YOHANET 17:26 - Ala Ane Wene Ket Mene Warogo Wo'ninapike Wene

²⁶ Nopase, hat en an hetawì'napigin a'nogo, it-it atì'nogoat netawì-hetawìrogo logolìk, an nebe it ninom hutik logouogolùk, hat hetage ìlìk hawene yogoisìkì lagarìk aike inom hogo yogoisìkì logoginat o,” ìlùk sapan isike.

YOHANET 17:26 ပူးပေါင်းရင်းမြစ်များ

YOHANET 14:20

Atì'nogo hinoileken neogoin atì sat, an nopase neperak hutik welago, nen, hit an ninom hutik, nen, an hit ninom hutik welago mene atì, hinelu asigin o.

YOHANET 14:23

at Yesùt en he, mel yogoisasike: “At sa nen an nebe etaùken hutik halok he, nane hologo hagatì logogin o. Nane hologo hagatì logoumo, nopase nen at atì etaùken hutik logogin o. Atì'nogo logolìk, an nopase neperak ap atì oba wìrìk, at ninom motok logogun o.

YOHANET 15:15

It apùnì inatitigeke mene atì, inogogì hagatarek mene inokot atì nen he, an nen hùlì yogotak yì ba nen, Hit an natitigeke, ìlùk yogohisegein lek o. Yì wene tì wene nopase nen yogonesike mene obogat yogohisìkì lagì atì nen he, Nagaiya'lak, ìlùk yogohisìkì lagì atì o.

YOHANET 15:4

Atì'nogo hinobùseka hake palek welagep atì re, hit an ninom hutik, nen, an hit ninom hutik, logouok o. Hele ekisok atì re, ebe ba hutik lek halok, eken isusak motok mea o. We, ebe ba hutik halok, eken ìterek atì hak, hit an ninom hutik logogun lek halok he, hano mene hagasusak mea o. We, an nebe ba hutik halogat, hano hagasusak o.

YOHANET 15:9

At Yesùt en wene atì'nogo yogoisasikesik aike mel yogoisasike: “Nopase nen an etaùken hutik welagarek atì hak, an nen hit netaùken hutik welagì o. Atì'nogo hit netaùken hutik logoik en he, an ninom hutigat logoino o.

YOHANET 17:23

It eberogoat inebe omakeat logouak en he, it en an ninom hutik, nen hat en an neperak hutik logouok o. Atì'nogo logogun halok, it apùnì kweangma mene nen ìkì logolìk he, At he, opase nen lakhei wagaikesik ebe etaùken hutik welagarek atì hak, it inebe at wogosike mene hùgì etaùken hutik welagarek o, ìlùk inelu arìk hùthogoin.

YOHANET 17:6

Apùnì kweangma mene hat en hageat wo'nesigin mene hùgì obogat, hat hebe inelu asuagalùk yakùlisìgì o. It inebe hat mene an wo'nesiginmo nogo nen he, hat hane hologo hagatarek o.

YOHANET 17:8

Wene hat en yogonesigin mene amanogo, it arat yogoisigima, arat wanhasik, an hesik ìkì logolìk he, Ala nen lakhei wagaikomo, at were'ma nen eberogoat wagaike, ìlùk inelu agaikasik he, nebe hùthanha o.

YOHANET 6:56

Sa nen an nebe nìkìk, namep nìkìk, ìlì'logo halok he, at en an neperak hutigat, nen, an nen, at neperak hutigat, logogun o.

YOHANET 8:50

Mene re, an nokawerek hesik hogo'nabuagalùk hagatìrek hùk. Lek o. At he, an hogo'nabuagalùk, at aike nen ùkùm inoba hìgìk, kotìk, igin mene wank o.

ÙRÙM 8:10

Atì'nogo meneat he, hit Karìsùt hina'la werek halok he, hinoabùt weak hagatesep atì nen, hinebe hinogat mene yì wa'lasugun meneat he, Ala nen ùkùm hinoba mene korogo wokhìlìk hobuk hinapotkwe hinom hùnogo hikasike atì nen, at Areagùn nen hineluguthinabigin atì.

1 KORÌTÙT 1:30

At Ala nenat hit Karìsùt Yesùt hinom hutik logouageip ìlùk hikikomo welagep atì. Wene nina'la kagauk hogo logou hak he, Yesùt ebeat wo'nisasike. Atì'nogo wo'nisasikomo, at en he, Ala ninom hobuk ninapotkwe lapulogo hinìgìk, ninebe Ala hesik hinìgìk, telninapìk, ikerek.

1 KORÌTÙT 12:12

Nit apùnì ninebe omakeat meneat he, nineki, ninesok, aike ninoba apigat werek. Nineki ninesok ninoba yì mene tì mene apigat werek meneat he, lapuk hogo ninebe omakeat atì hake re, at Karìsùt ebe atì'nogoat o.

KALATIA 2:20

Nen, yogotak nebe neluk welagì yì re, nokawerek nomame ba welagì hùk. We, at Karìsùt at na'la logolìk eluk welagarek o. At ebe Ala apurat logolìk, nebe etawì nen an hesigat, “Noasuak,” ìlùk akasike ba ebe wasukwa atì. Nen, an netaùken at oba hìpìrìk were'ma re, at ebe na'la were'ma, neluk welagìrek atì.

EPESÙT 1:6

At oabùt hano nen aput etaùken tùlem mene etawì agì'legat wo'nisasike atì hesik, nit en he, “Egi. Nayùk e,” ìlùk, hogoratì logouok o.

EPESÙT 3:17

Hinetaùken at Karìsùt oba hìpìrethoumo, at ebe hina'la awì wùrogo were'ma re, yì mene tì mene awì yatenem omaken yatìk, o tik ning hogo watìk, egarek hak, hinoabùt he, apùnì aike inebe inetawìrogo welagaikarek atì mene ba hinomaken yakhìlìk ning hago logouageip ìlùk, Ala ayoko hìkì lagiat o.

EPESÙT 5:32

Wene isike atì a'la hinago wene esin mene aike werek. Wene atì an na'la nen he, at Karìsùt nit Ala againapùrì ninom hano hutik logousak mene hesik isike akìgì.

KOLOSE 1:27

At Ala a'la nen he, it apùnì etakwe mene obogat hano motok hagarinabigin wene atì esin hogorasusak meneat akasikesik en a'la hinago welagaike mene, at againapùrì halok sele'ma hukalogo yogoisagalùk isike. Wene atì ebe re, Karìsùt hit hina'la werek halok, hobuk hanothinapenem hogothinabugun atìat o.

KOLOSE 2:10

Malaikat pogot oba mene inom, mokareke oabùt weak mene inom, inawe a'ma hagisek were'ma inane holharek mene, Karìsùt ane holusak atì nen, hit hogo re, at hinom hutik logolìk, hinetaùken katok hogo wurik agasip welagep atì.

KOLOSE 3:11

Atì'nogo hagathinapenem he, ninebe obogat ninoe Etagepogot Karìsùt aligatma, ninebe obogat at ninom hutik welago atì nen, inùkùl etage Yunani mene ìgìk, Yahuri mene ìgìk, egarek atì mel, inogat inekalìma mene palek mene ìgìk, pale'lek mene ìgìk, egarek atì mel, inane okut palek mene ìgìk, inebe Yalì-Somagei mene ìgìk, egarek atì mel, inatitigeke mene ìgìk, inalepma mene ìgìk, egarek atì mel, ìkì logousak lek welagep atì.

2 TESALONIKA 2:16

At ninoe Etagepogot Yesùt Karìsùt, ninopase Ala eperak inoabùt hano a'nogo nen, inetawì'ninapukwasik, ninetaùken abolo'lek motok logouagalùk ago wathinìgìk, hano asigin ìlùk oba eberek logouagalùk nina'la kagalhìk, egarek.

IBERANI 2:12

At en Ala yogotì logolìk: “An nen hat hebe nerùgì nagaiya'lak yakùlisìgìk, hagainapùrì atogotarek mene amanogo ina'la logolìk, hogothapìk, ìkì logogin o,” ìlùk yogosikesik,

1 YOHANET 3:24

Nit Ala nen wene ninasuk wasike wene atì hologo higit hogo hagatì lago halok he, at Areagùn wo'nisasikomo nina'la werek, atì ba, nit at ninom hutik, nen, at nit ninom hutik welago, ìlùk hùthìkì lago.