YOHANET 17:5 - Ala Ane Wene Ket Mene Warogo Wo'ninapike Wene

⁵ Nopase. Kweang oan walhìgì'lek logolìk, neperagat esin welagagu a'nogo mene yogotak hat were'ma atoma esinethanino.

YOHANET 17:5 ပူးပေါင်းရင်းမြစ်များ

MATÌÙT 25:34

Atì'nogo tegelogo hisìlìk he, an nebe Netagepogorat nogo nen he, it neki ebekwe hisegein mene atì, wene mel yogoisegein: An nopase nen hanothinapomo welagep. Halok, we'ni o. An sùpùrùk nele were'ma hit en mela'netìk, i nele were'ma hit en wo'netìk, an ap pogat were'ma hit en wo'napìk, nasu labere'lek were'ma hit en labethanìk, ou warek were'ma hit en nea wagìk, neki hele warek were'ma nea wagìk, isigip atì nen he, an nopase nen pogot kweang oan elalhì'lek logolìk, hit kain hinetage pogot logouageip ìlùk, wenagasogo hikasike mene yì hela we'ni o, ìlùk yogoisikenem,

YOHANET 1:18

Apùnì aike nen Ala ebe ineileken motok hìgì'lek meneat he, at aput omakeat tago opase era'lu eperak higit welagaikarek mene atì nenat Ala ebe sekek hogo yakùlnisa wagaike atì.

YOHANET 10:30

Nopase neperak ninebe re, omakeat o,” ìlùk yogoisìkì lagaikomo,

YOHANET 14:9

at Yesùt en he, mel yogosike: “Pilipùt nagot e. An o hageat a'loma nenat ninom welago meneat he, hat en an nebe hùthanì'lek welagenma hìgì, ì a? At sa nen an eileken niike atì re, an nopaseat eileken hike o. Atì'nogo meneat he, hat en, Hopase atì yakùlnisan o, ìlùk egen atì nìkì'nogo nen egen.

YOHANET 17:1

At Yesùt en wene atì'nogo yogoisasikesik he, at ot hìok hogo eileken pogot oba lìakhasikesik he, mel isike: “Nopase. An haga'nabugun a'nogo arat asi waga o. Hat en hageat apùnì aike wo'nesigin mene hùgì inebe lopok an haput en hagarinabumo ineluk motok logouagalùk apùnì obogat neki ba hesigin atì nen he, hat hebe esinethageik en, an haput esinethani me o, nopase.

YOHANET 17:24

Ala nopase. Hat en kweang oan walhìgì'lek logolìk, an nebe hetaùken hutik welagagin atì nen he, hogo'napì logouagalùk esine'napigin a'nogo, it hat en hageat wo'nesigin mene amanogo ineileken neoagalùk, o an logoginmo atoma, it ninomat logousak walok o.

YOHANET 3:13

Atì'nogo yogosikesik he, mel yogosike: “Ap aike kweangma nen pogot oba motok lagagì'lek. We, an pogot oba nen abat ta'lasi pi wagagi a'nogoat o.

YOHANET 8:58

at en he, mel yogoisasike: “An nane eberogoat yogohisak o. Ap Aberaham atì ebe oan ta'lagì'lek werek kolek, an nesok motogat welagìrek o,” ìlùk yogoisasike.

PILIPI 2:6

At ebe re, Ala meneat logolìk, a'la nen he, “An Ala neperak higit hogo welagì yì, yì hagat motok logogin,” ìlùk akìgì'lek,

IBERANI 1:10

wene aike yì'nogo yogosikeat: “Hat Hetagepogorat ma re, ero ba nen he, kweang tik watìk, pogot heki ba elalhìk, isigin atì.

IBERANI 1:3

Mo eileken tilelek-walelek lakhei wagarek hak, Ala ebe hogoratarek mene a'nogo nen, Yesùt ebe lakhei wagaikomo kweangma lìarogo logolìk, opase alìlùmo at hake welagarek. Ati'nogo logolìk, yì mene tì mene obogat welagarek atì, at ane omame ba welagarek. Were'ma, nit weak hagatì lagagu mene horogo legethìlìk he, Ala Etagepogot esin mene a'nogo oba lagasikesik era'lu kainat welagarek atì.

1 PETERÙT 1:20

Karìsùt, Ala nen kweang pogot oan elalhì'lek logolìk, a'la akalùk ayoko hesikesik welagaikesik en, ebe yogotak o wùrep oba hit hesik weinam hogo lakhei wagaikomo hinebe telhinapike atì.

1 PETERÙT 1:21

Ebe wa'lagaikesi'mo Ala nen eluguthìlìk hogoratì logouagalùk menhesikomo, hinetaùken Ala ba hìpìrethìlìk, “Hobuk at en hano'ninabigin,” ìlùk oba eberek welagep atì.

1 YOHANET 1:2

Nen, at eluk motok welagarek mene atì, ebe opase eperak eluk motok welagaikesik en, opase nen nit nineileken hoagalùk weinamethesikomo nineileken hasugusik enat abok yogohisìkì lago o.

ABÌKAKAN 13:8

At Ala nen he, pogot kweang oan elalhì'lek logolìk, “It atem ineluk motok logouagalùk hagarinabigin,” ìlùk, inetage helal waganogo at Atopa Eak, it hesik wasukwa mene a'nogo arùesika ba hesike. It inetage atì'nogo helal waganogo hesike mene hùgì, yeke lo yeke hake hùko a'nogo hogoratì'lek werek kolek, apùnì kweangma welagaikarek mene aike obogat inetaùken yeke lo yeke hake hùko a'nogo ba hìpìrethìlìk hogoratì lagaika isìgì.

ABÌKAKAN 3:21

“An arat nomame agagimo, nopase kain welagarek obùlùk oba neperak welago yì hak, sa nen omame asigin halok, an kain welagìrek nobùlùk oba neperak logouogolùk menhegein o,