YOHANET 15:14 - Ala Ane Wene Ket Mene Warogo Wo'ninapike Wene

¹⁴ Nen, an nen hinasuk warogo, Yì'nogo haga'no, tì'nogo haga'no, ìlùk yogohisìkì lagì mene atì, nane hologo hagatì logogun halok he, hit an nagaiya'lagat o.

YOHANET 15:14 ပူးပေါင်းရင်းမြစ်များ

MATÌÙT 12:50

Sa nen an nopase pogot oba mene a'la akikerek mene higit hogo hagaterek halok, at atì an nagot, nerei, nagosa werek o,” ìlùk yogosike.

LUKAT 12:4

Atì'nogo yogoisasikesik he, aike mel yogoisasike: “Nagaiya'lak e! An wene yì hit hesik yogohisak o. Apùnì nen hinebe hinoasugun atì hinayùk agùp. Hinagasabeke nek hinoarìk he, it en hobuk aike weagathinabusak mea atì nen, hinayùk agùp o.

YOHANET 13:17

An nen wene yogohisìgì atì hinelu arìk hagatì logogun halok he, hina'la hai hakìkì logogun o.

YOHANET 14:15

At Yesùt en wene atì'nogo warisasikesik he, wene aike mel yogoisasike: “Hit an hinetaùken hutik halok he, an nen hit yì'nogo hagatì logoino, tì'nogo hagatì logoino, ìlùk yogohisìkì lagì mene atì hagatì logogun o.

YOHANET 14:21

At sa nen, an nen, yì'nogo hagatì logoino, tì'nogo hagatì logoino, ìlùk yogohisìgì mene atì, nane hologo hagaterek halok, an nebe awaken hutik mene at atìat o. Nen, nopase nen at atì ataùken hutigat. Nen, an nen at atì netaùken hutik logolìk, nebe hùthanuagalùk yakùlesigin o,” ìlùk yogoisasikomo,

YOHANET 14:28

An legein meneat he, hobuk napotkwe hinoba wesigin o, ìlùk yogohisìgì a'nogo arat hinasuk holhep akìgì. An nebe hinetaùken hutik logoilepma re, an nopase ebe esin, nen an nebe mea atì nen he, an nopase oba legein atì hesik hina'la hai hakelep o.

YOHANET 2:5

Atì'nogo yogosike meneat he, at agosa nen, it he ita esewerek inatitigeke mene mel yogoisasike: “At en, Yì'nogo haga'ni, ike halok he, at igin mene atìat haga'no,” ìlùk yogoisasike.

YAKOBÙT 2:23

Atì'nogo hagasike atì ba nen wene mel ìlùk helal waganogo hesukwa mene atì ebe agaike: “Aberaham etaùken Ala oba hìpìrethesikomo re, at Ala nen he, Hat hoabùt higit hogo hagatì logou hak, hetaùken noba hìpìrethegenma, ùkùm hoba mene korogo wokhìgìrik hapotkwe neperak hùnogo hagagì atìat o,” ìlùk yogosikomo helal waganogo hesukwa. Ati nen he, Ala nen, “Aberaham neperak hutigat welago,” ìlùk isike atì.

1 YOHANET 5:3

Nit Ala nen ta'ninape mene hùgì ninebe lopok en he, “Ala ane atì eberogoat,” ìlùk ninetaùken at oba hìpìrethogorek atì ba, it apùnì kweangma mene inoabùt inesogat logolìk weak hagatarek mene atì mabenetsìlìk ninomame agorek atì. Atì'nogo mabenetsìlìk ninomame agorek atì nen, wene Ala nen ninasuk wasike wene atì ekin lek, seweak o. Atì nen he, nit en, “Ala ebe ninetawì welago,” ìlùk u hak he, at en wene ninasuk wasike wene atì hologo higit hogo hagatì logouok o.