YOHANET 18:20 - Ala Ane Wene Ket Mene Warogo Wo'ninapike Wene

²⁰ at Yesùt en he, mel yogosike: “An nen apùnì kweangma mene wene yogoisìkì logolìk he, pak hogo nek yogoisìgìrek o. O it apùnì Yahuri mene obogat atogothìlìk sapan egarek obakwe mel, Ala awì wùrì'mo mel, atoma nek yakùlisìgìrek o. Wene hinagasogo aike ìgìrek motok lek meneat he,

YOHANET 18:20 ပူးပေါင်းရင်းမြစ်များ

MATÌÙT 24:26

It apùnì aike nen yogohisìkì logolìk he, Lakhani! At a'nogo o leimo a'loma werek o, iko halok he, hineileken lakha lagùp o. Nen, it aike nen, Lakhani! At a'nogo ouma abùrare'ma hinago werek o, iko halok he, hina'la nen eberogoat ìlùk akagùp o.

MATÌÙT 26:55

it ap apik wagaukwa amanogo mel yogoisasike: “Ap yogot wanhenem haksa wagaikarek atì hak, hit en atì'nogoat an hakhanuogolùk, karok mel, payùk mel, motok wolok wagep yì rì! An ninhùp-nanhùp Ala awì wùrì'mo hùrek logolìk wene yakùlisikenem, hit en an yì'nogo hakhanhì'lek welagasibat he,

MATÌÙT 26:65

it ap Ala esewerek inoe kain a'nogo asu lìbìlogo laksìkì logolìk he, mel yogoisasike: “Ala a'la meathìlìk etage weagathike atì hegep a? Apem nen at weak hagatenem ineileken haga mene wene sekek hogo uagaluk nahalok yerisek logogun. At en Ala a'la meathìlìk etage weagathike atì arat hinasuk holhep.

MATÌÙT 4:23

Lagaukwama re, at Yesùt o Kalilea tokwe o lopok atoma nìkì logolìk, apùnì Yahurì mene sapan egarek obakwe kìlìk he, wene hano wene hobuk ninopase Etagepogot awe a'ma hinegein a'nogo wene yogoisìgìk, yì ou tì ou hagarìnapik, ìkì lagaike.

MATÌÙT 9:35

At Yesùt o sili hùkokwe, hamùlùkkwe, ya kìgìk, ta kìgìk, nìkì logolìk, o sapan egarek obakwe kìlìk he, hano wene ninopase Ala nen awe a'ma hinikerek wene a'nogo yakùlisìgìk, yì ou tì ou inoba werek mene mel, inomame lek maben mene mel, hano hagarinapìk, ìlìk nìkì lagaike.

MAREKÙT 8:32

agoromì amanogo pak hogo yogoisasikomo re, at Peterùt en, Yesùt ebe alepma wolok lagaikesik he, mel yogosike: “A! Hat egen atì'nogo ùgùn o!” ìlùk asuk wasikomo re,

LUKAT 21:37

Wene atì'nogo yogoisasikesik he, hobuk, at Yesùt o we ikenem Ala awì wùrì'mo, wene yakùlisìgìk, o hi ikenem tom Saitun punu ba sapan i lagagìk, ìkì lagaike.

LUKAT 4:15

Atì'nogo sak-pak iko kolek, at ebe atoma logolìk, o sapan egarek obakwe kìlìk wene yakùlisikenem apùnì atoma mene obogat en hogoratì lagaukwa.

YOHANET 18:21

an noba hinok wo'nììkì lagen atì nenahalok. An nen wene yogoisikenem it arat inasuk holharesi'mo re, an nen wene yogoisìkì lagì mene atì, it ineluat werek o. Halok he, it inoba hinok wogisan o,” ìlùk ikenem he,

YOHANET 6:59

Wene Yesùt en atì'nogo yogoisasike atì re, at ebe o Kaperenagùm o sapan egarek oba wene yakùlisìkì logolìkyogoisasike.

YOHANET 7:14

Pesta a'nogo nìlìk laga kolek heise'ma Yesùt Ala awì wùrì'mo ki lìlìk, wene yakùlisìkì lagaike.

YOHANET 7:26

Meneat he, ebe lakhani! Nayùk e. Ayù'legat logolìk, wene yogonisikenem, it en wene oko yogotì'legat kamo ìlì'lùgì yì. It ap ninogogì kaintek yoma ina'la nen he, Ap yì nit apùnì telninabuagalùk Ala nen lakhei wesigin, ìlùk isike a'nogo ebe arìat, ìlùk ina'la akagasik en ìlì'lùgì he a.

YOHANET 7:28

Atì'nogo ìkì lagaukwama, at Yesùt Ala awì wùrì'mo wene re, ane hùkorogo mel yogoisasike: “An nebe mel, nebe o atoma nen wagagi mel, hit hinelu nogo? An wagagi atì re, an nabusak na'la nen kagalogo wagagi lek o. We, at ane eberogoat enek ikerek mene a'nogo nenat lakhani wagaike meneat he, at ebe hit hinokot o.

YOHANET 8:2

Lagasikesik, ohealekokwe hùp siak hogo pi wagaikesik, Ala awì wùrì'mo wagaikeat. Wagaikesik ouma kisikomo re, apùnì apigat at oba wagaukwama, at ebe hù'lagaikesik he, wene yakùlisasike.

YOHANET 8:26

An nen yì wene tì wene apigat yogohisìgìk, ùkùm hinoba hìgìk, kotìk, usak elok meneat he, at lakhani wagaike mene a'nogo ane eberogoat enek ikerek atì nen, at en ikenem nasuk holhì lagì mene atìat hit kweangma mene yoma yogohisìkì lagì o,” ìlùk yogoisasike.

LAKSASIKE 26:26

“Agarìpa noe. Wene yì obogat hat helu atì nen, an hat heilhanem nayù'lek hogo ìkì lagì. Wene atì, o hinagoma haga'lagì'lek. We, weinamma haga'lagaike atì nen, wene atì aike hat hokot welagen, ìlùk na'la akìkì lagì lek o.