YOHANET 17:9 - Ala Ane Wene Ket Mene Warogo Wo'ninapike Wene

⁹ “An nen sapan ìkì lagì yì re, it apùnì kweangma mene hesik ìkì lagì hùk. We, it hat hagainapùrì mene an wo'nesigin atì nen he, it hesigat sapan ìkì lagì o.

YOHANET 17:9 ပူးပေါင်းရင်းမြစ်များ

LUKAT 22:32

hat hetaùken noba hìpìrethìlìk welagen mene atì maben asinogo ìlùk he, hat hesik an Ala ayoko arat hìgìma. Hepe hebelagen halok he, hagaiya'lak yoma hat en inetaùken ago watsìkì logoino,” ìlùk yogosike.

LUKAT 23:34

Atì'nogo menhisasukwama logolìk, at Yesùt en Ala mel yogosike: “Nopase e! It yì inokot logolìk haga'nabì'lùgì yì re, ùkùm inoba hìgì'lek sagalogo heraksano o,” ìlùk yogosike. Nen, it ap tentara mene amanogo nen he, atì'nogo menhisìlìk, “At Yesùt asu nokolek amanogo sanì hak asugun,” ìlùk he, oageke lakhìgìk, wakhìgìk, isukwasik, oageke inoba agaike mene hùgì sùpùrogo helasukwa.

LUKAT 8:34

Atì'nogo haga'lagaikomo, it ap wam kalogo welagaukwa mene ineileken hasukwasik he, humusek yoko lagaukwasik, wene haga'lagaike mene a'nogo apùnì o sili hùkoma yogoisìgìk, hamùlù'mo yogoisìgìk, yogoisasukwa.

YOHANET 14:16

Atì'nogo hagatenem, hit lebethisìkì logolìk, hinom motok logouageip en ìlùk, an nen nopase kìno yogosumo, at en ap aike pelakhisa wesigin o. At atì ebe re, Ala Areagùn ebe wene yogohisìkì logogin mene. Atì'nogo hinoba pelakhisa wesumo, it apùnì kweangma mene nen, at atì ebe inokorat. Nen, ebe ineileken hogoin legat, atì nen he, ebe wanusak mea o. Atì'nogo meneat he, hit enek he, at ebe hinom logolìk, hina'la motok logogin atì nen he, at ebe hinelu logogun o.

YOHANET 17:20

“Nopase. It atì inaligat hesik enek sapan ìkì lagì hùk. Lek o. It aike hunigat mene, it en wene yakùlisa logoin oba inetaùken an noba hìpìrethogoin mene inomat hesik sapan ìkì lagì o.

YOHANET 17:6

Apùnì kweangma mene hat en hageat wo'nesigin mene hùgì obogat, hat hebe inelu asuagalùk yakùlisìgì o. It inebe hat mene an wo'nesiginmo nogo nen he, hat hane hologo hagatarek o.

YOHANET 6:37

Mene re, an pogot oba nen pi wagagi atì re, an nokawarek na'la nen kagalogo hagasigìlùk pi wagagi hùk. We, at lakhani wagaike mene a'la akikerek mene atìat higit hogo hagasigìlùk pi wagagi atì nen he, apùnì an nopase nen wo'neterek mene inebe lopok noba waganem he, an nen, Hit an noba wesusak lek, ìlùk, wenagisegein lek o.

YOHANET 6:39

Nen, at a'la akikerek mene an nen hagasuagalùk lakhani wagaike atì re, ebe yì: At en apùnì an wo'neterek mene obogat aike pelaksìgì'legat, o elùgùn oba, an nenat inelugurinabuagalùk,

IBERANI 7:25

Atì'nogo eluk motok logolìk, nit apùnì hesik Ala kìno yogoto motok welagarek atì nen he, nit Ala were'ma kuogolùk at oba ha'larìk kikenem elok telninabìk katok hogo hano haga'ninabigin atì.

IBERANI 9:24

at Karìsùt o Ala okawerek awì ìlùk apùnì nen oba lìrogo wusukwa ba atì kisike hùk. Lek o. We, pogot ebe ba kisikesik Ala were'ma atoma nit hesik werek o.

1 YOHANET 5:19

It apùnì kweangma mene inoabùt inesok mene atì obogat he, at oabùt weak mene a'nogo eki ba welagaikarek. Atì'nogo meneat he, nit enek he, Ala ebe againapùrì mene welago, ìlùk ninelu o.

ABÌKAKAN 13:8

At Ala nen he, pogot kweang oan elalhì'lek logolìk, “It atem ineluk motok logouagalùk hagarinabigin,” ìlùk, inetage helal waganogo at Atopa Eak, it hesik wasukwa mene a'nogo arùesika ba hesike. It inetage atì'nogo helal waganogo hesike mene hùgì, yeke lo yeke hake hùko a'nogo hogoratì'lek werek kolek, apùnì kweangma welagaikarek mene aike obogat inetaùken yeke lo yeke hake hùko a'nogo ba hìpìrethìlìk hogoratì lagaika isìgì.