YOHANET 17:19 - Ala Ane Wene Ket Mene Warogo Wo'ninapike Wene

¹⁹ It inebe hat hokawerek hesik ebe wene ba wenago logouagalùk he, an it hesik nebe hat hagagìrìk wenago welagì o.

YOHANET 17:19 ပူးပေါင်းရင်းမြစ်များ

YOHANET 10:36

an nen he, Nebe Ala aput, ìgì atì nen, Ala etage weagate, ìlùk nenahalok ìkì lagep. Ala nenat nayoko hìlìk eberogoat nebe wenagasogo kweangma yoma lakhani wagaike meneat he, atì'nogo nenahalok ìkì lagep.

YOHANET 15:13

It he'nakìt inagaiya'lak inetaùken hutik he, mea negen meneat he, ap aike agaiya'lak etaùken hutik en, it hesik wa'lasigin atì nek he, motok esin o.

YOHANET 15:3

Nen, hit he, an nen wene yogohisìgìrek atì nen he, hinobùseka hake palogo wusa yogologo hikasigimo welagep o.

YOHANET 17:17

Hat hane egetek atì re, ebe weneat. Nen, hane ebe wene atì ba, it inebe hat hokawerek hesigat logouak en wenagasogo hisan o.

YOHANET 17:20

“Nopase. It atì inaligat hesik enek sapan ìkì lagì hùk. Lek o. It aike hunigat mene, it en wene yakùlisa logoin oba inetaùken an noba hìpìrethogoin mene inomat hesik sapan ìkì lagì o.

2 KORÌTÙT 4:15

Nit yì aik tì aik obogat hìkì lago atì re, hit hesigat o. Atì'nogo hìkì lago ba, at Ala oabùt hano motok en apùnì aike etawìratìk, aike etawìratìk, inebe logolegat etawìrinabìk telinapenem he, inebe logolegat en, Ala hai warì'lùgì atì ba, it aike nen Ala hogorarì'lùgì o.

2 KORÌTÙT 7:14

An nen alebat Titut yogotì logolìk he, “It hobuk hano hagasugun,” ìlùk agaugethinapì lagagi hak hagatepma re, an nekalì agì lek o. Nit en yì wene tì wene eberogoat enek yogohisasugu hak, at Titut yogotì logolìk hit agaugethinapugu atì re, eberogoat o.

2 KORÌTÙT 8:9

Ninoe Etagepogot Yesùt Karìsùt oabùt hano nen etawì'ninapike a'nogo hit hinelu motok akìgì. At he, ebe Ala mene logolìk he, eilmo wùlalhak welagaike meneat he, at elageik agaike atì ba, hit ebe mene hineilmo wùllalhak asuageip ìlùk, at ebe nit apùnì mene agaikesik elageik agaike atì.

1 TESALONIKA 4:7

Ala nen, nit weak hagatì logouagalùk ninayoko hesike lek o. We, ninebe at okawerek hesik hisìlìk, tegelek logolìk, higit hogo hagatì logouagalùk ninayoko hesike atì.

2 TIMOTÌÙT 2:10

Atì nen he, it apùnì aike Ala nen wenaginapike mene hùgì, Karìsùt Yesùt inom hùnesumo re, inebe telinapìk, ineluk hano motok logouagalùk, hanorinapìk, uagalùk he, an atì'nogo weaga'napo kolegat, nepe morogo welagìrek atì.

TITUT 2:14

Nit alep Ala ane heraksìlìk yì weak tì weak hagatì lagagu atì nen nineki hele warogo negen ha'nisek were'ma, at Yesùt Karìsùt en he, “It inebe an nokawerek nagainapùrì atìk he, inoabùt hano mene akiluk hogo hagatì logouak en, inebe hele hikalogo inoko paligìlùk, an nebe wa'lasigin,” ìlùk isike.

IBERANI 10:29

Atì hak, it apùnì nen Ala aput meneat he, inesok en sagalogo heraksìgìk, Ala nen nit ninom hùnesuogolùk Karìsùt wa'lagaike atì ba amep oba hano horinapike meneat he, hobuk ina'la meathìgìk, Ala oabùt hano mene Areagùn a'nogo inane sagan wokhìgìk, iko halok he, ùkùm motok ekin mene inoba hìlìk weagarinabigin o.

IBERANI 2:11

Yesùt ebe, nit apùnì weak hagatorek mene ho'ninapùkwe mene atì ho, nit apùnì ho'ninaperek mene ho, ninom lapuk hogo re, ninopase omakeat. Atì nen he, at Yesùt ekalì legat, “It apùnì atì an nerùgì nagaiya'lak,” ìlùk ikerek atì.

IBERANI 9:13

Nen, it apùnì alep hagatì lagaukwa atì ba hagatì logolìk, apùnì nen wesa mene ineki hakìlìk, inerabùl horinaparek atì hak, it ap Yahuri mene nen wesa mene ineki hakasak lek mene hakiko halok, hano asuagalùk kambing amep mel, sapi amep mel, sapi ebe warogo Ala hesik etu loletarek mene oak etu nìlìk, wul agarek mene mel, waganogo inogat etakwe mene hesik horinapì lagaukwa atì.

IBERANI 9:18

Atì'nogo iko halok, inamìnìngeke helagarek atì hak, Ala nen wene alep mene warogo woginapike atì, mep warogo nenat ameli ba te'mek hogo isike.

IBERANI 9:26

At en he, it alep hagatì lagaukwa atì hak haga'lepma re, kweang elalhike hùlì nen pìkìt yogotak hùlì, eki hobugalep yì aik tì aik hìkì logolìk wa'laga logoilep. Atì'nogo meneat he, o elùgùn oba nit weak hagatorek mene legetsagalùk eki omake hesigat warn Ala waresu hak, okawerek ebe wa'lasi wagaike atì.

1 YOHANET 3:18

Halok he, nagainapùrì e. Nit en apùnì aike ninetawìrinapì'lek logolìgat he, ninane ba nek he, “Ninetawìrinapì logouok o,” ìlùk ìkì logousak mea o. At he, inebe ninetawìrinabìk, nineki ba nen eberogoat leberisìkì logouok o.

1 YOHANET 3:3

Nit nina'la nen, “Atì'nogo haga'lasugun,” ìlùk, oba eberek welagorek mene ninebe lopok on, at okawerek ebe tegelek welagarek atì hak, nit atì'nogoat tegelìkì logousak o.