YOHANET 15:6 - Ala Ane Wene Ket Mene Warogo Wo'ninapike Wene

⁶ Nen, hele ekisok palogo laksagarek mene pùk aganem he, apùnì nen nomologo hìlìk etumo po laksikenem etu nikerek atì hak, at sa nen an neperak hutik lek, kopolek halok he, atì'nogoat palogo lakhoumo ebe etu negein o.

YOHANET 15:6 ပူးပေါင်းရင်းမြစ်များ

MATÌÙT 13:41

An abat ta'lasi wagagi a'nogo nen nagoromì malaikat yoko laksa waganem, it en he, Ala awe a'ma hisikere'ma atoma nen, yì mene tì mene apùnì nen weak hagasuagalùk hagarìnaparek mene mel, yì apùnì tì apùnì weak hagatarek mene mel, atogorogo hisìlìk,

MATÌÙT 27:5

at Yùrat en uang perak mene 30 nen wogosukwa a'nogo Ala awì wùrì'mo po kelaksalùk he, alokop hele okawerek en sugusa negen kelogo ebe pìkì wara lagaike.

MATÌÙT 3:10

E ero lapok eken hano mene itì'lek halok, mùkogo etumo laksagalùk posie e omaken oba hangsek motok werek o,” ìlùk yogoisasike.

MATÌÙT 7:19

Yì e tì e eken hano ìterek lek mene atì re, ero mùkogo re, etumo motok laksagarek o.

YOHANET 15:2

Hele ekisok ebe lopok, an noba hutik logolìk eken ìtì'lek halok, tek hogo laksegein o. Meneat he, ekisok ebe lopok eken ite halok he, aike inom hogo ìtì logouagalùk obùseka palogo wusa yogoligin o.

IBERANI 10:27

Ala a'mage lagalìk o elùgùn oba ùkùm inoba hìgìk, kotìk, igin atì ba, at aselei mene hùgì inebe etu aik oba inoatì logolìk, nit at ane heraksìlìk weak hagatì logogun halok, ninomat ninoasinogo ìlùk, nit en hùthìlìk ninayùk hogoat logouok o.

2 PETERÙT 2:20

Apùnì re, kweangma weak hagatarek mene yoma heraksalùk, ninoe Etagepogot Yesùt Karìsùt telninapike mene ebe inelu arìgat he, hobuk inapotkwe weak hagatarek mene atì oba kikenem he, kìmalìn awì ba elugeke kikenem ìkìlogo hakhikerek atì hak, haksamo re, mabenat asugun atì. Maben arìk, emakum weak welagaukwa atì re, hamùlùgat hano negen. Mene re, hobuk weak asugun atì re, motok hùko negen weak arìk logogun o.

1 YOHANET 2:19

It apùnì atì inebe re, nit mene palek meneat he, it inebe eberogoat nit werekwe mene lek o. It inebe eberogoat nit werekwe mene logoilepma re, inebe nit ninom motogat logoilo o. Mene re, Ala a'la nen, “It atì, inebe obogat hit mene lek, hunigat mene werek, ìlùk, enagat asuak,” ìlùk akasike ba it atì'nogo wùlùpukwa atì.

ABÌKAKAN 21:8

Atì'nogo meneat he, it apùnì aike inayùk hoporek mene mel, Ala ane wanharesik en heraksagarek mene mel, Ala a'meilo mene hagatarek mene mel, apùnì inoare mene mel, pailak haksìgìk haksoagalùk hagatìk, egarek mene mel, wesagùn akolek inoatarek mene mel, tùgì hareken oba hìpìrìk logolìk, hogoratarek meme mel, inapeliak egarek mene obogat mel, i laut etu mene yekelek were'ma, hetalì al hake obasi weak mene etage belerang inom-inom amulok nike motok welagare'ma atoma laksegein o. Laksegein atì re, inebe alep elama hesik wa'larìk oba nen hobuk wa'lasugun atìat o,” ìlùk yogonete.