YOHANET 16:11 - Ala Ane Wene Ket Mene Warogo Wo'ninapike Wene

¹¹ Nen, aike re, Ala nen apùnì kweangma mene inoe kain a'nogo ùkùm oba hìlìk mabenethesikomo werek atì nen, at lebethisìkì logogin mene atì wìrìk he, Ala nen ùkùm inoba hìgìk, kotìk, ikerek atì hesik hukalogo yogoisa wesiginat o.

YOHANET 16:11 ပူးပေါင်းရင်းမြစ်များ

MATÌÙT 12:18

At Ala nen he: “Hìthani! At atì re, an natitigeke logouagalùk nokawerek en weteberogo menhìgì. Netaùken hutìk noba lìoksek, at atìat o. An Nareagùn at wogosumo oba louk umo re, an nen apùnì ùkùm inoba hìgìk, kotìk, higit hogoat igin atì hesik, at en it apùnì etakwe mene wene pak hogo yogoisìkì logogin o.

MATÌÙT 12:36

Halok he, an wene yì yogohisak. Hobuk Ala nen manema waganogo ùkùm inoba hìgìk, kotìk, igin atì sapùl he, apùnì inane we tùlemat egarek mene atì hesik ùkùm inoba hegeinat o.

LUKAT 10:18

at Yesùt en he, mel yogoisasike: “Ibilit atì eilhabùt yegelogo lakhei wagarek hak, pogot oba nen pi waganem neileken hasigi o.

YOHANET 12:31

Yogotak Ala nen, apùnì kweangma mene ùkùm inoba hìgìk, kotìk, ìkì logolìk, ap etagepogot kweangma mene a'nogo mùk hogo wulaksìgìk, igin oba arat asi waga o.

YOHANET 14:30

Apùnì kweangma mene inoe kain a'nogo ebe wìrì'logo atì nen he, an wene apigat yogohisegein lek o. At atì wesigin meneat he, an at eki ba welagì lek o.

YOHANET 16:12

An nen wene apigat yogohisasak meneat he, hit wanusak hinepema mea aga o.

LAKSASIKE 10:42

Atì'nogo logolìk he, nit en apùnì wene yogoisìlìk laga logolìk he, Apùnì obogat, wa'lagaukwa mene mel, ineluk werek mene mel, ùkùm inoba hìgìk, kotìk, uagalùk, Ala nen Yesùt at menhesike, ìlùk, tùkùm hogo yogoisìlìk laga logouagalùk ninayoko hesike.

LAKSASIKE 24:25

Atì'nogo holek werek kolek, higit hagatì logousak wene atì mel, inetaùken sebeksek logousak wene atì mel, hobuk Ala nen apùnì ninanema wanìk ùkùm ninoba hìgìk, kotìk, igin wene atì mel, yogoisikenem, Pelìkìt ayùk agaike. Ayùk arìk he. “Yagotak wene arat egen o. Hobuk usak higit aga halok he, wahesigin o,” ìlùk apotkwe lakhesike.

ÙRÙM 16:20

At Ala apùnì inetaùken hapuguthikerek mene a'nogo nen, at Ibilit atì hinesok en al lebelogo heraksoagalùk hepogat hinawe a'ma hei wesigin werek o. Ninoe Etagepogot Yesùt oabùt hano a'nogo nen sethisek logouak o.

1 KORÌTÙT 4:5

Atì nen he, at en ùkùm apùnì inoba hìgìk, kotìk, igin atì like oan asi wagì'lek werek kolek, hit en it aike ùkùm inoba hìgìk, kotìk, usak motok lek o. We, at ninoe Etagepogot ebe wìrìk en he, apùnì nen hùako hinagasogo hagarì'lùgì mene sele'mathìgìk, Tì'nogo hagasugun, ìlùk akalìk ina'la sebelek werek mene atì hukalogo hìgìk, i wesigin atì serogo logousak o. Atì'nogo hukalogo hikenem, Ala nen he, hano hagata mene inebe lopok hogorinabusak meneat hogorinabigin o.

2 KORÌTÙT 4:4

Atì'nogo werek atì re, it apùnì kweangma mene inopase Ibilit a'nogo nen inetaùken Ala oba hìpìrethìgì'lek mene atì, inetaùken mùmerinapikomo werek o. At Karìsùt Ala hakeatma re, ebe hogoratarek wene, hano wene atì nen lìarinabusak meneat he, lìarinabinogo ìlùk, inetaùken mùmerinapikomo werek atì.

EPESÙT 2:2

Atì sat he, apùnì yoma inoabùt inesogat logolìk hagatarek hak hagatì lagagip. Atì'nogo hagatì logolìk, mokareke inoabùt weak mene inoe kain pogot abel makwe yoma esewerek logolìk, apùnì Ala ane inabìt en inasuk holùhùk mene ina'la kisikesik yogotak ina'la kagalhoat welagarek mene a'nogo ane hologo welagagip atì.

KOLOSE 2:15

At Karìsùt ebe e atì ba wa'laga logolìk, Ibilit agoromì kaintek inomame werek mene inom mabenetsìlìk he, apùnì nen selei mene inom weim yapì logolìk inomame arìk, inebe ineluk hele warogo apùnì ineilhanem wogisek wagaikarek hak, at Karìsùt en sele'ma inekalì wasike atì.

IBERANI 2:14

At en he, “Apùnì atì an nagainapùrì,” ìlùk isike atì re, nit apùnì wa'lagorek mene hesik isike atì nen he, at ebe wa'laga logolìk, nit apùnì wa'lagorek mene ero at Ibilit eki ba welagarek mene atì, at Yesùt en at Ibilit ebe mabenetsìgìk,

IBERANI 6:2

Ima pagarek wene atì yakùlhìk, inùkùl sebelharek wene atì yakùlhìk, wa'larì'mo Ala nen ninelugu'ninabigin wene atì yakùlhìk, elùgùn oba ùkùm ninoba hìgìk, kotìk, ikenem moto'-motok logogun wene atì yakùlhìk, isugu mene atì ninane etenogo hobuk yakùluok legat o.

IBERANI 9:27

Nit apùnì omake hesik wa'larì'mo nen, hobuk ùkùm ninoba hìgìk, kotìk, igin ìlùk, at Ala nenat isike atì hak,

2 PETERÙT 3:7

Mene re, pogot atì mel, kweang atì mel hobuk etu ba weagatheigìlùk Ala ane atì baat elama hesik hesogo logopik he, apùnì Ala ebe inabìt logolìk inoabùt weak hagarì'lùgì mene atì, ùkùm inoba hìlìk weagarinapìk, kweang pogot weagathìgìk, omake likeat hagasigìlùk eram enat eki hesogo werek o.

1 YOHANET 3:8

Nen, at aike nen oabùt weak hagato motok welagarek halok he, at Ibilit oabùt ero ba nenat weak hagateresi'mo nogo nen he, at atì ebe re, Ibilit aput werek o. Mene re, at Ala aput weinam hogo wagaike atì re, at Ibilit oabùt hagaterek mene atì, motok legetsagalùk wagaike o.

ABÌKAKAN 1:7

Lakhani! At ebe ohena a'la waganem, apùnì obogat inebe lopok en mel, it at sìge taluk wasukwa mene mel, inomat en ineileken lakhìkì logolìk, inùkùl etage lopok obogat le asugun o, ìlùk yogohisìgì atì, “Ebe asuak,” u hak, “Amin,” ìgì atì.