YOHANET 16:19 - Ala Ane Wene Ket Mene Warogo Wo'ninapike Wene

¹⁹ Ati'nogo isukwama, at Yesùt en, “It yì wene an noba hinok wo'neùogolùk ìlì'lùgì hìgì,” ìlùk enagat hùrisasikesik he, mel yogoisasike: “Nagaiya'lak. Nineki hamùlùgat logopik en he, an nebe hineileken nììgì'lek logogun o. Nen, hineki hamùlùgat aike logopik en hobuk an nebe hineileken neogoin o, ìlùk yogohisìgì atì hesik hit-hit ìkì lagep a?

YOHANET 16:19 ပူးပေါင်းရင်းမြစ်များ

YOHANET 16:30

Hat he, apùnì aike nen wene aike hinok wokhììgì'lek halok he, wene ebe hokot hùk o. Hat yì wene tì wene obogat helu nek heogo. Hat hebe eberogoat Ala nen lakhagei wagaikomo wagagin, ìlùk yogotak en hùthagago,” ìlùk yogosukwa.

YOHANET 16:16

At Yesùt en wene atì'nogo yogoisasikesik, aike mel yogoisasike: “Nineki hamùlùgat logopik en he, an nebe hineileken neogoin lek o. Atì'nogo hineileken nììgì'lek hineki hamùlùgat aike logopik en, hobuk hineileken neogoin o,” ìlùk yogoisasikomo inasuk holhukwasik he,

YOHANET 14:19

Nineki hamùlùgat logopik he, apùnì kweangma mene ineileken neogoin motok lek meneat he, hit enek he, an nelugat logogin, nen hit hobuk hinelugat logogun atì nen he, hineileken neogoin o.

YOHANET 13:33

Nagainapùrì. An neki hamùlùgat enek ninom logopik en legein o. Lamo, hit en an nebe hera'napì logogun meneat he, alebat an nen ap Yahuri mane yogoisasigi hak, o an legeinmo atoma hit en hera'nabìk logoin lek o, ìlùk, yogotak hit yogohisìgìat o,” ìlùk yogoisasike.

YOHANET 7:33

Atì'nogo iko kolegat, at Yesùt en mel yogoisasike: “An we, elama hesik neki hamùlùgat ninom logopik he, at lakhani wagaike mene a'nogo oba napotkwe arat legein o.

ABÌKAKAN 2:23

Atì'nogo hagatenem, it Ala againapùrì o yì awì tì awì atogotarek mene obogat en ineileken hìlìk, it en he, At Ala re, apùnì ina'la ebetarek mene atì mel, inetaùken kagalharek mene atì mel, elumo re, apùnì ninebe lopok ninoabùt hagatorek mene higit hogoat ùkùm ninoba hìgìk, oko wo'nisìgìk, igin o, ìlùk, an hùthanuagalùk, it apùnì at he atì ane wanharek mene inebe inoasiginat o.

IBERANI 4:13

Ala eilhanem he, yì mene tì mene at en elalhike mene aike hinago werek nogo? Motok lek o. We, at eilhanem he, yì mene tì mene obogat he, weinam hukalek motok welagarek atì nen, nit hagatì lago mene, at elumo re, ninoba lopogat ninom ugun o.

YOHANET 21:17

Anema eki pìre ba wokhasikesik hobuk anema aike mel wokhasike: “Simon Yohanet aput nagot e. Hat en an nebe hetawì a?” ìlùk, anema atì'nogo eki pìre ha wokhasikesik en, hobuk aike ba, “Hat en an nebe hetawì welagen a?” ìlùk yogosike atì nen he, a'la kolo agaikomo, at en Yesùt mel yogosike: “Noe. Hat he, yì wene tì wene obogat helu o. Halok, an nen noe hebe netawì welagì atì, hat helu o,” ìlùk yogotì lagaikomo, at Yesùt en he, mel yogosike: “Halok he, an nako topa hanorogo serisek logoino o,” ìlùk yogosike.

MATÌÙT 9:4

Atì'nogo akasukwama, at Yesùt en inoabùt enagat palhikesik he, mel isike: “Hit hina'la nen wene kolo mene ebetì lagep atì nahalok.

MATÌÙT 6:8

Hit he, it inoabùt wanhùp o. Hinopase Ala pogot oba mene atì oan kìno yogotì'lek werek kolek he, hit walok mene atì, hageat elu welagarek o.

MAREKÙT 9:32

it en wene atì wongothasukwasik he, hinok wokha inayùk en kamo isukwa.

YOHANET 6:61

Atì'nogo at ebe yogotì'lek isukwa meneat he, at an he, “Wene ìgì a'nogo hesik nagoromì nen ua palogo wene palì'lùgì hìgì,” ìlùk inoabùt enagat palhikesik mel yogoisasike: “Wene yogohisìgì a'nogo nen, At ninabìt, ìlùk kobologo herakhanuogolùk ìkì lagep a?

YOHANET 16:18

An neki we, hamùlùgat enek logogin, ìlùk ike atì, ebe nena hesik yogonisike akegep. Nit he, hùthogo motok lek o,” ìlùk isukwa.

YOHANET 16:23

Hùlì atì hùlì arat asi lìlìk he, hit en wene aike an noba hinok wo'neogoin motok lek o. Halok, an nen wene aike yogohisak: Hit en yì mene tì mene an netage palogo nopase kìno yogosugun halok he, at en wokhisegeinat o, ìlùk eberogoat yogohisìgì.

YOHANET 16:26

Hit en he, Yesùt ebe Ala were'ma nen wagaike mene, ìlùk, hùthanhì logolìk, hinetawì'napigip atì nen, nopase nen hit etawìthinaperegat o. Hit hesik an nen nopase kìno yogosigin ìlùk yogohisìkì lagì lek o. We, o atì sat he, hit hinokawerek en an netage palogo nopase kìno yogosugun o.