YOHANET 18:13 - Ala Ane Wene Ket Mene Warogo Wo'ninapike Wene

¹³ Eki hele warogo emakum ap Hanat oba wolok wagaukwa. Ap Hanat atì ebe re, it ap Ala esewerek mene inoe kain tahun atì ba welagaike mene etage Kayapat atì eamal.

YOHANET 18:13 ပူးပေါင်းရင်းမြစ်များ

MATÌÙT 26:3

Atì sat he, it ap Ala esewerek mene inogogì kaintek mene mel, inalùgetek amanogo mel, at ap Ala esewerek mene inoe kain etage Kayapat a'nogo aua atogothìlìk he,

MATÌÙT 26:57

Hese atì'nogo pùgùlhukwama re, at Yesùt ebe hakhesukwasik he, ap Ala esewerek mene inoe kain Kayapat oba wolok lagaukwa. Lagaukwa re, atoma it ap Ala ane helal waganek esewerek mene mel, inalùlgetek mel, atogorek were'ma lagaukwa.

LUKAT 3:2

Inogogì kaintek pemerintah hesik it atem werek kolek, Ala hesik he, ap Hanat Kayapat eperak Ala esewerek mene inogogì kain welagaukwa. Atì'nogo werek kolek, at Yohanet ap Sakaria aput a'nogo o leimo apùnì le'ma atoma were'ma, Ala nen wene aike yogosike.

YOHANET 11:49

ap it mene aike etage Kayapat, it ap Ala esewerek mene inoe kain tahun atì ba welagaike mene nen mel yogoisasike: “Hit wene motok hinokot en ìkì lagep.

YOHANET 11:51

at a'la nen kagalogo isike hùk. We, at ebe ap Ala esewerek mene inoe kain tahun atì ba were'ma, Ala nen a'la kagalhikomo re, mel isike: “Nit apùnì Yahuri mene hesik Yesùt ebe wa'lasigin,” atì mene hesik isike atì.

YOHANET 18:24

hobuk at Hanat en, at Yesùt eki hele homagoat, ap Kayapat ebe ap Ala esewerek mene inoe kain a'nogo oba wolok wesuagalùk lakhei wagaike.

YOHANET 18:28

Atì'nogo haga'lùk, sùe ane isikomo hùp siak hogo at Yesùt ap Kayapat were'ma nen, o ùkùm inoba hìgìk, kotìk, egare'ma wolok wagaukwa. Wolok wagaukwasik he, Yesùt enek ouma kelakhesukwasik, “Nit pesta Paskah a'nogo mene nìkì logousa'ma, ninabusak kumo re, nit weak asinogo,” ìlùk he, o ùkùm inoba hìgìk, kotìk, egare'ma atoma kìgì'lek, we, o silimo kamo isukwa.

YOHANET 19:11

at Yesùt en he, mel yogosike: “At Ala men he, Hat en ùkùm apùnì inoba hìgìk, kotìk, ìkì logoino, ìlùk hat esewerek hageilep le'ma re, hat en ùkùm noba housak meaat o. Atì nen he, Hat weak hagaten, ìlùk ùkùm hoba hamùlùgat negen werek meneat he, at aike nen an nebe waganogo hat heki ba hani waga mene atì nek he, weak hagate, ìlùk ùkùm hùko negen oba werek o,” ìlùk yogosikomo,