YOHANET 15:10 - Ala Ane Wene Ket Mene Warogo Wo'ninapike Wene

¹⁰ Nen, an nopase nen, Yì'nogo haga'no, tì'nogo haga'no, ìlùk nasuk warogo gonesike mene atì, an nen at ane hologo hagatenem, at en an etaùken hutik welagarek atì hak, hit atì'nogoat, an nen hit hinasuk warogo, Yì'nogo haga'no, tì'nogo haga'no, ìlùk yogohisìkì lagì mene atì, hit en an nane hologo hagatì logogun halok he, an nen hit netaùken hutik logogin o.

YOHANET 15:10 ပူးပေါင်းရင်းမြစ်များ

YOHANET 10:18

An nen wa'lasigin akìgì'le'maat, it apùnì aike nen oake ba noasusak mea o. We, an nokawerek na'la nenat, nebe wa'lasigin akegein obaat wa'lasigin o. Wa'larìk, hobuk napotkwe neluk asigin atì nokawerek na'la nen akegein obaat o. Atì'nogo hagasuagalùk nopase nen lakhani wagaike meneat hagasigin o, ìlùk eberogoat yogohisìgì,” ìlùk yogoisasike.

YOHANET 12:49

an na'la nen kagalogo yogohisìkì lagì hùk. Lek o. We, an nen yogohisoagalùk an nopase lakhani wagaike mene a'nogo nenat, Yì'nogo in, tì'nogo in, ìlùk yogoneto kolegat yogohisìkì lagì o.

YOHANET 14:15

At Yesùt en wene atì'nogo warisasikesik he, wene aike mel yogoisasike: “Hit an hinetaùken hutik halok he, an nen hit yì'nogo hagatì logoino, tì'nogo hagatì logoino, ìlùk yogohisìkì lagì mene atì hagatì logogun o.

YOHANET 14:21

At sa nen, an nen, yì'nogo hagatì logoino, tì'nogo hagatì logoino, ìlùk yogohisìgì mene atì, nane hologo hagaterek halok, an nebe awaken hutik mene at atìat o. Nen, nopase nen at atì ataùken hutigat. Nen, an nen at atì netaùken hutik logolìk, nebe hùthanuagalùk yakùlesigin o,” ìlùk yogoisasikomo,

YOHANET 14:23

at Yesùt en he, mel yogoisasike: “At sa nen an nebe etaùken hutik halok he, nane hologo hagatì logogin o. Nane hologo hagatì logoumo, nopase nen at atì etaùken hutik logogin o. Atì'nogo logolìk, an nopase neperak ap atì oba wìrìk, at ninom motok logogun o.

YOHANET 14:31

Atì'nogo meneat he, an nopase netaùken hutik welagìrek atì apùnì kweangma mene inelu asuagalùk, an nopase nen nasuk warogo yogoneterek meneat hagatì lagì o,” ìlùk yogoisasikesik he, “Nagoromì. Lùok en mela'ni o,” ìlùk yogoisasike.

YOHANET 17:4

An nen kweangma yì mene tì mene hagasuagalùk menhanhigin a'nogo yabu ebe arat hagatì lagarìk katok hogo hagatì atì ba nen esinethagagì o.

YOHANET 4:34

Atì'nogo isukwama, at Yesùt en he, mel yogoisasike: “At an lakhani wagaike mene a'nogo a'la akikerek mene higit hogo hagatì lagì atì mel, an hagasuagalùk nayoko hesike mene atì elùgùn warogo katok hogo hagasigìlùk ìkì lagì atì mel, an napùrùk he, atìat o.

YOHANET 8:29

At lakhani wagaike mene a'nogo, oba lìok ikerek mene nek hagatìrek atì nen he, at en an nebe kopologo herakhanhì'lek neperak hutik motok welagorek o,” ìlùk yogoisasike.

1 KORÌTÙT 7:19

Inogat inekalìma mene atì'nogo palek logousak inom, pale'lek logousak inom, atì esin hùk. Lek o. Ebe esin he, Ala ane hologo hagatì logousak atìat o.

1 TESALONIKA 4:1

Nerùgì nagaiya'lak. Wene elùgùn oba aike yì yogohisak. Nit ninoe Etagepogot Yesùt en, “Hinoabùt Ala a'la hanorogo, yì'nogo hagatì logoino, tì'nogo hagatì logoino,” ìlùk, isikomo yakùlhisa wagagu a'nogo hinelu. Atì'nogo yakùlhisasugumo, hit en atì'nogo hagatì lagep meneat he, hobuk aike inom hogo hùkorogo hagatì logouageip ìlùk, ninoe Etagepogot Yesùt ninom hutik logolìk hinasuk warogo yogohisìgì atì.

IBERANI 7:26

Nit nina'la nen he, “Ap aike Ala esewerek nit hesik hano katok hogo yì'nogo kain logolìk hagatì logoilep e,” ìlùk akogorek mene, Ala nen ninoe Yesùt atìat menhesikomo werek o. At oabùt he, weak kolo aike hagatì'lek, hano tegelek motok were'ma, apùnì weak hagatarek mene ina'la nen tegelogo pogot abel pokwe po a'loma lìakhesikomo nit hesik werek o.

2 PETERÙT 2:21

It atì ebe wene higit hogo musok lagaikarek atì inelu agì'lek logoilepma re, hano negen logoilep. Meneat he, inelu arìk en, wene Ala nen ninasuk wasike wene atì heraksalùk he, kwanìrogo lagaikarek atì nen, motok weak asugun o.

1 YOHANET 2:3

Wene Ala nen ninasuk waterek wene atì, hologo higit hogo hagatì lago halok he, at e be ninelu o, ìlùk atì ba nen ninetawì wekelogo hùthìkì lago.

1 YOHANET 2:5

Atì'nogo meneat he, sa nen Ala ane hologo higit hogo hagaterek halok he, yì mene tì mene katok hogo hagatarek atì hak, at atì Ala motok etawìrogo welagarek o. Nen, nit atì'nogoat welago halok, nit Ala ninom hutik welago, ìlùk atì baat ninetawì wekelogo hùthìkì lago.

1 YOHANET 2:6

Nen, sa nen, “An Ala neperak hutik welagì,” ìlùk ikerek halok he, oabùt at Karìsùt hagatì lagaike atì hagat hagatì logousak o.

1 YOHANET 5:3

Nit Ala nen ta'ninape mene hùgì ninebe lopok en he, “Ala ane atì eberogoat,” ìlùk ninetaùken at oba hìpìrethogorek atì ba, it apùnì kweangma mene inoabùt inesogat logolìk weak hagatarek mene atì mabenetsìlìk ninomame agorek atì. Atì'nogo mabenetsìlìk ninomame agorek atì nen, wene Ala nen ninasuk wasike wene atì ekin lek, seweak o. Atì nen he, nit en, “Ala ebe ninetawì welago,” ìlùk u hak he, at en wene ninasuk wasike wene atì hologo higit hogo hagatì logouok o.

ABÌKAKAN 22:14

Nen, it aike inasu hanorogo sobalogo hakìlìk logogun mene hùgì nek he, Ala nen hanorinapenem ina'la hai hakìlìk, e eken nikenem inelugurinaperek mene a'nogo eken nìkìk, nen o kota atoma kwe ape palekkwe nen wùlhìk-kìgìk, ìkì logouogolùk esewerek arìk logogun.