YOHANET 17:6 - Ala Ane Wene Ket Mene Warogo Wo'ninapike Wene

⁶ Apùnì kweangma mene hat en hageat wo'nesigin mene hùgì obogat, hat hebe inelu asuagalùk yakùlisìgì o. It inebe hat mene an wo'nesiginmo nogo nen he, hat hane hologo hagatarek o.

YOHANET 17:6 ပူးပေါင်းရင်းမြစ်များ

YOHANET 1:18

Apùnì aike nen Ala ebe ineileken motok hìgì'lek meneat he, at aput omakeat tago opase era'lu eperak higit welagaikarek mene atì nenat Ala ebe sekek hogo yakùlnisa wagaike atì.

YOHANET 12:28

Halok he, nopase, hat hetage esinethakan o,” ìlùk yogotenem he, pogot oba nen ane ìkì logolìk, mel isike: “Arat esinethakìgìrìk he, hobuk esinethakegeinat o,” ìlùk yogotenem,

YOHANET 15:19

Hit hinebe apùnì kweangma mene logoilepma re, it apùnì kweangma mene nen he, It he, nit ninagoromì, ìlùk inetaùken hutik hagathinabilep meneat he, hit hinebe it apùnì kweangma mene were'ma wenakhinapigisik wokhinapigisi'mo re, hinebe it mene welagep hùk. Atì nen he, inabìt motok hagathinabì'lùgì o.

YOHANET 15:3

Nen, hit he, an nen wene yogohisìgìrek atì nen he, hinobùseka hake palogo wusa yogologo hikasigimo welagep o.

YOHANET 15:7

Hit an ninom hutik logolìk nane hina'la werek halok, we, nena mene hit walok mene an kìno yogonesumo wokhisamo helogoinat o.

YOHANET 17:12

An it ninom yoma logolìk he, it inebe nalasinogo ìlùk, hat hetage mene an salnapigin a'nogo ba, hagisek were'ma, it aike nalagì'lek o. We, At atì nalasigin, ìlùk, hat hane isigin mene helal waganogo hesukwa mene a'nogo ebe asuagalùk, nalasusak obaat nalaga o.

YOHANET 17:14

Hat hane a'nogo it arat yogoisìgì. Nen, an nebe apùnì kweangma mene yoma inagot lek atì hak, it atì'nogoat inebe apùnì kweangma mene inagoromì lek atì nen he, it apùnì kweangma mene nen inabìrat motok hagarinabì'lùgì o.

YOHANET 17:16

An nebe it apùnì kweangma mene inagot lek atì hak he, it atì'nogoat it apùnì kweangma mene inagoromi hùk. Legat o.

YOHANET 17:24

Ala nopase. Hat en kweang oan walhìgì'lek logolìk, an nebe hetaùken hutik welagagin atì nen he, hogo'napì logouagalùk esine'napigin a'nogo, it hat en hageat wo'nesigin mene amanogo ineileken neoagalùk, o an logoginmo atoma, it ninomat logousak walok o.

YOHANET 17:26

Nopase, hat en an hetawì'napigin a'nogo, it-it atì'nogoat netawì-hetawìrogo logolìk, an nebe it ninom hutik logouogolùk, hat hetage ìlìk hawene yogoisìkì lagarìk aike inom hogo yogoisìkì logoginat o,” ìlùk sapan isike.

YOHANET 17:7

Yogotak yì mene tì mene obogat hat en wo'nesigin mene atì, it en he, Ala nenat wogosikomo, ìlùk arat hùthaga o.

YOHANET 18:9

Atì'nogo yogoisasike atì re, oan haga'lagì'lek werek kolek alebat, at Yesùt en Ala yogotì logolìk he: “Ala nopase. Apùnì hat en wo'nesigin mene amanogo aike nalagì'lek o,” ìlùk yogosike mene a'nogo ane ebe asuagalùk atì'nogo yogoisasike atì.

YOHANET 6:37

Mene re, an pogot oba nen pi wagagi atì re, an nokawarek na'la nen kagalogo hagasigìlùk pi wagagi hùk. We, at lakhani wagaike mene a'la akikerek mene atìat higit hogo hagasigìlùk pi wagagi atì nen he, apùnì an nopase nen wo'neterek mene inebe lopok noba waganem he, an nen, Hit an noba wesusak lek, ìlùk, wenagisegein lek o.

YOHANET 6:39

Nen, at a'la akikerek mene an nen hagasuagalùk lakhani wagaike atì re, ebe yì: At en apùnì an wo'neterek mene obogat aike pelaksìgì'legat, o elùgùn oba, an nenat inelugurinabuagalùk,

YOHANET 8:51

Nen, sa nen an nane hologo hagatì logogin halok he, wa'lagì'lek eluk motok logogin o, ìlùk eberogoat yogohisìgì,” ìlùk, yogoisìkì lagaikomo,

YOHANET 8:52

it up Yahuri mene amanogo nen he, mel yogosukwa: “Ap Aberaham mel, up Ala ane yogoisìkì lagaukwa mane amanogo mel, arat wa'larìk lagaukwa meneat he, hat en ìkì logolìk, Sa nen an nane hologo hagatì logogin halok, wa'lagì'lek eluk motok logogin o, ìlùk egen atì nen he, mokareke oabùt weak mane eberogoat ha'la kikesik werek, ìlùk, hùthagago o.

LAKSASIKE 13:48

Atì'nogo yogoisikenem he, it apùnì etakwe mene inasuk holhukwasik, it en he, “Ninoe Etagepogot en wene atì hano motok isikomo hìgì,” ìlùk hogorasukwasik ina'la hai hakasukwa. Ina'la hai hakìlìk, Ala nen it nabùlal-habùlal hagarinabigìlùk wenaginapike mene hùgì nen, “Wene atì eberogoat,” ìlùk hùthasukwasik wanhukwa.

ÙRÙM 11:2

Ala nen againapùrì hageat en wenaginapike mene atì heraksasike lek o. Wene at Elia nen hagasike wene helal waganek werek anogo hinokot nogo? At en he, Ala nen it ùkùm inoba hìkì logouagalùk, mel ìkì lagaìke:

2 KORÌTÙT 4:6

At Ala nen ìkì logolìk he: “O mum atì a'la nen lìa a'nìk,” ìlùk isike atì hak, at enat nit nina'la mùm mene atì lìa'ninapikomo welago. Atì'nogo logolìk, at Karìsùt elokoken apipin yatenem nineileken lakhìlìk he, at Ala hogoratarek mene a'nogo ebe atìgìnìk ìlùk hùthìkì logouagalùk atì'nogo lìa'ninapike atì.

KOLOSE 3:16

Apùnì inagarok apik mene ineilmo wulalhak welagaikarek hak, hit he, Karìsùt ane atìat hinetaùkenma ning hogo hìlìk logolìk he, hina'la kagalogoat, hit-hit wene hinasuk wat-wat ìkì logolìk, wene hit en yakùlisìgìk, it en yakùlhisìgìk, ìkì logoino. Yakùlisìkì logolìk he, Ala hesik wùnì Masimùt wùnì watìk, etawì Ala hogoratarek etawì watìk, Ala Areagùn nen hina'la kagalhenem, wùnì helalogo watìk, ìkì logolìk he, hinetaùkenma nen Ala hai watì logoino.

2 TIMOTÌÙT 1:13

Wene an nen yakùlhesigimo wanhìgin a'nogo, an noabùt wìlìk, nit Karìsùt Yesùt ninom hutik logolìk, ninetaùken at oba hìpìrethìgìk, apùnì aike ninetawìrinapìk, ogorek hak ìkì logolìk, ha'la nen he, “Hano'ninaperek mene wene ebe yìat o,” ìlùk, ning hogo hakìlìk yakùlisìkì logoino.

IBERANI 2:12

At en Ala yogotì logolìk: “An nen hat hebe nerùgì nagaiya'lak yakùlisìgìk, hagainapùrì atogotarek mene amanogo ina'la logolìk, hogothapìk, ìkì logogin o,” ìlùk yogosikesik,

IBERANI 3:6

Meneat he, at Yesùt enek he, Ala ebe aput nogo nen he, at esewerek enat hagaterek. Nit hano'ninabigin wene atì hesik ninetaùken ning hogo oba hìpìrìk motok logogun halok he, Ala awì wùrìk atì, nit ninebeat o.

1 PETERÙT 1:1

Nerùgì nagaiya'lak. An Peterùt, Yesùt Karìsùt en nayoko hìlìk lakhani wagaike mene a'nogo nen, wene yì helal waganogo hit ninopase Ala nen, hinebe alebat wenakhinapìke mene, yogotak ya elama hesik o yì awi tì awi pùgùlogo lìlìk, o propinsi Potut mel, Kalatìa mel, Kapatokia mel, Asia mel, Pitìnìa mel, apùnì ina'lakwe lopok welagesep mene a'nogo, hinoba lakhei wagì o. Hinebe Ala nenat a'la akalùk wenakhinapìkesik, Yesùt Karìsùt ane hologo hagatì logouagalùk awe a'ma hikìgìk, amep oba hothinapìk, igìlùk he, “An nokawerek nagainapùrì asuageip ìlùk wokhinapì o,” ìlùk at Areagùn nen wokhinapìke atì. Ala oabùt hano a'nogo nen hano mene wokhisìgìk, hinetaùken hobugalep hapuguthinapìk, hùkorogo ìkì logouak o.

1 YOHANET 5:20

At Ala aput ninoba pi wagaikesik, Ala ebe mene ninelu asuagalùk ninetaùken kagalogo yogonisasike. Atì'nogo yogonisasikomo, nit he, Ala ebe mene aput Yesùt Karìsùt eperak ninom hutik motok welago. Nen, at Yesùt he, ebe Ala ebe mene logolìk nabùlal-habùlal ero arat welagarek o.

ABÌKAKAN 2:13

Hit he, Ibilit ebe kain logolìk apùnì aike awe a'ma hagisek welagarok oba welagasep atì an nelu o. Atì'nogo Ibilit auaat logolìk, an naput Anitipat en nabok aberalì agì'lek, oabùt hùpùn hogo yogoisìlìk nikenem, it aike nen ebe hina'la nen watenem, hit en he, Nit ninetaùken Yesùt oba hìpìrìk welagorek atì lek, ninabìt, ìlùk kopologo herakhanhì'lek, ninom hutigat motok welagasep atì, hinoabùt an nelu o.

ABÌKAKAN 3:10

Atì'nogo hisa wesigin atì re, an nen, Hinepe morogo logoino o, ìlùk yogohisasigi mene atì, nane hologo higit hogo hagatì lagep atì nen, o hobuk Ala nen apùnì kweangma yoma welagaikarek mene obogat yì aik tì aik inoba hegein atì hiko kolek, hit enek he, an nen nawe a'ma hano hakhisek logogin o.

ABÌKAKAN 3:8

Lakhani! Hit hinoabùt hagatesep he, hinomame motok hamùlùgat meneat he, an nane hologo higit hogo hagatìk, nabok labelhì'lek pak hogo yogoisigik, egesep atì an nelumo re, hit hesik he, kwe apùnì aike nen yagasusak motok mea mene hùrogo hikìgì o.