YOHANET 15:21 - Ala Ane Wene Ket Mene Warogo Wo'ninapike Wene

²¹ Atì'nogo meneat he, it en, at an lakhani wagaike mene a'nogo ebe inokot atì nen he, It yì at agoromì, ìlùk, wene yogohisìgì atì obogat hagathinabugun o.

YOHANET 15:21 ပူးပေါင်းရင်းမြစ်များ

MATÌÙT 10:18

Atì'nogo hagathinabugun atì, ero an nebe hesigat, ap inetagepogot mene mel, kaintek mene mel, inoba wokhisek laganem, hit en it ap atì ineilhanem an hagatenem hineileken niìkì lagep mene a'nogo pak hogo it yogoisìgìk, apùnì etakwe mene yogoisìgìk, yogoisoagalùk hanoasuak hinanema wanugun a'naga o.

MATÌÙT 10:22

Nen, apùnì obogat en an netage ìlìk, Hit he, at agoromì, ìlùk inabìt motok hikogoin o. Meneat he, sa nen epe morogo logogin halok he, o wùrep oba Ala nen teligin o.

MATÌÙT 10:39

Sa nen okawerek ebe elele helegein halok he, ebe wa'larìk nong asigin o. Meneat he, sa nen an hesik wa'lasigin halok he, ebe elele helegein o,” ìlùk yogoisasike.

MATÌÙT 24:9

“Atì sat he, apùnì inùkùl etage lopok en, an netage ìlìk, Hit he, at agoromì, ìlùk hinebe inabìt motok hagathinabìk he, hinebe hakhìkìlik, it aike nen tùgì hinoatìk, hinebe motok hinoatìk, uagalùk inoba wokhisek laga logogun o.

MATÌÙT 5:11

Hit oan werek kolek, hageat it ap Ala ane yogoisìkì lagaukwa mene weagarinapì lagaukwa hagat, hit an nebe hesik, it apùnì aike nen wenakhisìgìk, weagathinapìk, inapeliak enat hinabok ìkì logolìk, yì weak tì weak hinoba hìgìk, iko halok he, hina'la hai hakìkì logousak o. Hobuk ninopase pogot oba mene nen hùko mene wo'nisegein ìlùk, hina'la hano agìk, hai hakìgìk, hùkorogo ìkì logoino,” ìlùk yogoisasike.

MAREKÙT 13:13

Nen, apùnì obogat en an netage ìlìk. Hit he, at agoromì, ìlùk hinebe inabìt motok hikogoin o. Meneat he, sa nen epe morogo logogin halok he, o wùrep oba Ala nen teligin o,” ìlùk yogoisasike.

LUKAT 21:12

“Mene re, atì obogat oan haga'lagì'lek werek kolek he, emakum agìk he, apùnì nen hinebe hakhikìlik, yì aik tì aik hagathinapìk, o sapan egare'ma wokhisek lagìk, hele warogo hisagare'ma kelakhikìgik, ap inetagepogot mel, ap kain gubernur lak mel inoba wokhisek lagìk, ugun atì re, it en he, an netage ìkì logolìk, Hit at agoromì, ìlùk atì'nogo hagathinabugun o.

LUKAT 21:17

Nen, it apùnì obogat en he, an netage ìlìk, Hit he, at agoromì, ìlùk hinebe inabìt motok hikogoin.

LUKAT 6:22

Nen, it ap yoma inapulak en, it ap alep Ala ane yogoisìkì lagaukwa mene hagarinapì lagaukwa hagat, hit yogotak an abat ta'lasi wagagi a'nogo nane wanhep atì nen ina'mapsìrì wathikìkì logolìk, hit enek kogologo hikìgìk, inane pùk weak wenakhisìgìk. Ap yì weak, ìlùk hinetage ìkì logolìk hinabok weak palhìk, atì'nogo hagathinapo halok, oko wokhisegein mene pogot oba apik werek atì nen he, hina'la hai hakìkì logolìk huleken etawì watì logoino.

YOHANET 15:24

It apùnì he'nakìt en hagatarek motok lek mene, yì wene tì wene ineilhanem hagatì lagagi a'nogo hagatì logoile le'ma re, It weak, ìlùk ile lek o. Atì'nogo meneat he, an nen wene atì obogat hagatenem ineileken neasukwasik en, an nopase neperak inapsìrì motok haga'ninabì'lùgì o.

YOHANET 16:3

It en atì'nogo hagathinabugun atì re, an nopase neperak ninebe inokot atì nenat hagathinabugun o.

YOHANET 17:25

Ala higit hogo nek hagatetek mene, nopase. It apùnì kweangma mene hat hebe inokot meneat he, an enek he, hat nelu o. Nen, it hat en wo'nesigin mene hùgì nek he, At en lakhei wagaike ìlùk, ineluat o.

YOHANET 8:19

it en he, “Hat hopase atì koma werek,” ìlùk yogosukwama, at Yesùt en he, “An noba yì mel, nopase mel, hinokorat o. An nebe hinolu logoilepma re, nopase atì hineluat logoilep o,” ìlùk yogoisasike.

YOHANET 8:54

at en he, mel yogoisasike: “An nokawerek en hogorakìkì logoilema re, we tùlemat hogorakìkì logoile o. An nopase ebe nelu mene atì, hit en, at ebe hùthìgì'lek logolìk, Nit ninopase Ala, ìlùk egesep a'nogo, at ebe nenat, hogo'nabì'logo. An nen, At ebe nokot, ìlùk ilema re, hit hinapeliak egesep hagat ile o. Mene re, at ebe nelu nogo nen he, at ane hologo hagatì lagì o.

LAKSASIKE 17:23

An o hit hinawì sili yoma nìkì logolìk, o wesa hagatì lagep obakwe neileken hìlìk nìkì logolìk, hareken aike awì wùrì'mo ako warogo hisegesep oba atoma helal mel ìlùk oba waganek were'ma neileken hìgì: Yì Walhobak ninokot mene hesik o, ìlùk helal waganek were'ma hìgì. Hit hinokot logolìk hogoratì lagep atì, ebe re, an nen sekek hogo yakùlhisak.

LAKSASIKE 26:9

“An alep he, Yesùt aua Nasaret mene etage atì lek asuagalùk yì mene hagatìk, tì mene hagatìk, hagatì logoginat o, ìlùk na'la akasigi.

LAKSASIKE 3:17

Mene re, nerùgì nagaiya'lak. Hit hinogogì kaintek hinom Yesùt hesik hagatep atì, hinokot logolìk hagatep atì, an nelu o.

LAKSASIKE 4:17

Atì'nogo meneat he, wene atì wìak hogo apùnì obogat inasuk holìk lanogo ìlùk he, Yesùt etage palogo wene hobuk motok yogoisagup o, ìlùk inasuk warogo wene paluok,” ìlùk isukwa.

LAKSASIKE 5:41

Wulaksasukwama, it ap wene ero pìlìngìtì lagaukwa mene amanogo heraksalùk wùlùpukwasik, it-it ìkì logolìk he, “Ala nen he, Hit Yesùt etage hesik apùnì nen, Hit weak, ìlùk wenakhisamo elok, ìlùk a'la akike higit hogoat wena'nisaga atì hano,” ìlùk ina'la hai hakìlìk wùlùpukwa.

LAKSASIKE 9:14

yogotak he, o yoma wìrìk, apùnì hat hetage palogo hayoko hìlì'lùgì mene hùgì obogat, ineki hele wasuagalùk he, it ap Ala esewerek inogogì kaintek amanogo nen yogotama wagasik werek atì,” ìlùk yogosike.

LAKSASIKE 9:16

Atì'nogo ayoko hìgìrì'mo re, at en netage atì'nogo yogoisìlìk nikenem, at yì aik tì aik hìkì logousak obaat hìkì logogin mene, an nen yogosigin werek o,” ìlùk yogosike.

ÙRÙM 1:28

It en he: “Ala ebe ninelu logousak he, ninabìt o,” ìlùk at ebe it ina'la meathesukwama re, at an he: “It ina'la akìlì'lùgì atì kolo o. Nabìt. It en he, weak meneat he, hano, ìlùk akagarek atì, atì'nogo inoba lopok akìkì logolìk hagasusak lek mene hagarìkì logonìk,” ìlùk inebe heraksikerek.

1 KORÌTÙT 15:34

Weak hagatì lagep mene atì heraksìlìk he, yogotak hinepe hebela'ni o. Hit aike Ala ebe hinokot welagep atì nen, hinekalì wasigìlùk yogohisìgì atì.

1 KORÌTÙT 2:8

Apùnì kweangma mene inogogì kaintek o yogotak werek yoma, wene atì inelu agì'lek inokorat werek. Inelu logoilepma re, ninoe Etagepogot hogoratorek a'nogo, ebe e ba menhìlìk wa'lep legat o.

1 YOHANET 3:1

At Ala nen he, “It yì an nagainapùrì,” ìlùk ta'ninapikomo eberogoat nit ninebe at againapùrì welago. Atì'nogo welagorek atì nen, ninebe at etawì motok welagarek atì hani! Atì'nogo meneat he, it apùnì kweangma mene inoabùt inesok mene amanogo nen Ala ebe inokot atì nen he, nit ninebe inokorat o.

ABÌKAKAN 2:3

Nen, apùnì nen an hesik yì aik tì aik hagathinapo kolegat, hit en he, At ninabìt, ìlùk, herakhanhì'lek hinepe morogo welagasebat.