YOHANET 17:23 - Ala Ane Wene Ket Mene Warogo Wo'ninapike Wene

²³ It eberogoat inebe omakeat logouak en he, it en an ninom hutik, nen hat en an neperak hutik logouok o. Atì'nogo logogun halok, it apùnì kweangma mene nen ìkì logolìk he, At he, opase nen lakhei wagaikesik ebe etaùken hutik welagarek atì hak, it inebe at wogosike mene hùgì etaùken hutik welagarek o, ìlùk inelu arìk hùthogoin.

YOHANET 17:23 ပူးပေါင်းရင်းမြစ်များ

YOHANET 17:21

Nopase. An nen kìno yogohetì lagì yì re, mel ìlùk. An nen nopase hat neperak hutik, nen, nopase hat en an neperak hutik, welagorek atì hak, it atì'nogoat inebe obogat omakeat logouagalùk kìno yogohetì lagì o. Atì'nogo were'ma, it apùnì kweangma mene nen ìkì logolìk he, At he, opase nenat lakhei wagaike atì eberogoat, ìlùk hùthoagalùk, it inebe nit ninom hutigat logouok o.

1 YOHANET 3:1

At Ala nen he, “It yì an nagainapùrì,” ìlùk ta'ninapikomo eberogoat nit ninebe at againapùrì welago. Atì'nogo welagorek atì nen, ninebe at etawì motok welagarek atì hani! Atì'nogo meneat he, it apùnì kweangma mene inoabùt inesok mene amanogo nen Ala ebe inokot atì nen he, nit ninebe inokorat o.

YOHANET 13:35

Hit-hit atì'nogo netawì-hetawìrogo hagatì logogun halok, it apùnì obogat ineileken hisìlìk, It yì Yesùt agoromì eberogoat hìgì, ìlùk inelu asugun o,” ìlùk yogoisasike.

1 YOHANET 1:3

Ebe nit nineileken hìgìk, ninasuk holhìk, isugu mene atì, ninopase Ala aput Yesùt Karìsùt eperak ninom hutik welagorek atì hak, hit nit ninom hano hutik logouogolùk yogohisìkì lago o.

1 PETERÙT 5:10

Were'ma, at Ala ebe hogorato motok logogun atì hak, hit Karìsùt hinom hutik were'ma hinomat hogothinapo logouagalùk hinayoko hesikomo, yogotak ya hamùlùgat enek hinoba yì aik tì aik hìkì logopik, hobuk, at oabùt hano motok a'nogo nen, katok hogo hagathinapìk, hinetaùken wurigethìgìk, hinomamethinapìk, hapuguthinapìk, igin o.

KOLOSE 3:14

Atì'nogo hagatì logolìk, ebe esin hake re, apùnì inebe hinetawìrogo logoino. Inetawìrogo welagaikarek mene atì ba, hinebe omakeat motok lapuk hogo logou hagat logogun atì.

YOHANET 17:26

Nopase, hat en an hetawì'napigin a'nogo, it-it atì'nogoat netawì-hetawìrogo logolìk, an nebe it ninom hutik logouogolùk, hat hetage ìlìk hawene yogoisìkì lagarìk aike inom hogo yogoisìkì logoginat o,” ìlùk sapan isike.

YOHANET 17:24

Ala nopase. Hat en kweang oan walhìgì'lek logolìk, an nebe hetaùken hutik welagagin atì nen he, hogo'napì logouagalùk esine'napigin a'nogo, it hat en hageat wo'nesigin mene amanogo ineileken neoagalùk, o an logoginmo atoma, it ninomat logousak walok o.

1 KORÌTÙT 1:30

At Ala nenat hit Karìsùt Yesùt hinom hutik logouageip ìlùk hikikomo welagep atì. Wene nina'la kagauk hogo logou hak he, Yesùt ebeat wo'nisasike. Atì'nogo wo'nisasikomo, at en he, Ala ninom hobuk ninapotkwe lapulogo hinìgìk, ninebe Ala hesik hinìgìk, telninapìk, ikerek.

YOHANET 14:23

at Yesùt en he, mel yogoisasike: “At sa nen an nebe etaùken hutik halok he, nane hologo hagatì logogin o. Nane hologo hagatì logoumo, nopase nen at atì etaùken hutik logogin o. Atì'nogo logolìk, an nopase neperak ap atì oba wìrìk, at ninom motok logogun o.

YOHANET 14:10

An nen nopase neperak hutik, nen, nopase nen an neperak hutik, welagorek atì, hat hùthìkì lagen lek a?” ìlùk yogosikesik he, it obogat yogoisìkì logolìk, “An nen wene yogohisìgìrek atì, an na'la nen kagalogo yogohisìgìrek hùk. Lek o. We, an nepase neperak hutik logolìk, an nane ba nen ìgìk, neki ba nen hagatìk, ìgìrek mene atì, at okawerek enat hagarì'logo o.

KOLOSE 2:2

Hit hinetaùken ago warek logolìk, hit-hit hinom hutik netawì-hetawìrogo logouageip ìlùk atì'nogo hagatì lagi o. Hit atì'nogo logolìk he, “Wene atì eberogoat,” ìlùk, hùthìlìk, wenesùgì motok kasuk hogo logolìk, wene Ala a'la hinago welagaike wene atì tùkùm hogo hinelu asugun o. Wene atì re, Karìsùt ebeat o.

PILIPI 3:15

Halok he, nit ninetaùken wurik mene yì re, wene atì hesik hùthìkì logouok. Atì'nogo meneat he, hit hinetaùken wene welek mene oba ebetì lagep halok he, hùthoagalùk at Ala nen tùkùm hogo yogohisegeinat o.

KALATIA 3:28

Wìlìk, hobuk en he, hit obogat he, Karìsùt Yesùt hinom hutik logolìk hinebe omakeat mene welagep atì nen he, hit o'moko Yahuri mene, o'moko Yunani mene ìgìk, o'moko inatitigeke mene, o'moko inalepma mene ìgìk, o'moko hìmì, o'moko ap ìgìk, ìkì logousak lek.

2 KORÌTÙT 5:21

Nit Karìsùt ninom hùneto halok, at Ala nen okawerek ninom ninapotkwe lapuk hogo hinagalùk, nit hesigat nit ninoabùt weak hagatorek mane atì, at Karìsùt weak hagatì'lek mene oba hesike atì.

YOHANET 6:56

Sa nen an nebe nìkìk, namep nìkìk, ìlì'logo halok he, at en an neperak hutigat, nen, an nen, at neperak hutigat, logogun o.

YOHANET 3:17

Nen, an Ala aput kweangma yoma lakhani wagaike atì re, yì apùnì tì apùnì ùkùm inoba hìlìk weagarinabuagalùk lakhani wagaike hùk. We, inebe telinabuagalùk lakhani wagaike o.

1 YOHANET 4:19

Emakum Ala nen tak etawì'ninapikesi'mo re, nit hogo re, nit-nit netawì-hetawìrogo logouok o.

KOLOSE 1:28

Ati nen, nit en he, wene Karìsùt abok atì hukalogo apùnì obogat inebe lopok yogoisìlìk laga lago. Atì'nogo yogoisìkì lago atì ba, inebe lopok Karìsùt inom hutik logolìk, inetaùken wurik ari'mo, Ala oba wogisek wesuogolùk, nina'la kagalek motok logolìk, inasuk watìk, wene yakùlisìgìk, ìlìk laga lago atì.

YOHANET 10:38

Meneat he, an nen hagato kolegat, hit eberogoat ìlùk hinetaùken an noba hìpìrethousak hinabìt atì o. Atì'nogo hagatesep atì re, an nen nopase neperak hutik, nen at en an neperak hutik, welagorek atì, hinelu arìk en eberogoat ìlùk hùthoageip en he, an hagatì lagì mene atì eberogoat ìlùk hùtheni o!” ìlùk yogoisìkì lagaikomo,

YOHANET 15:9

At Yesùt en wene atì'nogo yogoisasikesik aike mel yogoisasike: “Nopase nen an etaùken hutik welagarek atì hak, an nen hit netaùken hutik welagì o. Atì'nogo hit netaùken hutik logoik en he, an ninom hutigat logoino o.

YOHANET 17:3

It apùnì nen he, Ala hogorasusak ebe mene aligalegat motok welagarek, ìlùk, hebe inelu agìk, nen an Yesùt Karìsùt lakhani wagaginmo wagagi mene yì nebe inelu agìk, ìlì'lùgì atì re, ineluk motok welagaikarek ero atìat o.

YOHANET 17:8

Wene hat en yogonesigin mene amanogo, it arat yogoisigima, arat wanhasik, an hesik ìkì logolìk he, Ala nen lakhei wagaikomo, at were'ma nen eberogoat wagaike, ìlùk inelu agaikasik he, nebe hùthanha o.

YOHANET 17:11

Yogotak an he, kweangma yoma aregenma logogin lek o. We, hat hea wesigin meneat he, it enek he, kweangma yoma logogun o. Hat weak hagatì'lek tegelek motok welagatek mene, nopase. Nit neperak ninebe omakeat welagorek a'nogo hak, it atì'nogoat inebe omakeat logouak en he, hat hetage esin mene an salnapigin atì ba, it hagisek logoino o, nopase.

ABÌKAKAN 3:9

Lakhani! It apùnì Ibilit againapùrì atogotarek meneat he, inapeliagat, Nit ninebe Yahuri mene, ìlùk egarek mene atì, hit hinawe a'ma ki wìrìk, an hit netaùken hutik welagìrek atì inelu asuagalùk, it inebe hit hinoba hisa wesigin o, ìlùk eberogoat yogohisìgì.