33 ပူးပေါင်းရင်းမြစ်များ

YOHANET 19:12

at Pilatùt asuk holhikesik he, Yesùt hele hikalogo heigìlùk walhasike meneat he, it ap Yahuri mene amanogo inane hùkorogo sì'lamok-wa'lamok mel yogosukwa: “Sa nan, An nebe kain netagepogot, ìlùk okawerek en ike halok he, ap Kaisat a'la meathike ugun. Halok he, hat en at ari hele hikalogo wulakhegen halok he, hat ap Kaisat heperak ekabe mene lek o. Huso mene heogoin o,” ìlùk yogosukwama,

YOHANET 19:3

Atì'nogo isukwasik he, inebe hobotha kìkì logolìk he, mel yogosukwa: “Apùnì Yahuri mene inoe kain etagepogot a'nogo harat hìgì o, wì!” ìlùk yogotì logolìk tùgì elokoken ineki tap watì lagaukwa.

YOHANET 18:37

at Pilatùt en he, “Halok he, hat eberogoat kain hetagepogot he a,” ìlùk ìkì lagaikomo, at Yesùt en he, mel yogosike: “An nebe kain netagepogot hat egen atìat o. Atì hesigat an nen ebe wene abok pak hogo yogoisìkì logoigìlùk nebe kweangma yoma ta'lasi pi wagagi o. Apùnì wene ebe wene atì werekwe asi lagaika mene hùgì inebe lopok an nane inasuk holì'lùgì o,” ìlùk yogotì lagaikomo,

YOHANET 12:13

wùrama hake mene eka palhìgìk wolok he, Yesùt elokoma a'mìt sup hogo wùlìpì logolìk, mel isukwa: “Wa! Wa! Wa!” ìlùk u hak, “Hosana! Ninopase Ala Etagepogot en nit apùnì Isirael mene ninoe kain lakhagei wagama wagen yì, at enat hanothabuak o,” ìlùk etawì warìk warìk wùlìbi wagaukwa.

MAREKÙT 15:2

Wogosi wagaukwama, at en he, hinok Yesùt oba wokhìkì logolìk mel yogosike: “Apùnì Yahuri mene inoe etagepogot a'nogo, hat meneat ega?” ìlùk yogosikomo re, at en he, “Hat egen atìat o,” ìlùk yogosike.

MATÌÙT 27:11

At Yesùt ap Pilatùt Gubernur kain mene a'nogo oba wolok wagaukwama elokoma mel asi lagaikomo re, at an hinok oba wokhìkì logolìk mel yogosike: “Apùnì Yahurì mene inoe etagepogot a'nogo hat meneat ega?” ìlùk yogosikomo, at Yesùt en he: “Hat egen atìat o,” ìlùk yogosike meneat he,

1 TIMOTÌÙT 6:13

Ala apùnì ninebe mel, yì mene tì mene mel, obogat ninelugu'ninaperek mene a'nogo eilhanemat, Karìsùt Yesùt apùnì nen ap Potìùt Pilatùt oba wolok lagaukwama, ane eberogoat pak hogo yogosike a'nogo eilhanemat, wene yì hasuk warogo yogohesigin.

YOHANET 19:9

Atì'nogo ayùk agaikesik, Yesù wolok apotkwe o ùkùm inoba hìgìk, kotìk, egare'ma a'nogo kisikesik, mel yogosike: “Hat hawì ero o koma,” ìlùk yogosike meneat he, at Yesùt en oko ìgì'lek kamo isike.

YOHANET 1:49

at Nataniel en he, mel yogosike: “Noe. Ala aput nit Isirael mene ninoe kain Hetagepogot harat hììgì o,” ìlùk yogosike.

MATÌÙT 27:27

Pilatùt en Yesùt ebe wogisasikomo re, it agoromì tentara mene amanogo nen wene ero pìlìngìtare'ma wolok kìlìk he, at ebe tùlem aremnogo hìlìk, inagaiya'lak esa omakeat inom logolhì lagaukwa mene inebe obogat era'lu walìngìrogo atogothìlìk he,

LUKAT 23:2

Wagaukwasik ùkùm oba hìkì logolìk he, mel yogosukwa: “Ap yì nen apùnì nit mene lalinapìk, uang pemerintah mene hesik ap kain Kaisat a'nogo wogosusak lek o, ìgìk, Hinoe Netagepogot Karìsùt a'nogo anat o, ìgìk, ìlùk nit nineilhanem ìkì laga atì nen wolok wago,” ìlùk yogosukwa.

YOHANET 18:34

at Yesùt en he, mel yogosike: “Hat en wene an nabok egen atì re, hat ha'la nen kagalogo egen a? At he, it apùnì aike nen yogohetama nen egen a,” ìlùk yogosikomo,

YOHANET 18:38

at Pilatùt en he, “Wene ebe wene atì nena wene nogo,” ìlùk yogosike. Wene atì'nogo yogosikesik he, at Pilatùt hobuk ap Yahuri mene inoba wùlìbi wagaikesik he, mel yogoisasike: “An nen at ùkùm oba hegep mene pìlìngìtì mene re, at weak aike hagatomo hìgì motok lek o.

YOHANET 19:4

Atì'nogo watì lagaukwama, at Pilatùt a'nogo hobuk it ap Yahuri mene isa wùlìbi wagaikesik he, mel yogoisasike: “Ap sanì. Lakhani! At ùkùm oba hegep mene pìlìngìtì mene re, at weak aike hagatomo hìgì motok lek atì hit hinelu asuageip en ìlùk wulakhisa wagì o,” ìlùk yogoisasikomo,