YOHANET 15:27 - Ala Ane Wene Ket Mene Warogo Wo'ninapike Wene

²⁷ At en an nabok atì'nogo iko kolek, hit hogo re, an hit ninom alebat en welagorek atì nen he, hit en an nabok pak hogo yogoisìkì logogunat o,” ìlùk yogoisasike.

YOHANET 15:27 ပူးပေါင်းရင်းမြစ်များ

1 YOHANET 4:14

Nit en he, “Ala nen aput nineileken hìkì lagagu mene atì nen, nit apùnì kweangma mene telninabuagalùk lakhei wagaikomo,” ìlùk abok pak hogo yogohisìkì lago.

YOHANET 21:24

Wene Yesùt agot aike hesik isike atì, nebe anat o. An neileken hasigi mene nenat pak hogo yogohisa hak, helal palogo hìgì yì. Wene atì an neileken hasigi mene nenat pak hogo yogohisìgì eberogoat, ìlùk, nit obogat ninelu.

LUKAT 24:48

Wene helal waganek werek atì hak, ebe haga'laga mene hit hineileken hegep mene nenat, it apùnì yogoisìlìk laga logoino.

LAKSASIKE 23:11

Atì'nogo yogoisasikomo wolok kisukwama re, o atì sat hùako, ninoe Etagepogot Paùlùt era'lu melasi kìlìk he, mel yogosike: “Hat en he, wene an hesik o Yerusalem yoma pak hago yogoisegen atì hak, hobuk o Ùrùm atoma atì'nogoat pak hogo yogoisa legeinat atì nen he, hetaùken hapuk hogo logomo o,” ìlùk yogosike.

1 PETERÙT 5:12

An nen wene horoat atì hinasuk warogo hinoba lakhei wesigìlùk he, helal wanuagalùk an nagot Ala aput Silat oabùt hùpùnsek hìgìrìk he, ayoko hìgìma wanhomo hinoba lakhei wagì atì. Ala oabùt hano nen haga'ninabì'logo mene ebe yìat ìlùk, an nelu logolìk eberogoat yogohisìgì o. Halok, hinetaùken atì baat hìpìrìk logolìk, ning hogo metek logoino, ìlùk wene helal waganogo hinoba lakhei wagì atì.

1 PETERÙT 5:1

Hit Ala againapùrì serisek welagasep atì hak, an atì'nogoat serisek welagìrek mene nen hinasuk aike wasik. At Karìsùt oba yì aik tì aik hìlìk hìlìk wa'lagaike atì, an neileken hasigi. Nen, hobuk Ala nen ebe weinam hogo lakhei wesigin atì waganem, apùnì nen hogorasugun atì, an ninom hogo'ninabugunat o. An nane lìok hogo hinasuk wasik.

LAKSASIKE 1:8

Atì'nogo meneat he, Ala Areagùn hinoba pi waga halok, hinomame asigin. Hinomame arìk he, o kota Yerusalem en, propinsi Yurea nen, Samaria nen, hùlì o yì awì tì awì esako esako a'lomaat laga logolìk, an yì mene tì mene hagarìk nikenem hineileken neegep mene a'nogo, an hesik yogoisìlìk laga logoino o,” ìlùk yogoisasike.

ABÌKAKAN 1:9

An hinerei hinagaiyak Yohanet ninom ninebe Yesùt againapùrì omakeat mene, yì aik tì aik haga'ninapo kolek, nina'la nen he, “Hobuk at Ala nen awe a'ma hinegein,” ìlùk ninepe morogo welagarek atì. Were'ma, Ala ane Yesùt en pak hogo yogoniaasike wene a'nogo an nen yogoisìlìk nìgìrek an nen, neki hele warogo i okenma o etage Patomot kelakhani wagaikama welagì o.

ABÌKAKAN 1:2

Ati'nogo yogonetomo, Ala ane atì Yesùt Karìsùt en abok yogonetenem wene obogat an neileken hìgì mene atì abok pak hogo helal waganogo hìgì atì o.

LAKSASIKE 18:5

Ina'la kagalhenem he, it Silat Timotìùt eperak o Maketonia nen wagaukwama re, at Paùlùt hùnogo mene aike hagatì'lek, we, wene atìat yogoisiko motok welagaike. It apùnì Yahuri mene mel yogoisasike; “Ala nen he, Karìsùt lakhei wesigin ìlùk wene wa'nisasike a'nogo re, ebe Yesùt wagaike atìat o. An nelu,” ìlùk pak hogo yogoisìkì lagaike.

LAKSASIKE 13:31

Eluguthesikomo re, it Yesùt inom a Kalilea tokwe nen o Yerusalem pisukwa mene amanogo ineileken hoagalùk inelokoma eki apik oba melaga lagaike. Atì'nogo inelokoma melaga lagaikomo, ineileken hasukwasik, it en he, Ebe eberogoat nineileken tì'nogo hogo, ìlùk yogotak apùnì Isirael mane yogoisìlì'lùgì atì.

LAKSASIKE 4:33

Atì'nogo ìkì logolìk he, it ap Yesùt en inebe weteberogo inayoko hìlìk laksasike mene amanogo nen, “Ninoe Etagepogot Yesùt eluk agama nineileken arat hogo o,” ìlùk inane motok omamerogo yogoisìkì lagaukwa. Yogoisiko kolek he, Ala oabùt hano a'nogo nen hùkorogo leberisìkì lagaike

YOHANET 19:35

Atì'nogo haga'lagaike mene atì, hit hùthoageip ìlùk, ap aike eileken welagaike mene nen wene atì abok pak hogo ìlì'logo. Nen, at en hogo re, “Eberogoat neileken tùkùm hogoat hìgìrìk abok pak hogo yogoisìgì,” ìlùk, at eluat o.

LAKSASIKE 3:15

Ninelugu'ninaperek mene ero ebe at meneat he, hit en watepma Ala nen he, ebe eluguthikomo, nit nineileken eberogoat hogosik en yogohisìkì lago o.

MAREKÙT 1:1

Hano wene, Yesùt Karìsùt, Ala aput en hagatì lagaike wene yogohisak.