YOHANET 16:22 - Ala Ane Wene Ket Mene Warogo Wo'ninapike Wene

²² Hit ati'nogo at. Yogotak hina'la weak welagep meneat he, hobuk an ninom apì asugun atì sat, hina'la hai apik hakogoin o. Nen hit hina'la hai atì, it apùnì aike nen legetsogoin motok lek o.

YOHANET 16:22 ပူးပေါင်းရင်းမြစ်များ

MATÌÙT 28:8

it hìmì amanogo omoulama atoma nen laga logolìk inayùk agaukwa meneat he, hobuk ina'la hai apik hakìlìk hakìlìk, at agoromì ane wanhì lagaukwa mene amanogo inoba humusegat yogoisa lagaukwa.

LUKAT 16:25

at Aberaham en he, mel yogosike: Naput e. Hat heluk logolìk he, hano mene nek nìkìk, wanhìk, iko kolek, Lasarùt yì nek he, weagat welagaike mene a'nogo ha'la ebe'sin! Nen, yogotak he, at Lasarùt yì yoma wagasik a'la hano agasik werek kolegat he, hat enek he, heinet apik warìkì lagen atì.

LUKAT 19:26

at kain a'nogo nen he, mel yogoisasike: It apùnì aike inagarok werek mene atì, inebe lopok hobuk aike inom oba louk hogo wogisogoin o. Nen, it aike inagarok lek mene atì, hamùlùgat hesogo werek mene atì, inekimo nen telogo helogoin atì nen he, at ap arìat wogosuageip ìlùk yogohisìgì o.

LUKAT 24:41

Atì'nogo ìnùgisikenem, it amanogo nen, “Egi!” ìlùk hogoratì logolìk, ina'la hai en he, eberogoat ìlùk oan hùthìgì'lek were'ma, at en it amanogo yogoisìkì logolìk, “Hit sùpùrùk aike yoma hegepma a? Lek a,” ìlùk yogoisasikomo,

YOHANET 14:1

At Yesùt en wene atì'nogo yogoisasikesik, hobuk he, aike mel yogoisasike: “Nagainapùrì. Hit hina'la nen he, Eige, ìlùk hinalabut hìrogo logogùp o. Hinetaùken Ala ba hìpìrethìgìk, an noba hìpìrethìgìk, ìkì logoino.

YOHANET 14:19

Nineki hamùlùgat logopik he, apùnì kweangma mene ineileken neogoin motok lek meneat he, hit enek he, an nelugat logogin, nen hit hobuk hinelugat logogun atì nen he, hineileken neogoin o.

YOHANET 14:27

Halok, hit hinetaùken hapuk hogo logouagalùk an netaùken hapuk hogo welagìrek mene wokhisalùk legein o. Atì re, apùnì kweangma mene nen wogisagarek atì hak wokhisegein lek atì nen he, hinalabut hìtì logolìk hinayùk agùp o.

YOHANET 16:16

At Yesùt en wene atì'nogo yogoisasikesik, aike mel yogoisasike: “Nineki hamùlùgat logopik en he, an nebe hineileken neogoin lek o. Atì'nogo hineileken nììgì'lek hineki hamùlùgat aike logopik en, hobuk hineileken neogoin o,” ìlùk yogoisasikomo inasuk holhukwasik he,

YOHANET 16:20

Hobuk hit hina'la nen lì agìk, le agìk, ugun meneat he, it apùnì kweangma mene ina'la hai hakogoin o. Atì'nogo meneat he, hit hina'la weak logogun mene atì, hobuk hano aganem hina'la hai apik hakogoin o, ìlùk eberogoat yogohisìgì.

YOHANET 16:6

An nen wene yogohisìgì ati nen, hit hina'la motok weak aga meneat he,

YOHANET 21:7

Atì'nogo mea agaikomo logolìk, at Yesùt agoromì mene aike, at etaùken hutik mene a'nogo nen he, Peterùt mel yogosike: “Peterùt, ap arì ninoe Etagepogot a'nogoat o,” ìlùk yogosike. At Yesùt agot a'nogo nen, “Ap arì ninoe Etagepogot a'nogoat o,” ìlùk Peterùt yogotenem asuk holhikesik he, asu etakwe mene nokologo hesikesik nokolek welagaike mene hepok-hepok laberasikesik he, ima pok pisike.

YOHANET 4:14

i an nen wogisamo niko halok be, it ina'la nen i elesi hake huluk-huluk palogo wùlùpo motok logogin atì nen he, ineluk motok logolìk, it hobuk i nele aga logogun motok lek o,” ìlùk, yogosike.

LAKSASIKE 13:52

Ki lagaukwama, apùnì o Atiokia atoma mene Yesùt ane wanhukwa mene hùgì Ala Areagùn ina'la peserogo kisikomo ina'la hai apik hakasukwa.

LAKSASIKE 16:25

Atì'nogo hisasikomo, logolìk, o hùp pùlem it apùnì aike ineki hele warek welagaukwa mene inasuk hologo werek kolek, Paùlùt Silat eperak en sapan ìgìk, Ala hogorasuogolùk wùnì watìk, isukwa.

LAKSASIKE 2:46

Atì'nogo hagatì logolìk he, ineki aike kamo ìgì'lek hutik-hutigat Ala awì wùrì'mo atogotìk, ina'la hai hakìkì logolìk, inoabùt isong hogoat inauakwe sùpùrùik inom kùrogo nìkìk, ìkì lagaukwa.

LAKSASIKE 5:41

Wulaksasukwama, it ap wene ero pìlìngìtì lagaukwa mene amanogo heraksalùk wùlùpukwasik, it-it ìkì logolìk he, “Ala nen he, Hit Yesùt etage hesik apùnì nen, Hit weak, ìlùk wenakhisamo elok, ìlùk a'la akike higit hogoat wena'nisaga atì hano,” ìlùk ina'la hai hakìlìk wùlùpukwa.

2 KORÌTÙT 6:10

Nina'la weak logolìgat he, hai hakiko motok welago. Yì mene tì mene ninekim lek meneat he, apùnì logolegat ebe mene ineilmo wùlalhak asuagalùk hagatsìkì lago. Ninagarok motok lek meneat he, ebe mene obogat ese agosik welago.

2 TESALONIKA 2:16

At ninoe Etagepogot Yesùt Karìsùt, ninopase Ala eperak inoabùt hano a'nogo nen, inetawì'ninapukwasik, ninetaùken abolo'lek motok logouagalùk ago wathinìgìk, hano asigin ìlùk oba eberek logouagalùk nina'la kagalhìk, egarek.

IBERANI 10:34

it aike hele warogo kelaksikenem hinetawìrinapìk, ìkì lagagip atì. Atì'nogo hagatì logolìk hina'la nen he, “Nit mene ningsek hano motok logogin mene werek o,” ìlùk akìkì logolìk he, hit mene yì mene tì mene helikenem hina'la weak agì'lek hai hakìkì lagagip atì.

IBERANI 6:18

Wene hopuk palogo yogoisasike atì re, nit Ala awe a'ma ki wago mene hùgì nina'la nen, “Hano'ninabigin,” ìlùk eberek welago mene ninetaùken hapuk hogo logouagalùk nirat yogonisasike. Abok ìgìk, hopuk palhìk, wene pìre isike atì, nit en he, Ala apeliak ikerek motok lek, ìlùk ninetaùken hapuk hogo logouagalùk yogonisasike atì.

1 PETERÙT 1:8

Hit en alebat, at ebe hineileken hìgì'lek meneat he, ebe hinetawì welagep atì. Atì'nogo logolìk, yogotak ya hineileken hìgì'lek meneat he, hina'la nen, “Hobuk hano motok haga'ninabigin,” ìlùk hinane ba nìkì'nogo pìlìngìrogo u heat logolìk, hina'la hai apik hakìkì lagep atì.