YOHANET 15:1 - Ala Ane Wene Ket Mene Warogo Wo'ninapike Wene

¹ At Yesùt en wene atì'nogo yogoisasikesik, hobuk aike mel yogoisasike: “Hele anggur ero ebe mene re, an nebeat o. Nen ebe esewerek he, an nopaseat o.

YOHANET 15:1 ပူးပေါင်းရင်းမြစ်များ

MATÌÙT 15:13

Atì'nogo yogosukwama at Yesùt en he, “Yì mene tì mene an nopase pogot oba mene nen awì yatì'lek mene halok he, motok henogo laksegeinat o.

MATÌÙT 20:1

At Yesùt en hobuk mel yogoisasike: “Ala nen awe a'ma hisikere'ma atoma eperak higit he, mel hake. Ap kweang esewerek mene aike eyabu anggur yabumo hagasuagalùk ap heraginabìk ohealegat yoko wùlìpike.

MATÌÙT 21:33

At Yesùt en wene atì'nogo oba lìrogo arat yogoisasikesik he, “Hobuk wene aike yì oba lìrogo yogohisak. Ap aike akweang esewerek mene nen eyabumo anggur awì yakasikesik he, leget wùtìk, eken sagalogo amusu keralhì logogun oba kweang habulhik, ineileken logogun oba laleka pelatìk, isikesik he, ap aike serogo logouagalùk hisalùk he, o wele'ma atoma lagaike.

MAREKÙT 12:1

At Yesùt en wene atì'nogo yogoisasikesik he, hobuk wene aike oba lìrogo mel yogoisasike: “Ap aike eyabumo anggur awì yasike. Yasikesik he, leget wùtìk, eken sagalogo amusu keralhì logogun oba kweang habulhìk, ineileken logogun oba laleka pelatìk, isike. Isikesik he, ap aike serogo logouagalùk hisalùk he, ebe o wele'ma atoma lagaike.

LUKAT 13:6

Atì'nogo yogoisasikesik he, wene aike oba lìrogo mel yogoisasike: “Ap aike eyabumo e ara awì yago welagaike. Were'ma re, Eken ìtomo a? Lek a, ìlùk eileken koli lagaike mene re, ebe ìtì'le'ma.

YOHANET 1:17

Wene Ala nen ninasuk wasike wene a'nogo yakùlnisoagalùk, alebat Musa lakhei wagaikomo, yakùlnisasike meneat he, Ala oabùt hano nen hano'ninapìk, ebe wene yakùlnisìgìk, uagalùk, Yesùt Karìsùt lakhei wagaikomo yakùlnisasike atì.

YOHANET 1:9

At lìa ebe mene atì, kweangma yoma waga logolìk, nit apùnì obogat ninebe lopok lìa'ninabi wagaike.

YOHANET 15:2

Hele ekisok ebe lopok, an noba hutik logolìk eken ìtì'lek halok, tek hogo laksegein o. Meneat he, ekisok ebe lopok eken ite halok he, aike inom hogo ìtì logouagalùk obùseka palogo wusa yogoligin o.

YOHANET 6:32

Atì'nogo yogosukwama, at en he, mel yogoisasike: “An nen wene aike yogohisak. Sùpùrùk pogot oba nen pelakhisa waga lagaike atì re, at Musa nen hùk. Lek o. At he, sùpùrùk ebe mene atì re, nopase nen an nebe apùnì kweangma mene inelugurinapìrek mene pogot oba nen pi wagagi atìat wokhisikerek o,” ìlùk yogoisasike.

YOHANET 6:55

An nebe mel, namep mel, atì re, hinapùrùk hinagei ebe meneat o.

ÙRÙM 11:17

E saitun ero hano mene were'ma re, eki aike palogo, laksìlìk he, obùlù'mo e saitun ekama mene eki palogo hùnesi wesumo re, ero hutik logolìk amusu werek logou hak, hit atì re, hinebe eta'ma mene Ala nen it Yahuri mene amanogo hinom hùnogo hikasikomo hano welagep o.

1 KORÌTÙT 3:9

Hit hinebe atì Ala eyabu hak were'ma re, nit neperak en Ala woksìkì lago. Aike re, hinebe Ala awì hak were'ma re, neperak en Ala awì wùrogo hisìkì lagoat.

1 YOHANET 2:8

Atì'nogo meneat he, o mùm were'ma lìa arìk lagarek atì hak, lìa ebe mene ya'nisa wagaikomo yarì'logo atì nen he, wene ket wene hinasuk warogo hinoba lakhei wagì atì. At Yesùt en wene atì higit hogo hagatenem ebe agaike atì hak, hit en hogo re, atì'nogoat, wene atì higit hogo hagatenem ebe arì'logo atì.