YOHANET 16:20 - Ala Ane Wene Ket Mene Warogo Wo'ninapike Wene

²⁰ Hobuk hit hina'la nen lì agìk, le agìk, ugun meneat he, it apùnì kweangma mene ina'la hai hakogoin o. Atì'nogo meneat he, hit hina'la weak logogun mene atì, hobuk hano aganem hina'la hai apik hakogoin o, ìlùk eberogoat yogohisìgì.

YOHANET 16:20 ပူးပေါင်းရင်းမြစ်များ

YAKOBÙT 1:2

Nerùgì nagaiya'lak. At Ibilit en hina'la kagalìgìlùk yì ùkùm tì ùkùm hinoba hikenem hina'la hai hakìkì logoino o.

MATÌÙT 5:4

Nen, apùnì ina'la wiik-weak hogo welagaikarek mene atì, Ala nen inetaùken sebeligin atì nen he, ina'la hai hakìkì logousak o.

2 KORÌTÙT 6:10

Nina'la weak logolìgat he, hai hakiko motok welago. Yì mene tì mene ninekim lek meneat he, apùnì logolegat ebe mene ineilmo wùlalhak asuagalùk hagatsìkì lago. Ninagarok motok lek meneat he, ebe mene obogat ese agosik welago.

MAREKÙT 16:10

Elokoma melagaikomo eileken halùk he, yoko it apùnì at Yesùt inom welagaukwa mene hùpì watì logolìk le aganem inoba lagaike.

YURAT 1:24

Hit ninopase Ala omame werek elok hakhisek logousak mene oba laganem, hinesok peik hogo warìgì'lek hanorogo hakhisek logopik he, at ebe hogorarì'lùgì ba atoma, ùkùm hinoba hìgì'legat, hina'la hai hakiko kolek menogo elok hika legein mene atì, hai watì logouok o.

LUKAT 24:21

Nit apùnì Isirael mene, at en telninabigin ìlùk nina'la akìkì lago meneat he, eigo! Atì'nogo arat haga'lagasi'mo nen, nineki pìre nogo ogo yì o.

KALATIA 5:22

Nen, e eken ìterek hak, Ala Areagùn apùnì ina'la logolìk inoabùt hagatarek he, ebe yì. Apùnì aike inebe inetaùken butik welagìk, ina'la hai hakìgìk, apùnì aike inom lìoksek welagìk, inepe morogo welagìk, inoabùt enago welagìk, inoabùt hano welagìk, inoabùt lopok hogo welagìk,

ÙRÙM 5:11

Mene re, atì nek hùk. Ninoe Etagepogot Yesùt Karìsùt hagasike atì ba, Ala ninom hobuk ninapotkwe hùnogo hinasikomo ninom hano welago atì nen he, nina'la hai hakìkì lago.

LUKAT 24:17

Waganem he, at Yesùt en, it aremnogo mel yogoisasike: “Hit heperagat ebekwe laga logolìk, wene nena wene ìlìk laga lagep,” ìlùk yogoisasikomo inelokoken sùmùrùmù arìk he, melagaukwa.

LUKAT 23:27

Yesùt ebe wolok waganem apùnì apik inopolik waga logolìk, hìmì aike at ouak le aga logolìk, inetaùken ineki nen hothìlìk wagaukwa.

ABÌKAKAN 18:7

At he atì, okawerek en ìkì logolìk: An nebe kain logolìk, apùnì nawe a'ma hisìlìk hagisek logolìk he, soge hanhama nen na'la weak arìk le aga logogin nogo? Lek o, ìlùk yì mene tì mene oba hilarogo logolìk okawerek en hùkorogo hogorakiko motok werek atì hagat, heinet hùkorogo watì logolìk, a'la weak arìk le aga logouagalùk ùkùm wogo'no o.

ABÌKAKAN 11:10

Atì'nogo werek kolek, apùnì kweangma mene inebe obogat en ìkì logolìk he, “It ap pìre wene yogonisìkì lagaika mene yì nen, yì aik tì aik apik ninoba hìkì lagaika mene a'nogo inebe hanoat inoata,” ìlùk ina'la hai apik hakìkì logolìk, pesta hagatìk, yì mene tì menu oko lek it aike nen aike wogisìgìk, wok-wok ìkì logogun.

LAKSASIKE 5:41

Wulaksasukwama, it ap wene ero pìlìngìtì lagaukwa mene amanogo heraksalùk wùlùpukwasik, it-it ìkì logolìk he, “Ala nen he, Hit Yesùt etage hesik apùnì nen, Hit weak, ìlùk wenakhisamo elok, ìlùk a'la akike higit hogoat wena'nisaga atì hano,” ìlùk ina'la hai hakìlìk wùlùpukwa.

YOHANET 16:33

aike mel yogoisasike: “Hit an ninom hutik logolìk, hina'la hapuk hogo logouageip en ìlùk, wene atì obogat yogohisìgì o. Hit apùnì kweangma mene nen yì aik tì aik hagathinapì logogun o. Mene re, apùnì kweangma mene arat mabenetsigima atì re, hinayù'lek hogo logoino,” ìlùk yogoisasike.

YOHANET 16:6

An nen wene yogohisìgì ati nen, hit hina'la motok weak aga meneat he,

LUKAT 22:62

A'la ebethùlùk eta'ma wùlìpikesik he, le motok apik etawì hìt-hìt le agaike.

LUKAT 22:45

Sapan ìlùk melagaikesik, agoromì amanogo inoba wagaike re, it amanogo ina'la motok weak agaikomo nogo nen he, nogo iko were'ma isa wagaike.

LUKAT 6:21

Nen, hit yogotak hina'la nele negen welagep mene hùgì, hobuk wokhisikenem hinalabut ning hogo nogoin atì nen he, hina'la hai hakìkì logoino o. Nen, hit le aga lagep mene hùgì, hobuk eto asugun atì nen he, hina'la hai hakìkì logoino o.

MAREKÙT 14:72

Hopuk palho kolek aremnogoat, sùe ayam a'nogo ane hobuk isike. Ane hobuk ikenem he, at Peterùt en he: “Ì. At Yesùt en an yogonetì logolìk he: Sue ayam ane emakum ìlìk he, hobuk ìgì'lek werek kolek, hat en he: Yesùt nokot o, ìlùk heki hinagan oba labeligin, ìlùk yogonete a'nogo, arat labelhì yì,” ìlùk a'la ebesikesik he, le etawì hit-hit agaike.

1 TESALONIKA 1:6

Hit yì aik tì aik hagathinapo kolegat he, hina'la hai hakìkì logouagalùk Ala Areagùn nen hina'la kagalhìkomo, hai hakìkì logolìk, hano wene wanhìsigip he, nit ninoabùt wanhìk, ninoe Etagepogot oabùt wanhìk, isigip atì.

YOHANET 20:20

eki mel, abeleken mel, wasukwa mene a'nogo agapùt ìnùgisasike. Atì'nogo ìnùgisasikomo ineileken hasukwasik he, “Ninoe ebeat o,” ìlùk ina'la hai apik hakasukwa.

MATÌÙT 21:38

Lakhei wagaikomo waganem, it ap yabu serogo welagaukwa mene amanogo nen, ineileken lakhasukwasik he, it-it ìkì logolìk, Ap arì Opase obùlù'mo yabu esewerek asigin mene a'nogo ebe waga a'lì. Halok, yabu yì nirat esewerek asuok en he, ebe wasuok o, ìlùk,