YOHANET 18:28 - Ala Ane Wene Ket Mene Warogo Wo'ninapike Wene

²⁸ Atì'nogo haga'lùk, sùe ane isikomo hùp siak hogo at Yesùt ap Kayapat were'ma nen, o ùkùm inoba hìgìk, kotìk, egare'ma wolok wagaukwa. Wolok wagaukwasik he, Yesùt enek ouma kelakhesukwasik, “Nit pesta Paskah a'nogo mene nìkì logousa'ma, ninabusak kumo re, nit weak asinogo,” ìlùk he, o ùkùm inoba hìgìk, kotìk, egare'ma atoma kìgì'lek, we, o silimo kamo isukwa.

YOHANET 18:28 ပူးပေါင်းရင်းမြစ်များ

YOHANET 19:9

Atì'nogo ayùk agaikesik, Yesù wolok apotkwe o ùkùm inoba hìgìk, kotìk, egare'ma a'nogo kisikesik, mel yogosike: “Hat hawì ero o koma,” ìlùk yogosike meneat he, at Yesùt en oko ìgì'lek kamo isike.

YOHANET 18:33

It Yahuri mene nen atì'nogo yogosukwama, at Pilatùt o ùkùm inoba hìgìk, kotìk, egare'ma a'nogo apotkwe kisikesik, at Yesùt ane hakhasikesik he, mel yogosike: “Apùnì Yahuri mene inoe kain etagepogot a'nogo hat a?” ìlùk yogosikomo,

YOHANET 19:14

Hù'lagaike atì at he, ohealekokwe pesta Paskah nìlìk lùogolùk, yì mane tì mene nomologo hiko kolek, jam 12 hake like tùlem hù'lagaike. Hù'lagaikesik, apùnì Yahuri mene mel yogoisasike: “Yì sanì. Ap yì hit hinoe etagepogot yì hineileken hani!” ìlùk yogoisasikomo,

MATÌÙT 27:27

Pilatùt en Yesùt ebe wogisasikomo re, it agoromì tentara mene amanogo nen wene ero pìlìngìtare'ma wolok kìlìk he, at ebe tùlem aremnogo hìlìk, inagaiya'lak esa omakeat inom logolhì lagaukwa mene inebe obogat era'lu walìngìrogo atogothìlìk he,

LAKSASIKE 3:13

Ninopase Ala atì, Aberaham mel, Isak mel, Yakùp mel, ninopalak aike mel, inopase Ala atì nenat he, aput Yesùt esinethike atì. Mene re, hit en, it aike nen wasuagalùk ineki ba hegepma re, at Pilatùt en eki hele hikalogo wulakheigìlùk ikenem, hit en he, Ap atì ninabìt o, ìlùk egep a'nogo.

YOHANET 11:55

Welagaukwa atem sat he, it apùnì Yahuri mane pesta etage Paskah nekarek a'nogo mene nasak oba arat hakok i wagaikomo nùogolùk oan logolìk, it inerabùl negen horogo ìlùk, Yahuri mene hagatarek hak hagasuogolùk, inawì lopok en o Yemsalem atogotì lagaukwa.

LAKSASIKE 11:3

Wenagatì logolìk he, “Hat hebe it apùnì inogat inekalìma mene pale'lek mene inoba lagatìk he, sùpùrùk hinom omakìma nìkì lagasip wagen atì nahalok,” ìlùk wenagasukwa.

LAKSASIKE 10:28

Eileken isìlìk, mel yogoisasike: “Nit apùnì Yahuri mene nen hit apùnì etakwe mene ninom hùnetìk, nit hinoba kìgìk, usak lek ilùk, wene palek welagarek atì, hinelu. Atì'nogo meneat he, at Ala nen, Apùnì aike mene atì, inom logousak he, wesa mage, ìlùk usak lek o, ìlùk yakùlnetomo re,

YOHANET 18:39

Atì'nogo meneat he, hit en pesta Paskah nìkì logolìk, ap hele warek mene aike hele hikalhisoagalùk kìno yogonetenem, hikalhisìgìrek a'nogo nen he, hit ap Yahuri mene hinoe kain etagepogot yì hele hikalhisasak walok a? Hinabìt a,” ìlùk yogoisasikomo,

LUKAT 22:66

Atì'nogo yogoto were'ma, o we isikomo re, ap Yahuri inalùgetek amanogo mel, Ala esewerek mene inogogì kaintek mene mel, Ala ane helal waganek esewerek mene mel, atogosukwasik, wene Ala ane hesik ero pìlìngìtare'ma atoma were'ma, Yesùt wolok inoba kisukwama re,

MAREKÙT 15:16

At Pilatùt en atì'nogo wogisasikomo re, it ap tentara mene amanogo nen Yesùt wolok ap kain gubernur awì silimo kìlìk he, it inagaiya'lak inom esa omakeat logolhì lagaukwa mene obogat waisasukwa.

YOHANET 18:13

Eki hele warogo emakum ap Hanat oba wolok wagaukwa. Ap Hanat atì ebe re, it ap Ala esewerek mene inoe kain tahun atì ba welagaike mene etage Kayapat atì eamal.

YOHANET 18:15

Atì'nogo wolok wagaukwama, at Simon etage aike Peterùt egarek a'nogo nen, at Yesùt agoromì ane wanhì lagaukwa mene aike eperak Yesùt opolik wagaukwa. Atì'nogo wagaukwasik, at Peterùt enek he, leget abel etakwe kwe ba werek kolek, at Yesùt agot aike atì re, ap Ala esewerek inoe kain a'nogo nen ebe elu nogo nen he, at Yesùt eperak ap kain atì awì silimo kisukwa. Kisukwasik he, at Yesùt agot, ap Ala esewerek mene inoe kain nen ebe elu mene a'nogo, hobuk apotkwe wùlìbi wagaike. Wùlìbi waga logolìk, helekerek kwe ba apùnì wùlùkùgùnem kagalek welagarek mene atì eperak weneane isukwasik he, Peterùt wolok kisike.

YOHANET 19:11

at Yesùt en he, mel yogosike: “At Ala men he, Hat en ùkùm apùnì inoba hìgìk, kotìk, ìkì logoino, ìlùk hat esewerek hageilep le'ma re, hat en ùkùm noba housak meaat o. Atì nen he, Hat weak hagaten, ìlùk ùkùm hoba hamùlùgat negen werek meneat he, at aike nen an nebe waganogo hat heki ba hani waga mene atì nek he, weak hagate, ìlùk ùkùm hùko negen oba werek o,” ìlùk yogosikomo,

LAKSASIKE 4:27

Atì'nogo isigin hagat, at Herotet mel, Potìùt Pilatùt mel, apùnì etakwe mene mel, apùnì Isirael mene mel, Yesùt, hat hokawerek haput nit apùnì telninabuagalùk menhesigin mene a'nogo, wasuogolùk eberogoat o yoma atogosi wagaika atì hesik isigin atì.

LAKSASIKE 10:32

O Yope atoma re, ap ebe omakeat mene etage alep mene Simon. Nen, hobuk mene, Peterùt, atì ayoko loak en ap aike laksan o. At ebe re, ap pok wagasik he, ap etage Simon, yì wam tì wam ogat nokolek mene pùgùraterek mene a'naga aua i laut hùko yekele'ma esakoma atoma werek a'naga o, ìlùk yogonete.