YOHANET 17:8 - Ala Ane Wene Ket Mene Warogo Wo'ninapike Wene

⁸ Wene hat en yogonesigin mene amanogo, it arat yogoisigima, arat wanhasik, an hesik ìkì logolìk he, Ala nen lakhei wagaikomo, at were'ma nen eberogoat wagaike, ìlùk inelu agaikasik he, nebe hùthanha o.

YOHANET 17:8 ပူးပေါင်းရင်းမြစ်များ

YOHANET 17:14

Hat hane a'nogo it arat yogoisìgì. Nen, an nebe apùnì kweangma mene yoma inagot lek atì hak, it atì'nogoat inebe apùnì kweangma mene inagoromì lek atì nen he, it apùnì kweangma mene nen inabìrat motok hagarinabì'lùgì o.

YOHANET 15:15

It apùnì inatitigeke mene atì, inogogì hagatarek mene inokot atì nen he, an nen hùlì yogotak yì ba nen, Hit an natitigeke, ìlùk yogohisegein lek o. Yì wene tì wene nopase nen yogonesike mene obogat yogohisìkì lagì atì nen he, Nagaiya'lak, ìlùk yogohisìkì lagì atì o.

YOHANET 16:30

Hat he, apùnì aike nen wene aike hinok wokhììgì'lek halok he, wene ebe hokot hùk o. Hat yì wene tì wene obogat helu nek heogo. Hat hebe eberogoat Ala nen lakhagei wagaikomo wagagin, ìlùk yogotak en hùthagago,” ìlùk yogosukwa.

1 TESALONIKA 2:13

Nit en wene Ala ane a'nogo yogohisasugumo, hit en he, “Wene atì apùnì inane mene lek o. We, Ala aneat o,” ìlùk wanhìgip atì re, eberogoat Ala aneat wanhìgip o. Ati nen nit kamo ìgì'lek Ala hai wato motok welago. At Ala nen hit hinetaùken Karìsùt oba hìpìrethesigip mene hùgì hina'la kagalho motok welagarek o.

1 YOHANET 4:14

Nit en he, “Ala nen aput nineileken hìkì lagagu mene atì nen, nit apùnì kweangma mene telninabuagalùk lakhei wagaikomo,” ìlùk abok pak hogo yogohisìkì lago.

YOHANET 17:21

Nopase. An nen kìno yogohetì lagì yì re, mel ìlùk. An nen nopase hat neperak hutik, nen, nopase hat en an neperak hutik, welagorek atì hak, it atì'nogoat inebe obogat omakeat logouagalùk kìno yogohetì lagì o. Atì'nogo were'ma, it apùnì kweangma mene nen ìkì logolìk he, At he, opase nenat lakhei wagaike atì eberogoat, ìlùk hùthoagalùk, it inebe nit ninom hutigat logouok o.

YOHANET 8:42

at en he, mel yogoisasike: “Hit he, eberogoat hinopase Ala logoilepma re, an nabusak na'la nen kagalogo wagagi hùk. We, nebe ero Ala mane, at en lakhani wagaikomo wagagisik welagì atì nen he, an nebe hinetawìrogo logoilep o.

YOHANET 14:10

An nen nopase neperak hutik, nen, nopase nen an neperak hutik, welagorek atì, hat hùthìkì lagen lek a?” ìlùk yogosikesik he, it obogat yogoisìkì logolìk, “An nen wene yogohisìgìrek atì, an na'la nen kagalogo yogohisìgìrek hùk. Lek o. We, an nepase neperak hutik logolìk, an nane ba nen ìgìk, neki ba nen hagatìk, ìgìrek mene atì, at okawerek enat hagarì'logo o.

YOHANET 12:49

an na'la nen kagalogo yogohisìkì lagì hùk. Lek o. We, an nen yogohisoagalùk an nopase lakhani wagaike mene a'nogo nenat, Yì'nogo in, tì'nogo in, ìlùk yogoneto kolegat yogohisìkì lagì o.

YOHANET 6:68

Atì'nogo yogoisìkì lagaikomo, at Simon Peterùt a'nogo nen he, mel yogosike: “Eigo. Noe. Ninebe nineluk motok logousak hesik mene re, wene hat en yogonisìkì lagen hake yama re, hat herakhagalùk ap sa ba lasak akegen.

1 TESALONIKA 4:1

Nerùgì nagaiya'lak. Wene elùgùn oba aike yì yogohisak. Nit ninoe Etagepogot Yesùt en, “Hinoabùt Ala a'la hanorogo, yì'nogo hagatì logoino, tì'nogo hagatì logoino,” ìlùk, isikomo yakùlhisa wagagu a'nogo hinelu. Atì'nogo yakùlhisasugumo, hit en atì'nogo hagatì lagep meneat he, hobuk aike inom hogo hùkorogo hagatì logouageip ìlùk, ninoe Etagepogot Yesùt ninom hutik logolìk hinasuk warogo yogohisìgì atì.

1 KORÌTÙT 15:1

Nerùgì nagaiya'lak. Yogotak he, an nen wene aike hina'la ebethisak. An nen hano wene yogohisa wagagimo re, wanhigisip he, hinetaùken hano wene atì ha wurik agagisip welagep atì.

YOHANET 17:23

It eberogoat inebe omakeat logouak en he, it en an ninom hutik, nen hat en an neperak hutik logouok o. Atì'nogo logogun halok, it apùnì kweangma mene nen ìkì logolìk he, At he, opase nen lakhei wagaikesik ebe etaùken hutik welagarek atì hak, it inebe at wogosike mene hùgì etaùken hutik welagarek o, ìlùk inelu arìk hùthogoin.

YOHANET 17:18

Hat en an nebe apùnì kweangma mene inoba lakhani wagagin a'nogo hak, an nen it atì'nogoat apùnì kweangma mene inoba laksigi o.

MATÌÙT 13:11

at Yesùt en he, “Ala nen awe a'ma hisikerek wene atì, at a'la hinago welagaike mene, hit enek he, hinelu asuageip ìlùk, pak hogo yogohisasak akasike meneat he, it apùnì aike atì nek he, pak hogo yogoisasak lek akasike.

1 KORÌTÙT 11:23

Wene atì'nogo hagatì logousak hesik, ninoe Etagepogot en yakùlnesikomo re, an nen hit yakùlhisasigi atì.

YOHANET 3:33

Atì'nogo heraksagarek meneat he, it apùnì aike nen he, At en wene pìlìngìrogo yogonisikerek mene atì eberogoat ìlùk wìlì'lùgì mene hùgì nen he, Ala ane atì eberogoat ìlùk wanharek o.

YOHANET 3:17

Nen, an Ala aput kweangma yoma lakhani wagaike atì re, yì apùnì tì apùnì ùkùm inoba hìlìk weagarinabuagalùk lakhani wagaike hùk. We, inebe telinabuagalùk lakhani wagaike o.

YOHANET 17:3

It apùnì nen he, Ala hogorasusak ebe mene aligalegat motok welagarek, ìlùk, hebe inelu agìk, nen an Yesùt Karìsùt lakhani wagaginmo wagagi mene yì nebe inelu agìk, ìlì'lùgì atì re, ineluk motok welagaikarek ero atìat o.

ABÌKAKAN 1:1

Wene ebe re, yìtogo. Yì wene tì wene hinago welagaike mene hobuk heageak haga'lasigin mene atì, Ala atitigeke mene tùkùm hogo yogoisoagalùk Ala nen at Yesùt Karìsùt hukalogo yogosikomo, at Karìsùt en malaikat lakhei wagaikomo, wene atì at Ala atitigeke mene aike an Yohanet yogonete.