YOHANET 15:16 - Ala Ane Wene Ket Mene Warogo Wo'ninapike Wene

¹⁶ Hit en an wena'napigip hùk. We, an nen hit wenakhinapigi atì, e eken ìterek atì hak, motok logogin mene hagasi loageip en ìlùk, hinebe wenakhinabìk menhikasigi. Atì nen he, we, nena mene, hit walok mene an netage palogo nopase kìno yogosugun halok he, at en wokhisegeinat o.

YOHANET 15:16 ပူးပေါင်းရင်းမြစ်များ

YOHANET 15:19

Hit hinebe apùnì kweangma mene logoilepma re, it apùnì kweangma mene nen he, It he, nit ninagoromì, ìlùk inetaùken hutik hagathinabilep meneat he, hit hinebe it apùnì kweangma mene were'ma wenakhinapigisik wokhinapigisi'mo re, hinebe it mene welagep hùk. Atì nen he, inabìt motok hagathinabì'lùgì o.

EPESÙT 2:10

At enat hano hagarogo hinasikomo welago. Atì re, nit Karisùt ninom hutik logolìk, yì mene tì mene hanorogo hagatì logouagalùk, ninoabùt ket hùnogoat elalninapike atì re, ebe Karisùt Yesùt enat elalninapikomo welago.

LUKAT 6:13

O we isikomo re, at agoromì ane wanhì lagaukwa mene amanogo waisasikomo wagaukwama re, it mene inebe 12 nen weteberogo hisìlìk he, “Hinebe lakhikegein,” ìlùk menhisasike.

KALATIA 1:15

Atì'nogo meneat he, Ala oabùt hano a'nogo nen hageat nagosa a'la nen oan ta'napì'lek werek kolegat he, nebe wena'napike.

1 YOHANET 4:19

Emakum Ala nen tak etawì'ninapikesi'mo re, nit hogo re, nit-nit netawì-hetawìrogo logouok o.

LAKSASIKE 22:14

Hikenem, at en he, At Ala ninopalak en hogoratì lagaukwa mene a'nogo nen he, at a'la akikerek mene helu agìk, at aput oabùt higit mene Yesùt atì heileken ìgìk, at ane ape ba nen ikenem hasuk holhìk, inogolùk, hebe wenakhapesik hayoko hike atì.

2 TIMOTÌÙT 2:2

An nen wene apùnì logolegat ineilhanem yakùlhesigimo wanhìgin mene a'nogo, hat en it apùnì aike inoabùt hùpùnsek mene nen it aike yakùlisìkì logouagalùk, inoba heino.

YOHANET 13:18

“An nen wene atì hit hinebe obogat hesik yogohisìgì hùk. Lek o. Hit yì an nenat hinebe wenakhinapigi mene nelu meneat he, wene atì hesik Ala ane ba mel ìlùk helal waganogo hesukwa: Ap aike sùpùrùk neperak omakima nìkì lago mene yì nen weaga'nabigìlùk melaga o, ìlùk isukwama helal waganek werek atì sùge asigin lek. Ebeat asigin o.

YOHANET 6:70

at en he, it mel yogoisasike: “An nen hit hinebe 12 nen yì wenakhinapigi lek nogo? An nenat wenakhinapigi o. Meneat he, hat omakeat aike Ibilit meneat welagen o,” ìlùk yogoisasike.

1 PETERÙT 3:15

Hit en he, Karìsùt agaugeratì logolìk, “Ninoe Etagepogot at o,” ìlùk hinetaùken oba nen hogoratì logoino. Hogoratenem, it aike nen hinok hinoba wanhì logolìk he, “Hano asigin, ìlùk oba eberek welagep atì nahalok,” ìlùk yogohisikenem he, oko wene tùkùm hogo yogoisogoin mene hina'la eberek motok logolìk,

1 YOHANET 4:10

It aike inetawìrinaparek atì ebe re, nit en Ala ninetawìrasugu hùk, lek o. We, at Ala nen nit etawì'ninapikesik, at en nit weak hagatorek mene sagalogo legetsìlìk ho'ninabuagalùk, aput ninoba pelakhei wagaike atì.

LAKSASIKE 1:24

Inetage isukwasik, Ala ayoko hìkì logolìk he, “Ninopase. Yùrat hat hane yogoisìlìk nìkì logouagalùk ayoko hesigin meneat he, at en heraksalùk wa'lasusak higit hogoat wa'lagama, obùlù'mo ap inebe pìre yì, hat en ap kì hak ayoko hegen. Hat apùnì inebe obogat inetaùken helu atì. Halok, Ap ebe yì ayoko hìgì, ìlùk, hat en yakùlnisan o,” ìlùk yogosukwa.

ÙRÙM 15:4

Ala ane helal waganek atì ba re, ninepe morogo welagìk, nina'la hano agìk, ogorek atì nen he: “Hano asigin,” ìlùk Ala oba eberek logouagalùk, nirat ninasuk warogo Ala ane ba hageat helal waganogo hesukwa atì.

LAKSASIKE 9:15

Atì'nogo yogosike meneat he, ninoe Etagepogot en he, “Lan o. At en he, apùnì etakwe mene mel, inogogì inetagepogot mene mel, apùnì Isirael mene mel, an netage yogoisìlìk nìkì logouagalùk, an nen ap atì ebe weteberogo ayoko hìgìma o.

MATÌÙT 21:22

Nen, hit yì mene tì mene Ala kìno yogotì logolìk hinetaùken at oba hìpìrethegep halok he, wokhisegeinat, o,” ìlùk yogoisasike.

2 TIMOTÌÙT 1:11

Atì'nogo isikesik, an hano wene atìat yogoisìgìk, yakùlisìgìk, ìlìk nìkì logouagalùk nayoko hìlìk lakhani wagaikomo nìkì lagì atì.

1 KORÌTÙT 10:11

It atì'nogo hagarinapikomo inoba haga'lagaike atì obogat he, it apùnì aike hùthìkì logouagalùgat haga'lagaike. Atì'nogo hagarinapike ìlùk helal waganogo hesukwa atì, nit yogotak o wùrep oba asi wago mene yì, ninasuk warìkì logouagalùgat helal waganogo hesukwa.

ÙRÙM 9:21

Kweang temùl atì omakeat meneat he, at hagatewerek atì eseweregatma re, aike hanorogo hagarogo hìgìk, aike yùgùnat hagarogo hìgìk, usak lek nogo? Usagat o.

YAKOBÙT 3:18

E hano mene awì yatenem, eken hano ìterek atì hak, apùnì inoabùt lìoksek logolìk, it aike inom lìok hogo logouagalùk lapulinapenem inoabùt higit hogo hano hagatarek atì.

IBERANI 11:4

At ap etage Kain nen, we mene Ala wogosike meneat he, at Habel atì nek he, etaùken Ala oba hìpìrethìlìk hano mene Ala wogosikomo, at en he, “Habel enek he, oabùt higit hano hìgì,” ìlùk isike. Atì'nogo isikesi'mo nen, at Habel ebe wa'lagaike meneat he, etaùken Ala oba hìpìrìk logolìk hagasike atì, at en, “An tì'nogo hagatì,” ìlùk yogonisiko negen motok werek o.

TITUT 1:5

An nen hat o Kereta atoma hagalùk, wesigìlùk ìkì logolìk, wene tì'nogo hagatì logousak ìlùk, hoba hesigi atì: “Yì mene tì mene oan higirethìgì'lek mene, higirethìgìk, o ya ta atoma apùnì Ala againapùrì aike serisek logouagalùk inogogì lopok menhisìgìk, ìkì logoino,” ìlùk, yogohe'lùk wagag'i atì.

ÙRÙM 1:5

At wa'lagaikesi'mo nen Ala Areagùn nen eluguthesike atì ba, an nen yì apùnì tì apùnì inùkùl etage lopok inetaùken at Yesùt oba hìpìrethìlìk ane hologo hagati logousak mene yakùlisikenem, at etage hùko asuagaluk Ala oabùt hano nen nayoko hìlìk lakhani wagaike o.

LAKSASIKE 10:41

Atì'nogo weinamethesike meneat he, apùnì obogat ineileken hìgì'lek. We, alebat at Ala nen, It inebe atemat ineileken hoak o, ìlùk wena'ninapike mene nek, at Yesùt ebe warek were'ma Ala nen eluguthesikomo, nit at ninom logolìk sùpùrùk mel, i mel, ninomat nasugu.

1 TIMOTÌÙT 2:7

Atì'nogo akikerek atì nen, at en he, “Hat en ebe wene atì apùnì etakwe mene nen eberogoat ìlùk ina'la akìlìk wanuagalùk, yakùlisìlìk nìkì logoino,” ìlùk, an nayoko hìlìk lakhani wagaikomo, yogoisìlìk nìgìrek atì. Atì'nogo ìgì atì eberogoat ìgì. Napeliak ìgì lek o.

KOLOSE 1:23

Halok he, hano wene hinasuk holhigisip he, hina'la nen, “Hobuk hano asigin,” ìlùk, akasigip mene atì, hinetaùken abolok ìlìk kopologo hebìgì'lek ning hogoat hesogo logoino. Hano wene atì, at en o yì awi tì awi apùnì inebe obogat yogoisasike wene atì yogoisìlìk nìkì logouagalùk, an Paùlùt nayoko hesike atì.

ÙRÙM 1:13

Nerùgì nagaiya'lak. An nen, apùnì etakwe mene he'nakìt o yì awì tì awì a'loma wene yogoisìkì lagagimo wanhukwa hak, hit atì'nogoat wanuageip ìlùk neki apik oba hinoba wesigìlùk akìkì lagì meneat he, nakwe palek en kamo ìkì lagì atì hinelu asuageip en ìlùk yogohisìgì o.

LAKSASIKE 1:8

Atì'nogo meneat he, Ala Areagùn hinoba pi waga halok, hinomame asigin. Hinomame arìk he, o kota Yerusalem en, propinsi Yurea nen, Samaria nen, hùlì o yì awì tì awì esako esako a'lomaat laga logolìk, an yì mene tì mene hagarìk nikenem hineileken neegep mene a'nogo, an hesik yogoisìlìk laga logoino o,” ìlùk yogoisasike.

MATÌÙT 7:7

Atì'nogo yogoisasikesik aike mel yogoisasike: “It apùnì inebe lopok en Ala kìno yogotenem he, at en inebe lopok wogisikerek enek atì. Nen, it aike inebe lopok en yì mene tì mene at oba heratenem he, inebe lopok herakagarek enek atì. Nen, it aike inebe lopok en kwe ane papagathikenem he, at en inebe lopok kwe hùrisikerek enek atì. Atì nen he, hit he, Ala kìno yogotì logoino. Yogotì logoumo, wokhisegeinat o. Hano mene at oba heratì logoino. Heratì logoumo herasugunat o. Nen, kwe ane papagathìkì logoino. Papagathìkì logoumo re, at en kwe hùthikegeinat o.

YOHANET 15:5

Hele ebe anat o. Nen, nekisok hirat o. Hit an ninom hutik lek, we, kopolek logolìk, yì mene tì mene aike hagasusak motok mea atì nen he, at sa nen an neperak hutik, nen, an at neperak hutik, logogun halok he, at atì eken apik isu hak, hano mene hùkorogo hagasigin o.