YOHANET 18:12 - Ala Ane Wene Ket Mene Warogo Wo'ninapike Wene

¹² Wene atì'nogo ìlùk isikomo re, it ap tentara mene esa logolek amanogo inoe kain aike inom mel, nen, it ap Yahuri mene Ala awì serogo welagaikarek mene mel, inom en he, at Yesùt ebe hakhìlìk, eki hele wasukwa.

YOHANET 18:12 ပူးပေါင်းရင်းမြစ်များ

YOHANET 18:3

Atì'nogo elu nogo nen he, it ap Ala esewerek inogogì kaintek mel, it Parisi mene mel en he, inagoromì Ala awì serogo welagaikarek mene inayoko hìlìk laksasukwama, at Yùrat en tentara mene esa logolek aike inom wogisek, sike mel, sìge mel, yì esage tì esage mel, wolok atoma lagaukwa.

MATÌÙT 26:57

Hese atì'nogo pùgùlhukwama re, at Yesùt ebe hakhesukwasik he, ap Ala esewerek mene inoe kain Kayapat oba wolok lagaukwa. Lagaukwa re, atoma it ap Ala ane helal waganek esewerek mene mel, inalùlgetek mel, atogorek were'ma lagaukwa.

LAKSASIKE 21:37

Paùlùt o ningsek wùrì'mo a'nogo wolok kuogolùk ikenem, at en ap tentara inoe kain a'nogo yogotì logolìk he, “An wene aike yogohesusak elok a? Mea a,” ìlùk ikenem, at en he, “Egi! Hat nit apùnì Yunani mene ninane helu hììgì.

LAKSASIKE 21:31

Atì'nogo wolok wùlùpukwasik, Paùlùt ebe wasuogolùk iko kolek, it aike nen ap tentara Ùrùm mene esa logolhì lagaukwa mene inoe kain mene atì oba lìlìk he, “O Yerusalem yoma wene aike wo'lagama. Apùnì inebe obogat inane apik sagalì'lùgì o,” ìlùk yoko lagaukwa.

LUKAT 22:54

At Yesùt en atì'nogo yogoisasikomo, it en at ebe hakhesukwasik he, ap Ala esewerek inoe kain mene a'nogo aua wolok laga kolek, at Peterùt a'nogo hobuk inopolik hek hogo lagaike.

MAREKÙT 15:1

Atì'nogo hagatì lagaukwasik, o we isikomo re, ap wene Ala hesik ero pìlìngìtarek mene inebe obogat, it ap Ala esewerek mene inogogì kaintek amanogo mel, inalùgetek amanogo mel, Ala ane helal waganek esewerek mene amanogo mel, he'nakit inomat en, “Tì'nogo hagasuok,” ìlùk isukwasik he, Yesùt eki hele warogo Pilatùt wogosi wagaukwa.

MAREKÙT 14:53

At Yesùt ebe hakhesukwasik he, ap Ala esewerek mene inoe kain oba wolok lagaukwa. Atoma it ap Ala esewerek mene inogogì kaintek inebe obogat mel, inalùgetek amanogo mel, Ala ane helal waganek esewerek mene amanogo mel, atogosukwa.

MATÌÙT 27:2

eki hele warogo at Pilatùt ebe Gubernur kain were'ma oba wolok wagaukwasik he, wogosukwa.

LAKSASIKE 23:10

inane hùkoat sagalhì logolìk, Paùlùt ebe o'moko nen lisìgìk, o'moko nen lisìgìk, wasinogo ìlùk, it ap tentara esa logolhì lagaukwa mene inoe kain a'nogo nen, agoromì it ap amanogo inoba pìlìk, Paùlùt ebe ina'la nen telogo o ningsek wùrì'mo a'nogo wolok kuagalùk yogoisasike.

MATÌÙT 27:27

Pilatùt en Yesùt ebe wogisasikomo re, it agoromì tentara mene amanogo nen wene ero pìlìngìtare'ma wolok kìlìk he, at ebe tùlem aremnogo hìlìk, inagaiya'lak esa omakeat inom logolhì lagaukwa mene inebe obogat era'lu walìngìrogo atogothìlìk he,

LAKSASIKE 10:1

O Kaisarea atoma ap esa hùko tentara mene etage ap Italia esa ìlùk ìkì lagaukwa mene ap aike inoe kain mene etage Korenelìùt welagaike.