YOHANET 17:21 - Ala Ane Wene Ket Mene Warogo Wo'ninapike Wene

²¹ Nopase. An nen kìno yogohetì lagì yì re, mel ìlùk. An nen nopase hat neperak hutik, nen, nopase hat en an neperak hutik, welagorek atì hak, it atì'nogoat inebe obogat omakeat logouagalùk kìno yogohetì lagì o. Atì'nogo were'ma, it apùnì kweangma mene nen ìkì logolìk he, At he, opase nenat lakhei wagaike atì eberogoat, ìlùk hùthoagalùk, it inebe nit ninom hutigat logouok o.

YOHANET 17:21 ပူးပေါင်းရင်းမြစ်များ

1 KORÌTÙT 12:12

Nit apùnì ninebe omakeat meneat he, nineki, ninesok, aike ninoba apigat werek. Nineki ninesok ninoba yì mene tì mene apigat werek meneat he, lapuk hogo ninebe omakeat atì hake re, at Karìsùt ebe atì'nogoat o.

YOHANET 17:11

Yogotak an he, kweangma yoma aregenma logogin lek o. We, hat hea wesigin meneat he, it enek he, kweangma yoma logogun o. Hat weak hagatì'lek tegelek motok welagatek mene, nopase. Nit neperak ninebe omakeat welagorek a'nogo hak, it atì'nogoat inebe omakeat logouak en he, hat hetage esin mene an salnapigin atì ba, it hagisek logoino o, nopase.

PILIPI 1:27

Wene hano wene Karìsùt en hagasike wene a'nogo ba, “Apùnì yì'nogo hagatì logoino, tì'nogo hagatì logoino,” ìlùk yogohisagarek meneat hagatì logoino. Atì'nogo hagatì logolìk, hinebe lapuk hogo hagatì logoumo, it apùnì aike nen hinabok ìkì logolìk he, “It inoabùt he, hano wene yogoisikenem holì'lùgì higit hogoat inetaùken Ala oba hìpìrethìlìk ning hogo metek werek o,” ìlùk, an nebe walegat were'ma yogonesugun he a? Hinoba wìrìk neileken hisegein he a. Wene hano wene yogohisogorek hak, hinom lapuk hogo logolìk, weim yapì logolìk ning hogo yaparek hak, wene atì hesik ning hogo hagatì logoino.

YOHANET 13:35

Hit-hit atì'nogo netawì-hetawìrogo hagatì logogun halok, it apùnì obogat ineileken hisìlìk, It yì Yesùt agoromì eberogoat hìgì, ìlùk inelu asugun o,” ìlùk yogoisasike.

LAKSASIKE 4:32

It wene eberogoat ìlùk wanhukwa mene atì, inebe logolegat he, inetaùken omakeat welagaukwa. Logolìk he, inagarok yì mene tì mene obogat, “Yì an mene,” ìlùk ìgì'legat he, “Ninebe obogat ninagarok mene,” ìlùk, ìkì lagaukwa.

YOHANET 17:8

Wene hat en yogonesigin mene amanogo, it arat yogoisigima, arat wanhasik, an hesik ìkì logolìk he, Ala nen lakhei wagaikomo, at were'ma nen eberogoat wagaike, ìlùk inelu agaikasik he, nebe hùthanha o.

YOHANET 10:38

Meneat he, an nen hagato kolegat, hit eberogoat ìlùk hinetaùken an noba hìpìrethousak hinabìt atì o. Atì'nogo hagatesep atì re, an nen nopase neperak hutik, nen at en an neperak hutik, welagorek atì, hinelu arìk en eberogoat ìlùk hùthoageip en he, an hagatì lagì mene atì eberogoat ìlùk hùtheni o!” ìlùk yogoisìkì lagaikomo,

YOHANET 10:30

Nopase neperak ninebe re, omakeat o,” ìlùk yogoisìkì lagaikomo,

KALATIA 3:28

Wìlìk, hobuk en he, hit obogat he, Karìsùt Yesùt hinom hutik logolìk hinebe omakeat mene welagep atì nen he, hit o'moko Yahuri mene, o'moko Yunani mene ìgìk, o'moko inatitigeke mene, o'moko inalepma mene ìgìk, o'moko hìmì, o'moko ap ìgìk, ìkì logousak lek.

1 KORÌTÙT 1:10

Atì'nogo meneat he, nerùgì nagaiya'lak. Ninoe Etagepogot Yesùt Karìsùt etage ba, wene aike hinasuk wasik. Hit obogat hinebe mìkìlhì'lek hai warek logolìk he, hinane omakeat mene ìgìk, hinetaùken omakeat welagìk, hina'la nen wene omakeat mene ebetìk, ìkì logoino.

ÙRÙM 12:5

Atì hak he, ninebe apigat welago meneat he, Karìsùt ninom omakeat hùnogo hinasikomo welago yì. Ninebe omakeat mene re, nineki ninesok ninebe hutik welagarek atì hak, ninerùgì ninagaiya'lak ninom atì'nogo welago.

1 YOHANET 5:7

Yesùt atì Karìsùt at o, ìlùk, apunì inebe 3 nen inane omakeat mene hukalogo u hak he, Ala Areagùn nen hukalhìk, Yesùt ebe ima pelapukwa atì ba hukalagìk, amep wulagasogo wasukwa atì ba hukalagìk, hukalogo weinam agaike atì.

LAKSASIKE 2:46

Atì'nogo hagatì logolìk he, ineki aike kamo ìgì'lek hutik-hutigat Ala awì wùrì'mo atogotìk, ina'la hai hakìkì logolìk, inoabùt isong hogoat inauakwe sùpùrùik inom kùrogo nìkìk, ìkì lagaukwa.

YOHANET 17:25

Ala higit hogo nek hagatetek mene, nopase. It apùnì kweangma mene hat hebe inokot meneat he, an enek he, hat nelu o. Nen, it hat en wo'nesigin mene hùgì nek he, At en lakhei wagaike ìlùk, ineluat o.

YOHANET 10:16

Nen, an nako topa wam ebe lalma yoma nek werek hùk. O wele'ma aike weregat o. Nako atoma mene nane inasuk holuagalùk wogisek wesigìlùgat welagì o. Hisa wesumo, it an nako topa wam yoko palek omakìkwe nìkì logogun. Atì'nogo niko kolek, an naligat en serisek logogin o.

YOHANET 17:3

It apùnì nen he, Ala hogorasusak ebe mene aligalegat motok welagarek, ìlùk, hebe inelu agìk, nen an Yesùt Karìsùt lakhani wagaginmo wagagi mene yì nebe inelu agìk, ìlì'lùgì atì re, ineluk motok welagaikarek ero atìat o.

YOHANET 3:17

Nen, an Ala aput kweangma yoma lakhani wagaike atì re, yì apùnì tì apùnì ùkùm inoba hìlìk weagarinabuagalùk lakhani wagaike hùk. We, inebe telinabuagalùk lakhani wagaike o.

YOHANET 17:18

Hat en an nebe apùnì kweangma mene inoba lakhani wagagin a'nogo hak, an nen it atì'nogoat apùnì kweangma mene inoba laksigi o.

YOHANET 11:42

An nen hat kìno yogohetenem, nane hasuk holhetek a'nogo, an nelu meneat he, it apùnì yoma nen, hat en an lakhani wagagin atì nebe hùthanuagalùk yogohetì o, nopase,” ìlùk isikesik,

YOHANET 17:20

“Nopase. It atì inaligat hesik enek sapan ìkì lagì hùk. Lek o. It aike hunigat mene, it en wene yakùlisa logoin oba inetaùken an noba hìpìrethogoin mene inomat hesik sapan ìkì lagì o.

1 KORÌTÙT 6:17

Nit ninebe hesik atì'nogo haga'lagorek meneat he, ninoe Etagepogot ninom hùnì'lùk he, at ninom ninetaùken omakeat agorek atì.

1 YOHANET 1:3

Ebe nit nineileken hìgìk, ninasuk holhìk, isugu mene atì, ninopase Ala aput Yesùt Karìsùt eperak ninom hutik welagorek atì hak, hit nit ninom hano hutik logouogolùk yogohisìkì lago o.

MAREKÙT 3:24

Nen, ap kain etagepogot omakeat mene agoromì awe a'ma hagisek welagarek inom it-it hùlithakìlìk inom weak logogun halok, omakeat logolìk inomame welagaukwa hak logogun lek. Maben asugun o.

YOHANET 13:32

Nen, an nen hagasigin atì ba Ala hogorato halok, at okawerek ebe hogoratarek atì hak, an neperagat hogo'ninapì logouagalùk, at an hepok esinethanigin o.