YOHANET 15:2 - Ala Ane Wene Ket Mene Warogo Wo'ninapike Wene

² Hele ekisok ebe lopok, an noba hutik logolìk eken ìtì'lek halok, tek hogo laksegein o. Meneat he, ekisok ebe lopok eken ite halok he, aike inom hogo ìtì logouagalùk obùseka palogo wusa yogoligin o.

YOHANET 15:2 ပူးပေါင်းရင်းမြစ်များ

MATÌÙT 13:12

Sa nen agarok werek mene atì, Ala nen hobuk oba louk hogo wogosumo re, at ekimo apik asigin o. Nen, sa nen agarok lek halok he, hamùlùgat enek logogin mene atì, Ala nen apotkwe telogo helamo re, elageik asigin o.

MATÌÙT 13:33

Atì'nogo yogoisasikesik he, wene aike oba lìrogo mel yogoisasike: “Ala nen awe a'ma hisikerek atì ebe re, eken sùpùrùk horotì mene a'la hikenem hìterek atì hakeat o. He aike nen gandum sagalek tepung wul hake mene 40 liter yalelogo wìlìk, eken horotì hisuagalùk a'la pelakhìlìk ìpìkwe-apìkwe hagasikomo re, ebe obogat motok hisike atì hakeat o,” ìlùk yogoisasike.

MATÌÙT 15:13

Atì'nogo yogosukwama at Yesùt en he, “Yì mene tì mene an nopase pogot oba mene nen awì yatì'lek mene halok he, motok henogo laksegeinat o.

MATÌÙT 21:19

Sùpùrùk nele agaikomo re, e ara ero aike kwe pìtma were'ma eileken lakhalùk eroma lagaikesik eileken penasike mene re, eken aike ìtì'lek, we, eka muli nek werek en he, mel yogosike: “Hat e yì, hùlì yogotak en pìkìt hobuk heken motok ìtì'lek logoino,” ìlùk homan hiko kolek aremnogoat he, e ara a'nogo motok pùk agaike.

MATÌÙT 3:10

E ero lapok eken hano mene itì'lek halok, mùkogo etumo laksagalùk posie e omaken oba hangsek motok werek o,” ìlùk yogoisasike.

MATÌÙT 3:12

Gandum eken holusak hesik wabùn oba hurogo lakhegein mene, at esewerek mene ekimo werek atì. Tegelusak oba higit asi waga halok, hano mene halok, tegelogo hikerek oba hanoma hìgìk, apùpùleke halok etu nogolusak le'ma a'nogo ba laksìgìk, ìgìn o,” ìlùk yogoisasike.

MATÌÙT 7:19

Yì e tì e eken hano ìterek lek mene atì re, ero mùkogo re, etumo motok laksagarek o.

MAREKÙT 4:20

Nen, awì heik aike kweang hanoma lakhesike atì ebe re, it apùnì aike Ala ane atì inasuk holìk wanharesik he, wene atì ina'la eken ìterek o. Ero aike nen eken 30 ìtìk, ero aike nen eken 60 ìtìk, ero aike nen eken 100 ìtìk, ìterek atìat o,” ìlùk yogoisasike.

LUKAT 8:13

Nen, helep oba pisike mene atì ebe re, it apùnì aike Ala ane atì inasuk holharesik he, ina'la hai hakìkì logolìk wanharesigat he, inetaùkenma omaken yatì'lek en eberogoat ìlùk hamùlùgat enek akìlìk were'ma, weak hagasuagalùk ina'la kagali waganem he, arat kobok hogo heraksalùk wùlùparek atìat o.

YOHANET 15:1

At Yesùt en wene atì'nogo yogoisasikesik, hobuk aike mel yogoisasike: “Hele anggur ero ebe mene re, an nebeat o. Nen ebe esewerek he, an nopaseat o.

YOHANET 15:16

Hit en an wena'napigip hùk. We, an nen hit wenakhinapigi atì, e eken ìterek atì hak, motok logogin mene hagasi loageip en ìlùk, hinebe wenakhinabìk menhikasigi. Atì nen he, we, nena mene, hit walok mene an netage palogo nopase kìno yogosugun halok he, at en wokhisegeinat o.

YOHANET 15:3

Nen, hit he, an nen wene yogohisìgìrek atì nen he, hinobùseka hake palogo wusa yogologo hikasigimo welagep o.

YOHANET 15:6

Nen, hele ekisok palogo laksagarek mene pùk aganem he, apùnì nen nomologo hìlìk etumo po laksikenem etu nikerek atì hak, at sa nen an neperak hutik lek, kopolek halok he, atì'nogoat palogo lakhoumo ebe etu negein o.

YOHANET 15:8

Hit hineken apik isu hak hano mene hùkorogo hagasugun halok, apùnì nen an napase hogorasugun o. Hit hinebe ebe nagoromì nane wanhì lagep mene logolìk, atì'nogoat hagatì logogun o,” ìlùk yogoisasike.

YOHANET 17:12

An it ninom yoma logolìk he, it inebe nalasinogo ìlùk, hat hetage mene an salnapigin a'nogo ba, hagisek were'ma, it aike nalagì'lek o. We, At atì nalasigin, ìlùk, hat hane isigin mene helal waganogo hesukwa mene a'nogo ebe asuagalùk, nalasusak obaat nalaga o.

ÙRÙM 11:17

E saitun ero hano mene were'ma re, eki aike palogo, laksìlìk he, obùlù'mo e saitun ekama mene eki palogo hùnesi wesumo re, ero hutik logolìk amusu werek logou hak, hit atì re, hinebe eta'ma mene Ala nen it Yahuri mene amanogo hinom hùnogo hikasikomo hano welagep o.

ÙRÙM 11:22

Ala oabùt he, hano inom, weak inom, welagarek atì hani! It alema'lagaukwa mene hesik he, oabùt weak atì. Nen, hit at oabùt hano mene hinom hutik logogun halok he, oabùt hano atì. Mene re, atì'nogo hutik logogun lek halok he, hit atì'nogoat palogo lakhikegein o.

ÙRÙM 8:28

At Ala a'la akalùk nit ninayoko hesikesik, nit at ebe ninetawì welago mene hùgì, at ninom logolìk, yì mene tì mene hano asuagalùk, haga'nisìlì'logo.

1 KORÌTÙT 13:1

An nen apùnì inùkùl etage lopok aike inane ba ìgìk, malaikat Ala nen yoko pelaksa wagarek mene amanogo inane ba ìgìk, ìkì logolìk meneat he, apùnì inebe netawìrogo logogin lek halok he, an we, sogoloak hùko mene hamùlùk mene i a'la hinago le'ma ane pak ìgìk, telang ìgìk, ikerek hak ìkì logousak o.

TITUT 2:14

Nit alep Ala ane heraksìlìk yì weak tì weak hagatì lagagu atì nen nineki hele warogo negen ha'nisek were'ma, at Yesùt Karìsùt en he, “It inebe an nokawerek nagainapùrì atìk he, inoabùt hano mene akiluk hogo hagatì logouak en, inebe hele hikalogo inoko paligìlùk, an nebe wa'lasigin,” ìlùk isike.

IBERANI 12:15

Apùnì hit mene aike Ala oabùt hano nen wo'nisikerek mene atì heraksalùk wùlùpenem he, alealeka hulelek were'ma, hano mene oba arìk alethikerek atì hak, at atì nen apùnì obogat weagarinabinogo ìlùk hineileken hanorogo logoino o.

1 YOHANET 2:19

It apùnì atì inebe re, nit mene palek meneat he, it inebe eberogoat nit werekwe mene lek o. It inebe eberogoat nit werekwe mene logoilepma re, inebe nit ninom motogat logoilo o. Mene re, Ala a'la nen, “It atì, inebe obogat hit mene lek, hunigat mene werek, ìlùk, enagat asuak,” ìlùk akasike ba it atì'nogo wùlùpukwa atì.

ABÌKAKAN 3:19

Atì'nogo hinasuk watì atì re, it apùnì an netaùken hutik mene hùgì, inebe lopok inasuk warogo labìsake tùgì inoatìrek enek atì nen he, weak hagatì lagep mene atì heraksìlìk, hinoabùt hebelarìk he, akiluk hogo hagatì logoino o.