YOHANET 17:3 - Ala Ane Wene Ket Mene Warogo Wo'ninapike Wene

³ It apùnì nen he, Ala hogorasusak ebe mene aligalegat motok welagarek, ìlùk, hebe inelu agìk, nen an Yesùt Karìsùt lakhani wagaginmo wagagi mene yì nebe inelu agìk, ìlì'lùgì atì re, ineluk motok welagaikarek ero atìat o.

YOHANET 17:3 ပူးပေါင်းရင်းမြစ်များ

1 YOHANET 5:20

At Ala aput ninoba pi wagaikesik, Ala ebe mene ninelu asuagalùk ninetaùken kagalogo yogonisasike. Atì'nogo yogonisasikomo, nit he, Ala ebe mene aput Yesùt Karìsùt eperak ninom hutik motok welago. Nen, at Yesùt he, ebe Ala ebe mene logolìk nabùlal-habùlal ero arat welagarek o.

YOHANET 17:25

Ala higit hogo nek hagatetek mene, nopase. It apùnì kweangma mene hat hebe inokot meneat he, an enek he, hat nelu o. Nen, it hat en wo'nesigin mene hùgì nek he, At en lakhei wagaike ìlùk, ineluat o.

YOHANET 3:17

Nen, an Ala aput kweangma yoma lakhani wagaike atì re, yì apùnì tì apùnì ùkùm inoba hìlìk weagarinabuagalùk lakhani wagaike hùk. We, inebe telinabuagalùk lakhani wagaike o.

1 YOHANET 4:6

Mene re, nit he, ninebe Ala againapùrì mene logolìk ninane ikenem, it aike Ala ebe inelu mene halok, inasuk holhìk, nen, it aike inebe Ala againapùrì mene hùk, hùnogoat halok he, inasuk holhì'lek heraksìgìk, egarek o. Atì'nogo ikenem nit en he, “Ala ebe mene Areagùn it atì ina'la werek, nen it agaike atì mokareke lalinaperek mene ina'la werek,” ìlùk enagat hùrisogorek atì.

YOHANET 17:23

It eberogoat inebe omakeat logouak en he, it en an ninom hutik, nen hat en an neperak hutik logouok o. Atì'nogo logogun halok, it apùnì kweangma mene nen ìkì logolìk he, At he, opase nen lakhei wagaikesik ebe etaùken hutik welagarek atì hak, it inebe at wogosike mene hùgì etaùken hutik welagarek o, ìlùk inelu arìk hùthogoin.

YOHANET 17:21

Nopase. An nen kìno yogohetì lagì yì re, mel ìlùk. An nen nopase hat neperak hutik, nen, nopase hat en an neperak hutik, welagorek atì hak, it atì'nogoat inebe obogat omakeat logouagalùk kìno yogohetì lagì o. Atì'nogo were'ma, it apùnì kweangma mene nen ìkì logolìk he, At he, opase nenat lakhei wagaike atì eberogoat, ìlùk hùthoagalùk, it inebe nit ninom hutigat logouok o.

YOHANET 3:34

At Ala nen lakhei wagaike mene atì, Ala Areagùn amùkwì agì'lek motogat wogosike atì nen, Ala aneat yogonisikerek o.

2 KORÌTÙT 4:6

At Ala nen ìkì logolìk he: “O mum atì a'la nen lìa a'nìk,” ìlùk isike atì hak, at enat nit nina'la mùm mene atì lìa'ninapikomo welago. Atì'nogo logolìk, at Karìsùt elokoken apipin yatenem nineileken lakhìlìk he, at Ala hogoratarek mene a'nogo ebe atìgìnìk ìlùk hùthìkì logouagalùk atì'nogo lìa'ninapike atì.

YOHANET 17:8

Wene hat en yogonesigin mene amanogo, it arat yogoisigima, arat wanhasik, an hesik ìkì logolìk he, Ala nen lakhei wagaikomo, at were'ma nen eberogoat wagaike, ìlùk inelu agaikasik he, nebe hùthanha o.

YOHANET 8:19

it en he, “Hat hopase atì koma werek,” ìlùk yogosukwama, at Yesùt en he, “An noba yì mel, nopase mel, hinokorat o. An nebe hinolu logoilepma re, nopase atì hineluat logoilep o,” ìlùk yogoisasike.

1 KORÌTÙT 15:34

Weak hagatì lagep mene atì heraksìlìk he, yogotak hinepe hebela'ni o. Hit aike Ala ebe hinokot welagep atì nen, hinekalì wasigìlùk yogohisìgì atì.

1 TESALONIKA 1:9

It en wene mel ìlì'lùgìat: “It apùnì o Tesalonika mene nen, Paùlùt lak inebe woginabìk he, Eberogoat he, Ala eluk motok welagarek mene atìat o, ìlùk awe a'ma logolìk, at hesik hagatìk, at aput pogot oba nen pi wesigin atì ebe serogo welagìk, uogolùk he, tùgì hareken heraksìlìk, inelokwe hebelogo Ala wogosukwasik werek Ala nen aput wa'lagaikesi'mo eluguthesike mene, ebe Yesùt atìat o. Nen, Ala a'mage lagalìk ùkùm apùnì inoba hìkì logolìk, nit Yesùt atì nenat telninabìgìn o,” ìlùk, hinabok hano ìlì'lùgìat o.

YOHANET 10:36

an nen he, Nebe Ala aput, ìgì atì nen, Ala etage weagate, ìlùk nenahalok ìkì lagep. Ala nenat nayoko hìlìk eberogoat nebe wenagasogo kweangma yoma lakhani wagaike meneat he, atì'nogo nenahalok ìkì lagep.

YOHANET 7:29

Atì'nogo meneat he, an enek he, at enat lakhani wagaikomo, o at were'ma atoma nenat wagagi atì nen he, an at ebe nelu o,” ìlùk yogoisìkì lagaikomo,

YOHANET 6:57

An nopase eluk motok welagarek mene nen lakhani wagaikomo wagagi a'nogo, at eluk welagarek atì nen an neluk welagìrek atì hak, sa nen, an nebe niko halok, an neluk welagìrek atì nen, at elugat logogin o.

YOHANET 5:44

Ala aligat esok motok welagarek atì nen hogothinabuagalùk hagatì'lek logolìk he, hit-hirat hat aike nen hogoratìk, hat aike nen hogoratìk, hogorakìkì lagep atì nen, hinetaùken an noba nìkì'nogo hipirethousak akegep. Mea o.

YOHANET 11:42

An nen hat kìno yogohetenem, nane hasuk holhetek a'nogo, an nelu meneat he, it apùnì yoma nen, hat en an lakhani wagagin atì nebe hùthanuagalùk yogohetì o, nopase,” ìlùk isikesik,

LUKAT 9:48

it amanogo wene mel yogoisasike: “Hit hinekele'ma yoma at etage lek maben mene atìat ebe kain etagewerek asigin atì nen he, sa nen yekerek yì an hesik wanhe halok he, anat wo'nabigin o. Nen, sa nen an wo'napo halok he, at lakhani wagaike mene a'nogoat wanigin o,” ìlùk yogoisasike.

MAREKÙT 9:37

“Sa nen yekerek yì hake mene omakeat aike an hesik wanhe halok he, an nebeat wo'nabigin o. Nen, sa nen an nebe wo'nabigin halok he, an nebe wo'nabigin hùk. Nopase lakhani wagaike mene a'nogo ebeat wanigin o,” ìlùk yogoisasike.

1 KORÌTÙT 8:4

Tùgì hareken ako waretarek atì re, tùgì hareken kweangma mene yoma ebe lek meneat, ìlùk ninelu. Ninopase Ala ebe omakeat. Aike lek o.

YOHANET 17:18

Hat en an nebe apùnì kweangma mene inoba lakhani wagagin a'nogo hak, an nen it atì'nogoat apùnì kweangma mene inoba laksigi o.

PILIPI 3:8

Atì'nogo huthìkì lagì atì nek hùk. Noe Etagepogot Yesùt Karìsùt nelu agagi atì hano motogat o. Yì mene tì mene hùnogo mene hagatì lagagi atì, nong asigin mene hagatì lagagimo ìlùk, hùthìkì lagìat o. At ebe helìlìk he, neperak hutik motok logouogolùk, yabu aleke tegelogo wulaksagarek hak, yì mene tì mene alep hagatì lagagi mene atì, “We meneat,” ìlùk heraksasigi atì. Wene Ala nen ninasuk wasike wene atì ba, nokawerek en higit hagatì lagì hùk. It apùnì aike inetaùken Karìsùt oba hìpìrethikenem, ùkùm inoba mene korogo wokhìlìk hobuk Ala inom hùnogo hisikerek hak, an atì'nogoat netaùken at oba hìpìrethesìgìmo, ùkùm noba welagaike mene korogo wokhasike atì.

PILIPI 3:10

At Karìsùt yì aik tì aik hìlìk hìlìk wa'lagaike hak, neperak higit hogoat, an atì'nogoat aik hìlìk hìlìk, wa'lasusagat akìkì lagì. Ma re, at wa'lagaikesi'mo, Ala omame ba eluguthesike hak, an atì'nogoat wa'lari'mo, nelugu'nabìgìn, ìlùk, oba eberegat welagì.

IBERANI 3:1

Atì nen, Ala againapùrì nerùgì nagaiya'lak. At Ala pogot oba nenat hit ninomat ninayoko hesikomo wene wanhugusik pak hogo ìkì lago atì hesik, at Yesùt ebe Ala esewerek kain logouagalùk, Ala nenat lakhei wagaikomo werek atì halok, hit hinetaùken oba nenat hùthìkì logoino o.

2 PETERÙT 1:2

Hit en Ala ho, ninoe Etagepogot Yesùt ho, eperak inebe sekek hogo hineluat welagep atì nen, it inoabùt hano a'nogo nen hano mene wokhisìgìk, hinetaùken hapuguthinapìk, hùkorogo iko motogat logouak o.

2 PETERÙT 1:3

At Ala esok motogat logolìk, yì mene tì mene elalinat hagatenem hogorato motok welagaikarek mene a'nogo nen ninayoko hesike atì. Halok, nit en at ebe sekek hogo ninelu arìk, nit ninebe nineluk logolìk, at hesik higit hogo hagatì logouagalùk, at okawerek omame ba yì mene tì mene wo'nisasikomo ese agosik welago.

2 PETERÙT 1:8

Hit he, hinoabùt atì mene obogat ese arìk, hobugalep hùkorogo ese arìk logogun atì nen, we tùlemat alemarogo welagì'lek, ninoe Etagepogot Yesùt Karìsùt sekek hogo hinelu asugun o.

1 YOHANET 1:2

Nen, at eluk motok welagarek mene atì, ebe opase eperak eluk motok welagaikesik en, opase nen nit nineileken hoagalùk weinamethesikomo nineileken hasugusik enat abok yogohisìkì lago o.

1 YOHANET 1:3

Ebe nit nineileken hìgìk, ninasuk holhìk, isugu mene atì, ninopase Ala aput Yesùt Karìsùt eperak ninom hutik welagorek atì hak, hit nit ninom hano hutik logouogolùk yogohisìkì lago o.

1 YOHANET 2:23

Sa nen, “Ala aput atì, ebe nabìt,” ìlùk kogologo laksike halok, opase Ala ebe wanhì'legat o. Nen, sa nen, “Ala aput ebe atìat o,” ìlùk ane pak hogo ike halok, opase Ala ebe wanheat o.