YOHANET 16:33 - Ala Ane Wene Ket Mene Warogo Wo'ninapike Wene

³³ aike mel yogoisasike: “Hit an ninom hutik logolìk, hina'la hapuk hogo logouageip en ìlùk, wene atì obogat yogohisìgì o. Hit apùnì kweangma mene nen yì aik tì aik hagathinapì logogun o. Mene re, apùnì kweangma mene arat mabenetsigima atì re, hinayù'lek hogo logoino,” ìlùk yogoisasike.

YOHANET 16:33 ပူးပေါင်းရင်းမြစ်များ

YOHANET 14:27

Halok, hit hinetaùken hapuk hogo logouagalùk an netaùken hapuk hogo welagìrek mene wokhisalùk legein o. Atì re, apùnì kweangma mene nen wogisagarek atì hak wokhisegein lek atì nen he, hinalabut hìtì logolìk hinayùk agùp o.

2 TESALONIKA 3:16

Ninoe Etagepogot ninetaùken hapuguthiaikerek mene a'nogo okawerek en yì hesik tì hesik hinetaùken hapuguthinapo motok logolìk he, hinebe obogat hakhisek logouak o.

1 YOHANET 4:4

Mene re, nagainapùrì e. It apùnì kweangma mene ina'la welagarek mene atì omame lek meneat he, hit enek he, hinebe Ala againapùrì ma re, at Areagùn omame motok apik mene hina'la werek atì nen he, it ap atì mabenetsìlìk welagep atì o.

PILIPI 4:7

Atì'nogo yogotì logogun halok, Karìsùt Yesùt hinom hutik welagasep atì nen, at Ala nen apùnì nen hùthasak lek mene elalinat hinetaùken hapuguthinabìk he, wenesùgì ebetì lagep mene atì, at enat sebelogo hakhisek logogin o.

1 PETERÙT 5:9

Atì'nogo logolìk, hina'la nen, “Ninerùgì ninagaiya'lak o yì awì tì awì atoma yì aik tì aik hìlì'lùgì hagat hìkì lago,” ìlùk, at Ibilit waganem, ane holhì'lek heraksìlìk hinetaùken Ala oba hìpìrethìlìk ning hogo metek logoino o.

YOHANET 14:1

At Yesùt en wene atì'nogo yogoisasikesik, hobuk he, aike mel yogoisasike: “Nagainapùrì. Hit hina'la nen he, Eige, ìlùk hinalabut hìrogo logogùp o. Hinetaùken Ala ba hìpìrethìgìk, an noba hìpìrethìgìk, ìkì logoino.

2 TIMOTÌÙT 3:12

Nit Karìsùt Yesùt ninom hutik logolìk, Ala hesik hanorogo hagatì logouogolùk nina'la akìkì lago mene hùgì, ninebe lopok obogat yì aik tì aik haga'ninapì logogunat o.

LAKSASIKE 14:22

Alep ki laga logolìk, apùnì Yesùt ane yakùlisìlìk ki lagaukwama wanhukwa mene hobuk inoba ha'larìk wùlìbi waga logolìk, inetaùken ago warisìgìk, inasuk watìk, ìlìk wùlìbi waga logolìk, mel yogoisasukwa: “Wene eberogoat ìlùk hinetaùken Yesùt oba hìpìrethesigip mene atì, ning hogoat hìpìrìk logoino. Nit hobuk Ala awe a'ma motok logouogolùk he, ninoba yì aik tì aik hìkì logopik enat kugun o,” ìlùk yogoisìlìk wùlìbi wagaukwa.

ABÌKAKAN 3:21

“An arat nomame agagimo, nopase kain welagarek obùlùk oba neperak welago yì hak, sa nen omame asigin halok, an kain welagìrek nobùlùk oba neperak logouogolùk menhegein o,

IBERANI 11:25

An nebe hano logolìk, we elama hesik meneat he, akiluk hogo weak hagatì logousak atì nabìt. We, it Ala againapùrì ninom yì aik tì aik haga'ninapì logousak hano o,” ìlùk, a'la akasikesik he,

ABÌKAKAN 7:14

Hinok atì'nogo wo'niikenem, an nen he, “Noe, an nokot. Hat enek he, helu welagen o,” ìlùk yogotenem, at en he, mel yogonete: “It apùnì yoma re, o kweangma were'ma apùnì aike nen yì aik tì aik apik hagarinapenem, Ala nen telinapikomo, inasu Topa Eak amep oba arat kut motok sobalega mene o.

1 TESALONIKA 3:7

Nerùgì nagaiya'lak. Nit yì aik tì aik wiik-weak hogo haga'ninapo kolegat he, hit hinetaùken Karìsùt oba hìpìrìgat welagep atì nen, hit hesik nina'la hano agama welago.

ABÌKAKAN 12:11

It ninerùgì ninagaiya'lak atì inokawerek inebe inetawì agì'lek, Ninoata halok he, hanoat o, ìlùk nikenem inoata. It atì re, Topa Eak amep wulagasogo wasukwa atì ba ho, it en Ala ane ebe wene atì pak hogo yogoisìlìk nìkì lagaika atì ba ho, Ibilit a'nogo arat mabenetsaga atì o.

KOLOSE 1:20

Yì mene tì mene kweangma mene mel, pogot oba mene mel, obogat Ala inom weak agaukwasik, weim palek hake were'ma, at Ala okawerek inom lapulogo hisasike atì ebe re, Yesùt e ba menhìlìk wasukwama amep wulagasogo wa'lagaike atì ba lapulogo hisasike atì.

2 KORÌTÙT 1:3

Ninoe Etagepogot Yesùt Karìsùt opase Ala atì hogoratì logouok o. At ninopase Ala oabùt hanoma re, apùnì yì hesik tì hesik ina'la kolo were'ma, etawìrinabìk ina'la hanoraterek.

2 KORÌTÙT 13:11

Nerùgì, nagaiya'lak. Wene elùgùn warogo mel yogohisak. Hina'la hai hakìgìk, hinetaùken katok hogo wurigethakìgìk ìkì logoino. Wene hinasuk warìk wagì atì, hinasuk hanorogo holino. Hinetaùken omakeat logolìk, hinom lapuk hogo logoino. Atì'nogo hagatì logogun halok, Ala apùnì etawìrinapìk, inom lapuk hogo hano hisìgìk, ikerek mene a'nogo sethisek logogin o.

1 TESALONIKA 3:4

Nit emakum hit ninom logolìk, “Hobuk yì aik tì aik haga'ninapì logogunat o,” ìlùk, yogohisasugu a'nogo higit hogo haga'ninabì'lùgì atì hinelu o.

KALATIA 6:14

Mene re, an yì hesik tì hesik hogorakasak motok nabìt o. We, ninoe Etagepogot Yesùt Karìsùt e ba menhìlìk wasukwa mene a'nogo hesik enek hogorakamo, elok. At ebe wasukwa atì nen, apùnì kweangma inoabùt inesogat logolìk hagatarek mene atì arat mabenetsasike akìgì. Halok he, apùnì wa'larìk, yì mene tì mene hagasusak oba lì'ma agarek hak, apùnìl inoabùt inesogat logolìk hagatarek mene a'nogo li'matsasìgì atì.

2 KORÌTÙT 7:4

An na'la nen, hit hano hagasugun, ìlùk netaùken hapuk hogo logolìk agaugethinapo motok welagìrek o. Atì'nogo logolìk, it apùnì aike nen weaga'ninabuogolùk yì aik tì aik haga'ninapo kolegat, an na'la motok hano agìk, hùkoat hai hakìgìk, ìkì lagì o.

LAKSASIKE 27:25

Atì nen he, nerùgì nagaiya'lak. Ala nen yogonete atì hagat eberogoat haga'lasigin ìlùk, netaùken at oba hìpìrìk welagì atì nen, hit hinetaùken hapuk hogo logoino o.

KALATIA 1:4

Nit weak hagatorek atì nen ninopase Ala a'la nen he, “Tì'nogo hagasuak,” ìlùk a'la akasike ba, at Yesùt Karìsùt en nit apùnì kweangma mene telninabigìlùk, etaùken nenat nit ninoabùt weak motok hagatorek mene atì ùkùm at okawerek en oba hakìlìk wa'lagaike atì.

LAKSASIKE 9:31

Atì'nogo hagasukwama, hobuk en he, it apùnì Ala againapùrì o propinsi Yurea mene mel, Kalilea mene mel, Samaria mene mel, weagarinapì'lek hano lìok hogo welagaukwa. Were'ma, Ala Areagùn nen leberisikenem, inetaùken wurik agìk, ninoe Etagepogot inayùk hogo welagìk, ìkì logolìk he, inebe apik seik-peik ìkì lagaukwa.

YOHANET 12:31

Yogotak Ala nen, apùnì kweangma mene ùkùm inoba hìgìk, kotìk, ìkì logolìk, ap etagepogot kweangma mene a'nogo mùk hogo wulaksìgìk, igin oba arat asi waga o.

LUKAT 2:14

“It pokwe pogot oba welagaikarek mene nen, ninopase Ala atìat hogoratì logouak o. Nen, it apùnì kweangma yoma inebe Ala oba lìok ikerek mene inetaùken hapuk hogo logouak o,” ìlùk isukwa.

LAKSASIKE 27:22

Mene re, nerùgì nagaiya'lak. An nebe esewerek he, Ala atma, an nen at hogoratìrek mene nen, malaikat aike yogo hùako noba lakhei wagama re, nera'lu melasi waga. Melasi wagasik, mel yogonete: Paùlùt. Hayù'lek hogo logoino o. Hat hobuk Kaisat oba legein atì nen, apùnì aroma obogat hinom so ba laga lagep mene, at Ala oabùt hano nen hat etawìrogo hinomat telhinabigin o, ìlùk yogonete atì nen, nagaiya'lak. Hinetaùken hapuk hogo logouageip ìlùk, wene yì yogohisak. Ninebe aike i logoin lek. We, so ebe nek alema'lasigin o.

LUKAT 19:38

A'mìt sup hogo pìkì logolìk mel isukwa: “Ala nen ninoe kain Etagepogot lakhagei wagama wagen yì, at enat hanothabuak o! lt pogot oba welagaikarek mene atoma inetaùken hapuk hogo logouak o. Nen, Ala esin pogot oba welagarek mene hogoratì logouok o,” ìlùk atì'nogo ìlìk-ìlìk pisukwa.

LAKSASIKE 23:11

Atì'nogo yogoisasikomo wolok kisukwama re, o atì sat hùako, ninoe Etagepogot Paùlùt era'lu melasi kìlìk he, mel yogosike: “Hat en he, wene an hesik o Yerusalem yoma pak hago yogoisegen atì hak, hobuk o Ùrùm atoma atì'nogoat pak hogo yogoisa legeinat atì nen he, hetaùken hapuk hogo logomo o,” ìlùk yogosike.

YOHANET 16:11

Nen, aike re, Ala nen apùnì kweangma mene inoe kain a'nogo ùkùm oba hìlìk mabenethesikomo werek atì nen, at lebethisìkì logogin mene atì wìrìk he, Ala nen ùkùm inoba hìgìk, kotìk, ikerek atì hesik hukalogo yogoisa wesiginat o.

MATÌÙT 9:2

ap aike eki esok motok wùt warek welagaike mene e talek oba weitek werek kolek yerogo wolok oba wagaukwama, at Yesùt en he, “It atì inetaùken an noba hìpìrethagasik en wolok wagaika hìgì,” ìlùk, eileken enagat isìlìk he, ap eki esok wùt warek mene a'nogo mel yogosike: “Naput e. Ha'la hai hakan. Hat weak hagatì lagen mene re, an nen sagalogo legetsìgì o,” ìlùk, yogosike.

2 KORÌTÙT 2:14

Atì'nogo meneat he, at Karìsùt omame agaikesik elokwe wanho kolek nikenem, nit at ninom hutik mene Ala nen Karìsùt opolik wo'nisek nikerek, ìlùk hogorasuok o. Atì'nogo wo'nisek nìkì logolìk, obasi hano mene sang-pang hogo lagarek hak, at Karìsùt hagasike wene a'nogo nit en wìalogo o yì awì tì awì wolok loagalùk wo'nisek nikerek.

2 KORÌTÙT 4:7

Nit wene yì'nogo yogoisìlìk nikenem, apùnì ineileken nisìkì logolìk, ina'la nen he, “It inomame lek. We, at Ala omame apik hìgì,” ìlùk enagat hùthìkì logouagalùk, isoak kweang mene hagarogo hinatarek hak, hano mene atì nit maben mene nina'la hinikomo werek o.

2 KORÌTÙT 6:4

Apùnì nen he, “It Ala nen inayoko hesikomo, at hesik hagatì logousak meneat hagarì'lùgì,” ìlùk hùthinoagalùk he, yì aik tì aik haga'ninapìk, wiik-weak hogo haga'ninapìk, hobo'nisìgìk, iko kolek, ninepe morogoat logolìk yì mene tì mene enagat hagatì lago.

1 YOHANET 2:13

Nopaselak e. At emakum ero ba nen welagarek mene a'nogo ebe hinelu agagisip welagep atì nen he, helal waganogo hinoba lakhei wagì. Nen, ap elege nagoromì e. Hit en at oabùt weak mene a'nogo arat mabenetsasigisip welagep atì nen, helal waganogo hinoba lakhei wagì o.