YOHANET 16:1 - Ala Ane Wene Ket Mene Warogo Wo'ninapike Wene

¹ At Yesùt en wene atì'nogo yogoisasikesik he, hobuk aike mel yogoisasike: “Hit hina'la pùk arìk, At ninabìt, ìlùk, an nebe kobologo herakhaninogo ìlùk, wene atì obogat yogohisìkì lagì o.

YOHANET 16:1 ပူးပေါင်းရင်းမြစ်များ

1 PETERÙT 2:8

Nen, aike mel isike: “Apùnì helep atì ba inesok a'lip temuk hogo warìlìk, tukwak hogo laga logogun o,” ìlùk isike. Atì'nogo tukwak hogo laga logogun atì re, it en hano wene atì, “Eberogoat,” ìlùk hùthogoin lek atì nen, Ala nen akasike hagat, warìlì'lùgì atì.

MATÌÙT 13:21

wene atì inetaùkenma omaken yatì'lek en he, hamùlùgat were'ma nen, apùnì aike nen Ala ane atì hesik yì aik tì aik inoba hìgìk, weagarìnapik, ikenem he, ina'la hageat pak agaresik, wene atì heraksalùk wùlùparek atìat o.

YOHANET 16:4

Atì'nogo hagathinapa halok he, hina'la nen, Wene yì, at en alebat yogonisasike a'nogo, arat haga'ninabì'lùgì yì, ìlùk hina'la ebesuageip en ìlùk, wene atì obogat yogohisìgì o,” ìlùk yogoisasike. At Yesùt en wene atì'nogo yogoisasikesik he, hobuk aike mel yogoisasike: “An hit ninom yoma welago atì nen he, wene yì obogat hit hinayoko hìkì logolìk yogohisìgì'lek welagagi meneat he,

MATÌÙT 24:10

Atìgìnho kolek, it apùnì aike inetaùken Ala ba hìpìrethesukwa meneat he, inebe logolegat ina'la pùk arìk heraksalùk wùlìbìk he, at aike nen at aike wasuagalùk wolok lagìk, aike nen aike anini oba hìgìk, ugun o.

ÙRÙM 14:21

Hat en he, wam kùrìk nìkìk, eken amusu nìkìk, yì mene tì mene hagatìk, ikenem he, herei hagaiyak aike weak asigin atì nen he, nìkì'lek heraksìkì logoumo hano.

MATÌÙT 13:57

Meathesukwama re, at Yesùt en he, mel yogoisasike: “It ap Ala ane yogoisagarek mene atì re, o yì awì tì awì laganem, apùnì aike nen motok agauk hogo hogorinaparek meneat he, inokawerek inaua eroma laganem inogogi inagoromì inom omakìma welagaikarek mene nen enek he, agauk hogo yogoisagarek lek o,” ìlùk yogoisasike.

MATÌÙT 11:6

Yogorìk he, sa nen etaùken pìre arìk herakhanhì'lek logogin halok he, a'la hai hakìkì logogin o, ìlùk yogosi lano,” ìlùk laksasike.

YOHANET 15:11

Nen, an na'la hai hakìgìrek atì hak, hit hina'la hai hakìkì logolìk, hobuk hina'la hai hùkorogo hakìkì logouageip en ìlùk, wene atì obogat yogohisìgì o.

PILIPI 1:10

Hit atì'nogo hùthìlìk hagatì logogun halok, hina'la nen he, “Yì hano. Hagasusak mene,” ìgìk, “Atì weak. Hagasusak lek mene,” ìgìk, hùthìkì logogun atì. Atì'nogo hagasugun halok, Karìsùt wesigin atì like, ùkùm hinoba lek hogoat, hano tegelek were'ma wesigin atì.