YOHANET 15:5 - Ala Ane Wene Ket Mene Warogo Wo'ninapike Wene

⁵ Hele ebe anat o. Nen, nekisok hirat o. Hit an ninom hutik lek, we, kopolek logolìk, yì mene tì mene aike hagasusak motok mea atì nen he, at sa nen an neperak hutik, nen, an at neperak hutik, logogun halok he, at atì eken apik isu hak, hano mene hùkorogo hagasigin o.

YOHANET 15:5 ပူးပေါင်းရင်းမြစ်များ

MATÌÙT 13:21

wene atì inetaùkenma omaken yatì'lek en he, hamùlùgat were'ma nen, apùnì aike nen Ala ane atì hesik yì aik tì aik inoba hìgìk, weagarìnapik, ikenem he, ina'la hageat pak agaresik, wene atì heraksalùk wùlùparek atìat o.

YOHANET 12:24

Nen, apùnì nen, gandum eken awì kweangma yatì'le'ma, apùnì wa'lagaikarek atì hak, ogat alep mene hili arìk ket mene hulelhì'lek halok he, eken omakeat awì yasugun mene atìat logogin o. Meneat he, eken atì kweangma yarì'mo, apùnì wa'lagaikarek hak, ogat alep mene atì hili arìk enek he, hobuk ket mene hulelìk eken apik ìterek o,” ìlùk yogoisasike.

YOHANET 15:16

Hit en an wena'napigip hùk. We, an nen hit wenakhinapigi atì, e eken ìterek atì hak, motok logogin mene hagasi loageip en ìlùk, hinebe wenakhinabìk menhikasigi. Atì nen he, we, nena mene, hit walok mene an netage palogo nopase kìno yogosugun halok he, at en wokhisegeinat o.

YOHANET 5:19

Weim abok atì'nogo isukwama, at Yesùt en he, ap amanogo wene yì'nogo yogoisasike: “Yì mene tì mene an nopase nen hagatenem neileken hìgì'lek, we, an na'la nen kagalogo hagasusak mea atì nen he, an nopase hagaterek meneat higit hogo hagatì lagì o, ìlùk eberogoat yogohisìgì.

YOHANET 9:33

Ap atì Ala nen lakhei wagì'lek logoilepma re, at en yì hagatìk, tì hagatìk, hagaterek atì'nogo hagatì logoilep lek o,” ìlùk yogoisìkì lagaikomo,

LAKSASIKE 4:12

At Ala nen, nit apùnì kweangma yoma mene at aike nen telninabuagalùk etage yakùlnisìgì'lek atì nen he, welek mene nen telninabusak mea o. We, at Yesùt en telninabuagalùk, at aligat etage yakùlnisasike atì,” ìlùk yogoisasike.

ÙRÙM 12:5

Atì hak he, ninebe apigat welago meneat he, Karìsùt ninom omakeat hùnogo hinasikomo welago yì. Ninebe omakeat mene re, nineki ninesok ninebe hutik welagarek atì hak, ninerùgì ninagaiya'lak ninom atì'nogo welago.

ÙRÙM 6:22

Mene re, hit weak hagato kolek, weak mene nen hakhisek were'ma, Ala nen hele hikalogo wulakhikasikomo re, yogota'ne at awe a'ma kìlìk welagep atì. Logolìk he, hinebe at hesik hisìlìk welagep atì sabùregep o. Atì'nogo logopik, elùgùn oba hineluk motok logogunat o.

ÙRÙM 7:4

Atì hak he, nerùgì nagaiya'lak. Hit alep he, hìmì inagonì inom hele homage hake welagaikarek ogo atì hak, wene Ala nen ninasuk wasike wene a'nogo ba homago were'ma, at Karìsùt ebe wasukwama wa'lagaike atì, hinomat wa'laga logolìk, hele hake homago welagagip mene atì arat hikalagaike atì. Atì nen he, hìmì inagonì wa'laganem aike elok woginabusak atì hak, hit Ala hesik hano hagatì logouagalùk, at Yesùt wa'lagaikesi'mo Ala nen eluguthesike mene a'nogo nen wokhinapikomo welagep o.

1 KORÌTÙT 10:16

Amusu nìkì logolìk he, Ala hai warogo nìkì lago atì, Karìsùt amep wulagasogo wasukwa atì ninom hutik welago ìlùk nìkì lago lek nogo? Nen, sùpùrùk kurogo nìkì lago atì, Karìsùt ebe ninom hutik logolìk ninebe omakeat welago, ìlùk, kùrogo nìkì lago lek nogo?

1 KORÌTÙT 12:12

Nit apùnì ninebe omakeat meneat he, nineki, ninesok, aike ninoba apigat werek. Nineki ninesok ninoba yì mene tì mene apigat werek meneat he, lapuk hogo ninebe omakeat atì hake re, at Karìsùt ebe atì'nogoat o.

1 KORÌTÙT 12:27

Hit hinebe lapuk hogo Karìsùt ebe hakeat logolìk he, hinebe lopok, at eki esok negen oba hutik welagep o.

2 KORÌTÙT 13:8

Atì re, nit en ebe wene sagalusak he, mea. We, legesusak enek welago.

2 KORÌTÙT 9:10

At Ala nen it awì yatarek mane awì wogisìgìk, sùpùrùk ebe noagalùk wogisìgìk, ikerek atì. Atì'nogoat, at enat, awì yasuagalùk palisagarek hak, hinoabùt it aike leberisìkì logousak atì mene wokhisìgìk, nen awì yatenem eken hukorogo isu hak, it aike hinetawì nen leberisikenem hùkothigìk, igin o.

KALATIA 5:22

Nen, e eken ìterek hak, Ala Areagùn apùnì ina'la logolìk inoabùt hagatarek he, ebe yì. Apùnì aike inebe inetaùken butik welagìk, ina'la hai hakìgìk, apùnì aike inom lìoksek welagìk, inepe morogo welagìk, inoabùt enago welagìk, inoabùt hano welagìk, inoabùt lopok hogo welagìk,

EPESÙT 5:9

E ero hano mene nen eken hano meneat ìterek hak, apùnì o lìa ba logolìk yì mene tì mene hanorogo higit hogo inetaùken oba nen eberogoat hagatarek atì.

PILIPI 1:11

Yì mene tì mene awì yatenem ero hùko arìk eken ìterek hak, at Yesùt Karisùt en hagathinapì logogin oba, hinoabùt higit hogo hagato motok aike inomat hagatì logogun halok, at ebe waganem he, apùnì aike nen Ala hai watìk, hogoratìk, ugun o.

PILIPI 4:13

At Karìsùt en nomame'napo kolek nogo nen he, yì mene tì mene weak aganem inom, hano aganem inom, elok logousak enek.

PILIPI 4:17

Mene re, atì'nogo lebe'nììkì lagep meneat he, la'nesi waganem wanhì logousak atì hesik esinethìkì lagì hùk. We, hit oko sabùra hak he, Ala nen ebe mene wokhisikenem hit ese asuageip ìlùk esinethìkì lagì o.

KOLOSE 1:10

Atì'nogo hinelu arìk he, ninoe Etagepogot a'la hanorogo, at walok akikerek mene higit hogo hagatì logousagat. Yì mene tì mene awì yatenem ero hùko arik eken ìterek hak, hit Ala oabùt hinelu aga logolìk, yì mene tì mene hano mene hagatì logousak atì.

YAKOBÙT 1:17

Ninopase Ala pogot oba mene a'nogo nenat yì mene tì mene lorek mene wo'nisìgìk, hano motok mene wo'nisìgìk, pela'nisa wagarek atì. At enat pogot obakwe lìa welagarek mene atì elalhikesik he, at ebe hùnogoat haga'lagìk, abel etenogo mùm agìk, lìa agìk, ikerek lek.

1 PETERÙT 2:4

At ebe helep hake eluk welagarek mene ìlùk he, oba we'no. Apùnì nen he, “Helep atì weak,” ìlùk hebisasukwa meneat he, Ala nen he, “Helep yì motok hano meneat,” ìlùk wenago hesike.

2 PETERÙT 3:18

Ninoe Etagepogot telninaperek mene oabùt hano a'nogo nen wo'nisikerek mene atì wanhìk, ebe hinelu agìk, ìkì logolìk he, hinetaùken wurik arìk logoino. Yogotak ya mel, hobuk mel, at Yesùt Karìsùt aligat hogorato motok logouok o, ìlùk, “Amin,” ìgì atì.