YOHANET 16:24 - Ala Ane Wene Ket Mene Warogo Wo'ninapike Wene

²⁴ O alebat en hùlì yogotak hùlì, an netage palogo yì mene tì mene aike kìno ìgì'lek welagepma o. Halok he, hina'la hai apik hakoageip en he, at kìno yogotì logoino. Atì'nogo yogotì logoumo, wokhisìkì logoginat o,” ìlùk yogoisasike.

YOHANET 16:24 ပူးပေါင်းရင်းမြစ်များ

YOHANET 15:11

Nen, an na'la hai hakìgìrek atì hak, hit hina'la hai hakìkì logolìk, hobuk hina'la hai hùkorogo hakìkì logouageip en ìlùk, wene atì obogat yogohisìgì o.

YOHANET 16:23

Hùlì atì hùlì arat asi lìlìk he, hit en wene aike an noba hinok wo'neogoin motok lek o. Halok, an nen wene aike yogohisak: Hit en yì mene tì mene an netage palogo nopase kìno yogosugun halok he, at en wokhisegeinat o, ìlùk eberogoat yogohisìgì.

2 YOHANET 1:12

Wene apigat hinoba lakhei wesusak werek meneat, lisu amusu sùesika ba helal waganusak he, nabìt o. We, nina'la hai hakìkì lago mene atì ebenagei'mo hai hakùogolùk he, ninom apìma weneane nineilha ba la'-lak uogolùk, an nebe hinoba wesigin akìkì lagì o.

MATÌÙT 6:9

Halok he, sapan ìkì logolìk he, yì'nogo ìkì logoino: Ninopase pogot oba mene hokawerek hetage esinethìkì logouagalùk, haga'ninabi me o. Ninebe hawe a'ma logouagalùk hina me o. It pogot oba hat ha'la akegetek mene hagatarek hak, nit kweangma atì'nogoat hagatì logouagalùk, haga'ninabi me o.

YOHANET 3:29

Nen, ap aike agwe ìkhike halok, he atì agùn, ap atìat o. Nen, ap agwe ìkhegein werek atì agaiyak aike era'lu metek logolìk, at ane ikenem asuk hologo logolìk a'la nen hai hakikerek atì hak, an yogotak atì'nogoat na'la hai apik hakìkì lagì o.

2 TESALONIKA 1:2

Ninopase Ala, ninoe Etagepogot Yesùt Karìsùt eperak inoabùt hano a'nogo nen, hano mene wokhisìgìk, hinetaùken hapuguthinapìk, ìkì logouak o.

YOHANET 14:1

At Yesùt en wene atì'nogo yogoisasikesik, hobuk he, aike mel yogoisasike: “Nagainapùrì. Hit hina'la nen he, Eige, ìlùk hinalabut hìrogo logogùp o. Hinetaùken Ala ba hìpìrethìgìk, an noba hìpìrethìgìk, ìkì logoino.

YOHANET 14:14

Atì'nogo hagasigin atì nen he, hit en yì mene tì mene an netage palogo kìno yogonetì logoino. Atì'nogo kìno yogonetep halok he, an nen hagasigin o,” ìlùk wene warisasike.