YOHANET 15:4 - Ala Ane Wene Ket Mene Warogo Wo'ninapike Wene

⁴ Atì'nogo hinobùseka hake palek welagep atì re, hit an ninom hutik, nen, an hit ninom hutik, logouok o. Hele ekisok atì re, ebe ba hutik lek halok, eken isusak motok mea o. We, ebe ba hutik halok, eken ìterek atì hak, hit an ninom hutik logogun lek halok he, hano mene hagasusak mea o. We, an nebe ba hutik halogat, hano hagasusak o.

YOHANET 15:4 ပူးပေါင်းရင်းမြစ်များ

MATÌÙT 12:33

Atì'nogo yogoisasikesik aike mel yogoisasike. “E eken hano mene ero hano mene nenat ìterek. Nen, e eken weak mene atì, ero weak mene nenat ìterek. Atì'nogo ìterek atì ba, e eken yì hano mene eken ìgìk, yì weak mene eken ìgìk, enagat hùthegesep o.

LUKAT 8:15

Nen, kweang hanoma pisike atì ebe re, it apùnì aike hano wene atì inasuk holharesik he, inetaùkenma motok tùkùm hogo helagaresik hebìgì'lek hesogo logolìk, eken apik ìterek atìat o,” ìlùk yogoisasike.

YOHANET 14:20

Atì'nogo hinoileken neogoin atì sat, an nopase neperak hutik welago, nen, hit an ninom hutik, nen, an hit ninom hutik welago mene atì, hinelu asigin o.

YOHANET 17:23

It eberogoat inebe omakeat logouak en he, it en an ninom hutik, nen hat en an neperak hutik logouok o. Atì'nogo logogun halok, it apùnì kweangma mene nen ìkì logolìk he, At he, opase nen lakhei wagaikesik ebe etaùken hutik welagarek atì hak, it inebe at wogosike mene hùgì etaùken hutik welagarek o, ìlùk inelu arìk hùthogoin.

YOHANET 6:56

Sa nen an nebe nìkìk, namep nìkìk, ìlì'logo halok he, at en an neperak hutigat, nen, an nen, at neperak hutigat, logogun o.

YOHANET 8:31

Inetaùken atì'nogo hìpìrethesukwama, at Yesùt en he, it ap Yahuri mene inetaùken at oba hìpìrethesukwa mene mel yogoisasike: “Hit en, an nane hologo hagato logogun halok he, hinebe an nagoromì ebe mene nawe a'ma logolìk he,

LAKSASIKE 11:23

At Parenapat atì, oabùt hano logolìk, etaùken Yesùt oba hìpìrìk motok were'ma re, Ala Areagùn a'la peserek welagaike atì nen, lakhei wagaukwama, wagaikesik eileken isìlìk, a'la nen he, “Ala oabùt hano nen hano hagarinapomo werek hìgì,” ìlùk a'la hai hakasike. A'la hai hakìlìk he, “Hit obogat hinetaùken ninoe Etagepogot oba hìpìrethìlìk, at hinom hutigat motok logoino o,” ìlùk inasuk wasike. Inasuk watì lagaikomo, apùnì logolegat, ninoe Etagepogot werekwe lapuk ìlìk inebe seik-peik ìkì lagaukwa.

LAKSASIKE 14:22

Alep ki laga logolìk, apùnì Yesùt ane yakùlisìlìk ki lagaukwama wanhukwa mene hobuk inoba ha'larìk wùlìbi waga logolìk, inetaùken ago warisìgìk, inasuk watìk, ìlìk wùlìbi waga logolìk, mel yogoisasukwa: “Wene eberogoat ìlùk hinetaùken Yesùt oba hìpìrethesigip mene atì, ning hogoat hìpìrìk logoino. Nit hobuk Ala awe a'ma motok logouogolùk he, ninoba yì aik tì aik hìkì logopik enat kugun o,” ìlùk yogoisìlìk wùlìbi wagaukwa.

2 KORÌTÙT 13:5

Hit en he, “Nit ninetaùken Karìsùt oba hìpìrethesugu a'nogo hìpìrìgat welago a? Lek a,” ìlùk hinokawerek en hinoabùt tùkùm hogo palano. Atì'nogo palìkì logolìk, mea haga'lagì'lek halok, “Yesùt Karìsùt nina'la werek,” ìlùk enagat hogoin o.

KALATIA 2:20

Nen, yogotak nebe neluk welagì yì re, nokawerek nomame ba welagì hùk. We, at Karìsùt at na'la logolìk eluk welagarek o. At ebe Ala apurat logolìk, nebe etawì nen an hesigat, “Noasuak,” ìlùk akasike ba ebe wasukwa atì. Nen, an netaùken at oba hìpìrìk were'ma re, at ebe na'la were'ma, neluk welagìrek atì.

EPESÙT 3:17

Hinetaùken at Karìsùt oba hìpìrethoumo, at ebe hina'la awì wùrogo were'ma re, yì mene tì mene awì yatenem omaken yatìk, o tik ning hogo watìk, egarek hak, hinoabùt he, apùnì aike inebe inetawìrogo welagaikarek atì mene ba hinomaken yakhìlìk ning hago logouageip ìlùk, Ala ayoko hìkì lagiat o.

PILIPI 1:11

Yì mene tì mene awì yatenem ero hùko arìk eken ìterek hak, at Yesùt Karisùt en hagathinapì logogin oba, hinoabùt higit hogo hagato motok aike inomat hagatì logogun halok, at ebe waganem he, apùnì aike nen Ala hai watìk, hogoratìk, ugun o.

KOLOSE 1:23

Halok he, hano wene hinasuk holhigisip he, hina'la nen, “Hobuk hano asigin,” ìlùk, akasigip mene atì, hinetaùken abolok ìlìk kopologo hebìgì'lek ning hogoat hesogo logoino. Hano wene atì, at en o yì awi tì awi apùnì inebe obogat yogoisasike wene atì yogoisìlìk nìkì logouagalùk, an Paùlùt nayoko hesike atì.

KOLOSE 1:27

At Ala a'la nen he, it apùnì etakwe mene obogat hano motok hagarinabigin wene atì esin hogorasusak meneat akasikesik en a'la hinago welagaike mene, at againapùrì halok sele'ma hukalogo yogoisagalùk isike. Wene atì ebe re, Karìsùt hit hina'la werek halok, hobuk hanothinapenem hogothinabugun atìat o.

KOLOSE 2:6

Hit en he, “Karìsùt Yesùt ninoe Etagepogorat o,” ìlùk ebe helasigip atì nen, hinom hutik motok logoino o. Atì'nogo logolìk, hinoabùt he, wene yakùlhisasukwa higit hogoat,

1 TESALONIKA 3:5

Atì nenat, at Ibilit nina'la kagalherek mene a'nogo nen hina'la kagak wesumo, nit en hit hesik set kalogo hagatì logagu a'nogo tùlemat alema'lasusak atì nabìt e, ìlùk nalabut hìrogo logolìk, netaùken sebelusak mea agama re, “Inetaùken Karìsùt oba hìpìrìgat werek a? Lek a,” ìlùk at Timotìùt en hinoabùt palìk he, yogonesi wesuagalùk, hinoba lakhei wagì atì.

IBERANI 10:39

Atì'nogo meneat he, nit he, it apùnì aike alema'lasuogolùk inapotkwe wùlùbugun mene atì hake welago hùk. Lek o. Nit he, ninebe telninabuagalùk ninetaùken at oba hìpìrìk welago mene welago o.

1 YOHANET 2:6

Nen, sa nen, “An Ala neperak hutik welagì,” ìlùk ikerek halok he, oabùt at Karìsùt hagatì lagaike atì hagat hagatì logousak o.

2 YOHANET 1:9

Sa nen wene Karìsùt en yakùlnisasike wene atì ba louksek hagato welagì'lek, hunigat mene hagaterek halok he, Ala ebe esewerek agì'lek werek o. Atì'nogo meneat he, sa nen wene Karisùt en yakùlnisasike wene atì ba louksek hagato logogin halok he, ninopase Ala mel, aput Yesùt mel, eperak esewerek agasik werek o.