YOHANET 15:15 - Ala Ane Wene Ket Mene Warogo Wo'ninapike Wene

¹⁵ It apùnì inatitigeke mene atì, inogogì hagatarek mene inokot atì nen he, an nen hùlì yogotak yì ba nen, Hit an natitigeke, ìlùk yogohisegein lek o. Yì wene tì wene nopase nen yogonesike mene obogat yogohisìkì lagì atì nen he, Nagaiya'lak, ìlùk yogohisìkì lagì atì o.

YOHANET 15:15 ပူးပေါင်းရင်းမြစ်များ

MATÌÙT 13:11

at Yesùt en he, “Ala nen awe a'ma hisikerek wene atì, at a'la hinago welagaike mene, hit enek he, hinelu asuageip ìlùk, pak hogo yogohisasak akasike meneat he, it apùnì aike atì nek he, pak hogo yogoisasak lek akasike.

LUKAT 10:23

Atì'nogo yogoisìlìk he, agoromì ane wanhì lagaukwa mene amanogo inalepma kek hogo wogisek lìlìk elokwe hebek hogo wogisìlìk he, mel yogoisasike: “Hit hineileken hasak meneat arat hìkì lagep mene yì, hina'la hai hakìkì logoni.

YOHANET 12:26

Men, at sa nen an natitigeke logolìk, a'la nen he, An Yesùt hesik hagatì logog'in, ìlùk akike halok he, an logoginmo atoma neperagat motok logouogolùk nopolik waga logousak o. Nen, at sa nen an hesik hagatì logogin mene atì, nopase nen at ebe agaugethegein o, ìlùk nane eberogoat yogohisìgì,” ìlùk yogoisasike.

YOHANET 13:16

Wene aike yì yogohìsak: Ap kain aike inawe a'ma negen werek kolek, at atitigeke mene esin negen welagarek lek o. Atì hak, ap yoko laksikerek mene inawe a'ma negen werek kolegat he, at yoko lagarek mene atì esin negen welagarek motok lek o, ìlùkk eberogoat yogohisìgì.

YOHANET 15:20

Nen, ap kain aike inawe a'ma negen werek kolek, at atitigeke mene esin negen welagarek lek o, ìlùk yogohisasigi a'nogo hina'la ebe'ni o. It en an weaga'napa halok he, hit atì'nogoat weagathinabugunat o. Nen, it en an nane hologo hagata halok he, hit hinane hologo hagasugunat o.

YOHANET 16:12

An nen wene apigat yogohisasak meneat he, hit wanusak hinepema mea aga o.

YOHANET 17:26

Nopase, hat en an hetawì'napigin a'nogo, it-it atì'nogoat netawì-hetawìrogo logolìk, an nebe it ninom hutik logouogolùk, hat hetage ìlìk hawene yogoisìkì lagarìk aike inom hogo yogoisìkì logoginat o,” ìlùk sapan isike.

YOHANET 20:17

Atì'nogo hai wasikomo re, at Yesùt en he, mel yogosike: “An nebe nopase oba lagagì'lek oan welagì atì nen he, heki abìak hogo ha'narek logogùn o. An nagoromì wene mel ìlùk yogoisa lan o: An mel, hit mel, ninopase Ala oba hìpìrìk welagorek mene a'nogo oba lagaigìlùk ìkì lagì, ike ìlùk nagoromì yogoisa lan o,” ìlùk yogosikomo,

YOHANET 4:19

Atì'nogo pak hogo yogotì lagaikomo, at he a'nogo nen, at mel yogosike: “Eige. Noe. Hat hebe re, eberogoat Ala ane yogoisegetek mene hìgì, ìlùk arat hùthagagì o.

YOHANET 8:26

An nen yì wene tì wene apigat yogohisìgìk, ùkùm hinoba hìgìk, kotìk, usak elok meneat he, at lakhani wagaike mene a'nogo ane eberogoat enek ikerek atì nen, at en ikenem nasuk holhì lagì mene atìat hit kweangma mene yoma yogohisìkì lagì o,” ìlùk yogoisasike.

ÙRÙM 7:15

Atì nen he, na'la nen: “Yì mene tì mene hano mene haga'le,” ìlùk walok akìgìrek mene atì, ebe hagatìrek lek. Meneat he, nabìt akìgìrek mene atìat hagatìrek atì nen he, an hagatì lagì mene atì hùthìgì'lek welagì o.

1 KORÌTÙT 2:16

Wene atì hesik, Ala ane ba helal mel ìlùk waganogo hesukwa: “Ninopase Etagepogot a'la ebeterek atì, sa hak elu. At he, sa hak en asuk wasusak nogo,” ìlùk it ap Ala ane yogoisìkì lagaukwa mene nen, helal waganogo hesukwa. Atì'nogo meneat he, nit Karìsùt a'la ebeterek wene atì hesogo welago o.

KALATIA 4:6

Atì'nogo hele hikalogo hinasikomo, ninebe Ala againapùrì welago atì nen he, at aput Areagùn ninetaùkenma hina wagaikomo logolìk, at Ala hesik he, nit en, “Nopase, nopase e,” ìkì logouagalùk ikerek atì.

EPESÙT 1:9

At okawerek, atì'nogo haga'ninabu walok en: “Tì'nogo hagarinabigin atì ebe at Karisùt en hagarinabuak,” ìlùk, wene at a'la akasike mene hinago welagaikesik hukalogo yogonisasike atì.

EPESÙT 3:5

Hageat he, wene atì apùnì aike pak hogo yogoisìgì'le'ma, inokorat welagaukwama re, yogotak en Ala Areagùn nen, it ap Ala againapùrì Yesùt en inayoko hìlìk laksasike mene amanogo mel, Ala ane yogoisìlì'lùgì mene amanogo mel, hukalogo yakùlisasikomo inelu agaukwa atì, wene ebe re, yì'nogo.

KOLOSE 1:26

Wene atì, o holoat ero ba nen yì tahun tì tahun haga'laga logolìk, apùnì ta'larìk waga kolek, Ala nen apùnì yogoisìgì'lek ineilmasirogo at a'la hinago welagaike. Meneat he, yogotak nit at againapùrì mene halok, sele'ma hukalogo yogonisasike atì.

PILEMON 1:16

At hobuk hat heperak logogun atì, ebe hatitigeke logolìk, hat hesik hagatì logogin meneat he, atì nek hùk. At he, at ebe Ala aput agasik ninagaiyak ninetawì meneat logogin atì. At en he, an netawì meneat logolìk, an hesik hano motok hagarì'logo atì, hamùlùgat o. Hat hesik enek he, at ebe kweangma hatitigeke logolìk, hagaiyak heperak ninoe Etagepogot hinom hutik logogun atì nen, ebenageik hetaùken tùlem motok logogin o.

YAKOBÙT 1:1

An Yakobùt ninopase Ala ninoe Etagepogot Yesùt Karìsùt eperak inatitigeke a'nogo nen, wene yì hit hinùkùl etage 12 nen yì awi tì awi pùgùlogo lìlìk welagasep mene obogat hinoba lakhei wagì. Nerùgì nagaiya'lak.

YAKOBÙT 2:23

Atì'nogo hagasike atì ba nen wene mel ìlùk helal waganogo hesukwa mene atì ebe agaike: “Aberaham etaùken Ala oba hìpìrethesikomo re, at Ala nen he, Hat hoabùt higit hogo hagatì logou hak, hetaùken noba hìpìrethegenma, ùkùm hoba mene korogo wokhìgìrik hapotkwe neperak hùnogo hagagì atìat o,” ìlùk yogosikomo helal waganogo hesukwa. Ati nen he, Ala nen, “Aberaham neperak hutigat welago,” ìlùk isike atì.

1 PETERÙT 1:11

Atì'nogo yogoisìkì lagaukwa atì, at Karìsùt Areagùn ina'la logolìk yogoisìkì logolìk he, mel isike: “Karìsùt aik hìlìk hìlìk wa'lasigin. Wa'larìk en, hobuk eluk aganem hogoratì logogun,” ìlùk yogoisasikomo it en ìkì logolìgat he, “Nìkì'nogo haga'lasigin. Mera nen haga'lasigin,” ìlùk hinok tùkùm hogo wanhì lagaukwa.

2 PETERÙT 1:1

Nerùgì nagaiya'lak. An Simon Peterùt Yesùt Karìsùt en, at atitigeke logouagalùk nayoko hìlìk lakhani wagaikomo wagagi. Ati re, at ebe Ala at logolìk, oabùt higit hogo nek hagaterek a'nogo nen, hit ninom higit hogoat ninetaùken at oba hìpìrethikenem telninabì'logo mene hùgì, wene yì helal waganogo hinoba lakhei wagì atì.

YURAT 1:1

An Yùrat, Yakobùt agot, Yesùt Karìsùt atitigeke a'nogo nen, hit wene yì helal waganogo hinoba lakhei wagì atì. Nerùgì nagaiya'lak. Ala nenat hinayoko hesikesik hinebe etawì logolìk, Yesùt Karìsùt hesik sethisek werek atì.

ABÌKAKAN 1:1

Wene ebe re, yìtogo. Yì wene tì wene hinago welagaike mene hobuk heageak haga'lasigin mene atì, Ala atitigeke mene tùkùm hogo yogoisoagalùk Ala nen at Yesùt Karìsùt hukalogo yogosikomo, at Karìsùt en malaikat lakhei wagaikomo, wene atì at Ala atitigeke mene aike an Yohanet yogonete.