Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




YOHANET 14:6 - Ala Ane Wene Ket Mene Warogo Wo'ninapike Wene

6 at Yesùt en he, mel yogosike: “Kwe mel, ebe wene mel, inelugurinapìrek mel, atì an nebeat o. At sa nen an noba wagì'lek halok, nopase were'ma pìkìt kusak motok mea o,” ìlùk yogosikesik,

အခန်းကိုကြည့်ပါ။ ကော်ပီ




YOHANET 14:6
57 ပူးပေါင်းရင်းမြစ်များ  

Atì'nogo yogosikesik, it apùnì amanogo mel yogoisasike: “An nopase nen yì mene tì mene obogat esewerek logouagalùk wo'nesike. Nen, an Ala aput yì, apùnì obogat motok inokot meneat he, nopase Ala aligat enek elu welagarek. Atì hak he, an nopase Ala atì, apùnì obogat motok inokot meneat he, aput an naligat enek nelu welagìrek o. Nen, Ala aput an nenat na'la akìlìk en nopase ebe apùnì aike inelu asuagalùk pak hogo yogoisìgìrek mene hùgì atìat inelu agaikarek.


Ebe Wene a'nogo abat agaikesik ninomat welagagu. Ninomat logolìk he, at ebe atì Ala aput omakeat tago nogo nen he, hogoratarek mene nineileken hasugu o. At oabùt hano nen, hanorogo haga'ninapik, wene ebe wene yogonisìgìk, iko motok were'ma nineileken hasugu.


Wene Ala nen ninasuk wasike wene a'nogo yakùlnisoagalùk, alebat Musa lakhei wagaikomo, yakùlnisasike meneat he, Ala oabùt hano nen hano'ninapìk, ebe wene yakùlnisìgìk, uagalùk, Yesùt Karìsùt lakhei wagaikomo yakùlnisasike atì.


Ninelugu'ninaperek mene ero arat welagarek atì nen he, nit apùnì lìa'ninabi wagaike.


Nopolik niko kolek, it ineluk motok logouagalùk inelugurinapì logogin atì nen he, it inebe wa'larìk nong asugun lek. It an neki ba werek kolek, it ap aike nen telogo woginabusak mea o.


Atì'nogo hùthìgì'lek werek kolek, hobuk at Yesùt en he, mel yogoisasike: “Wene eberogoat aike yogohisak. Wam topa wam atì inakwe re, an nebeat o.


Kwe re, an nebeat o. Sa nen an nebe ba kike halok, ebe tegelek hano motok logolìk, wùlhìk-kìgìk ìkì logolìk he, eka hano mene nek nìkì logogin o.


Nineki hamùlùgat logopik he, apùnì kweangma mene ineileken neogoin motok lek meneat he, hit enek he, an nelugat logogin, nen hit hobuk hinelugat logogun atì nen he, hineileken neogoin o.


At Yesùt en wene atì'nogo yogoisasikesik, hobuk aike mel yogoisasike: “Hele anggur ero ebe mene re, an nebeat o. Nen ebe esewerek he, an nopaseat o.


at Pilatùt en he, “Halok he, hat eberogoat kain hetagepogot he a,” ìlùk ìkì lagaikomo, at Yesùt en he, mel yogosike: “An nebe kain netagepogot hat egen atìat o. Atì hesigat an nen ebe wene abok pak hogo yogoisìkì logoigìlùk nebe kweangma yoma ta'lasi pi wagagi o. Apùnì wene ebe wene atì werekwe asi lagaika mene hùgì inebe lopok an nane inasuk holì'lùgì o,” ìlùk yogotì lagaikomo,


Nen, an nopase nen aùnì warek mene inelugurinaperek atì hak, aput an nen apùnì warek mene atì'nogoat inelugurinabigin, ìlùk na'la akìgìrek mene hùgìat inebe lopok inelugurinapìrek.


Sùpùrùk inelugurinaperek mene pogot oba nen pi wagarek atì re, an nebeat o. Sùpùrùk an nen wogisegein mene atì, sa nen niko halok, at ebe eluk motok logogin o. Apùnì kweangma mene ineluk logouagalùk an nebe it hesik wa'lasigin atì, an nebeat wogisegein,” ìlùk yogoisasike.


An nopase eluk motok welagarek mene nen lakhani wagaikomo wagagi a'nogo, at eluk welagarek atì nen an neluk welagìrek atì hak, sa nen, an nebe niko halok, an neluk welagìrek atì nen, at elugat logogin o.


Atì'nogo yogoisìkì lagaikomo, at Simon Peterùt a'nogo nen he, mel yogosike: “Eigo. Noe. Ninebe nineluk motok logousak hesik mene re, wene hat en yogonisìkì lagen hake yama re, hat herakhagalùk ap sa ba lasak akegen.


wene ebe wene hinelu asigin o. Hinelu asumo, wene ebe wene atì baat hinebe hele hikalogo hinalepma hikegein o,” ìlùk yogoisìkì lagaikomo,


Nen, sa nen an nane hologo hagatì logogin halok he, wa'lagì'lek eluk motok logogin o, ìlùk eberogoat yogohisìgì,” ìlùk, yogoisìkì lagaikomo,


Ninelugu'ninaperek mene ero ebe at meneat he, hit en watepma Ala nen he, ebe eluguthikomo, nit nineileken eberogoat hogosik en yogohisìkì lago o.


At Ala nen, nit apùnì kweangma yoma mene at aike nen telninabuagalùk etage yakùlnisìgì'lek atì nen he, welek mene nen telninabusak mea o. We, at Yesùt en telninabuagalùk, at aligat etage yakùlnisasike atì,” ìlùk yogoisasike.


“Noe. An o Tamìsìk lapik he, it apùnì aike Yesùt ane wanhì logolìk opolik nùgì mene aike werek halok, hìmì lek, ap lek, heraginabìk he, ineki hele warogo wogisek o Yerusalem yoma hisa wesik en he, it apùnì Yahuri meme o kota Tamìsìk atoma o sapan egarek obakwe lopok atogorì'lùgì mene hesik surat aike waganogo wo'nom o,” ìlùk yogosike.


An nebe at Karìsùt Yesùt awe a'ma logolìk apùnì etakwe mene woginabuagalùk nayoko hesikomo, at Ala a'la hanorogo Areagùn atì ba it inebe Ala hisagalùk, at ane hano wene atì yogoisìlìk nìkì lagì o.


Nit ninetaùken Yesùt oba hìpìrethesugu atì baat, at en Ala oabùt hano nen hano'ninaperek atì a'ma hinikomo atì ba hakothìlìk welago. Logolìk, Ala hogorato motok welagaikarek atì hak, nit atì'nogoat hogo'ninabigin o, ìlùk nina'la hai hakìkì lago.


Weak hagataresik wa'lagaikarek atì ba, weak hagatarek mene omame agaike atì hak, ninoe Etagepogot en ùkùm ninoba mene korogo wokhìlìk, Ala ninom hùnogo hinasike atì ba, Ala oabùt hano nen etawì'ninaperek mene atì omame agaikomo re, nineluk motok logogun atì.


Wene atì'nogo ìlùk, Ala ane helal wanhì logolìk he: “Ap Aram emakum mene atì, ebe eluk mene elalhike,” ìlùk helal waganogo hesukwa. Meneat he, ap Aram hobuk mene atì, Areagùn nen inelugurinaperek mene wagaike.


Apùnì inebe oan waga kolek inapùnak tak inelokoma wagarek hak, Karìsùt ebe oan wagì'lek werek kolek, wesigin ìlùk wene obogat atì mene tak hagatì lagaukwa. Meneat he, ebe re, Karìsùt at o.


Mene re, Ala ebe abireke motogat Karìsùt a'la were'ma, apùnìat ta'lasi wagaikesik welagaike atì.


Ebeto were'ma, at Karìsùt ninebe hobuk nineluk motok logouagalùk haga'ninaperek mene a'nogo weinam hogo waganem he, hit at hinomat weinam arì'mo hogothinabugun atì.


Atì'nogo eluk motok logolìk, nit apùnì hesik Ala kìno yogoto motok welagarek atì nen he, nit Ala were'ma kuogolùk at oba ha'larìk kikenem elok telninabìk katok hogo hano haga'ninabigin atì.


Atì'nogo hagatì logousak ìlùk wene inasuk warek welagaike atì oba lìrogo, nit tùkùm hogo hùthoagalùk Ala Areagùn nen, mel yakùlnisikerek: “O hùlù kwe ba sekelek atì werek kolek, Ala okawerek awì ebe mene kwe hùtì'lek yagarek welagaike,” ìlùk yakùlnisìlì'logo.


Ebe wa'lagaikesi'mo Ala nen eluguthìlìk hogoratì logouagalùk menhesikomo, hinetaùken Ala ba hìpìrethìlìk, “Hobuk at en hano'ninabigin,” ìlùk oba eberek welagep atì.


At ebe helep hake eluk welagarek mene ìlùk he, oba we'no. Apùnì nen he, “Helep atì weak,” ìlùk hebisasukwa meneat he, Ala nen he, “Helep yì motok hano meneat,” ìlùk wenago hesike.


Nit apùnì weak hagatorek atì hesik nineki elùgùn oba, at Karìsùt hobuk wa'lagì'lek logoigìlùk omake hesigat wa'lagaike. Ninebe Ala oba wo'nisek lagalùk he, at oabùt higit hagaterek mene nen, nit ninoabùt kolo hagatorek mene hesik wa'lagaike atì. Ebe nit apùnì mene atì wasukwama wa'lagaike meneat he, areagùn mene atì Ala nen eluguthesike atì.


Atì'nogo meneat he, nit en ìkì logolìk he, “Nit weak agaike hagatì'lek,” ìlùk ìkì lago halok he, ninapeliak ninokawerek lalìkì lago atì nen, ebe wene nina'la motok lek o.


Sa nen, “Ala aput atì, ebe nabìt,” ìlùk kogologo laksike halok, opase Ala ebe wanhì'legat o. Nen, sa nen, “Ala aput ebe atìat o,” ìlùk ane pak hogo ike halok, opase Ala ebe wanheat o.


At Ala aput ninoba pi wagaikesik, Ala ebe mene ninelu asuagalùk ninetaùken kagalogo yogonisasike. Atì'nogo yogonisasikomo, nit he, Ala ebe mene aput Yesùt Karìsùt eperak ninom hutik motok welago. Nen, at Yesùt he, ebe Ala ebe mene logolìk nabùlal-habùlal ero arat welagarek o.


At Yesùt Karìsùt kweangma pi wagaikesik were'ma ima nek pelapukwa hùk. Ima pelapìk, amep wulagasogo watìk, isukwa. Atì'nogo hagasukwa ìlùk, at Ala Areagùn wene eberogoat enek yogonisikerek mene a'nogo nen pak hogo yogonisiko welagarek o.


Sa nen wene Karìsùt en yakùlnisasike wene atì ba louksek hagato welagì'lek, hunigat mene hagaterek halok he, Ala ebe esewerek agì'lek werek o. Atì'nogo meneat he, sa nen wene Karisùt en yakùlnisasike wene atì ba louksek hagato logogin halok he, ninopase Ala mel, aput Yesùt mel, eperak esewerek agasik werek o.


Wene atì'nogo yogonetesik oba nen opolik he, pogot healaganem wam etage kuda esi kut mene apot oba, ap aike etage re, Hùpùhogohagarìk, ìgìk, Eberogoarìlìk, ìgìk, egarek mene, hùrek logolìk, weim higit hogo yapìk, ùkùm higit hogo inoba hìgìk, kotìk, ìlìk nikenem lakhìgì o.


Atì'nogo yakùlnetomo hìgìrìk oba nen opolik he, Ala ho, Topa Eak ho, eperak kain welagaikarek inobùlùk oba nen, i inelugurinaperek mene elokoken muliak hano inapùnak hake mene elesi wùlogo re,


Atì'nogo yogonetesik hobuk he, mel yogonete: “Sa nen i nele nen nasak walok halok he, i inelugurinaperek mene okolek welegat helìlìk noagalùk, Ala Areagùn mel, Topa Eak agwe negen ìkike mene a'nogo mel, eperak en ìkì logolìk, Na we'ni o, ìlùk yogoisikenem, it aike inebe lopok it eperak inane inasuk holì'lùgì mene nen, Na we'ni o, ìlùk ìkì logousagat o,” ìlùk ikenem holhì.


Atì'nogo yogonetesik, hobuk yogonetì logolìk he: “Ero ba nen, yì mene tì mene ero anat were'ma, Ala nen elalhike mene atì, at abok noabùt hùpùn hogo eberogoat enek ìgìrek mene, netage ebe asuak u hak, Amin a'nogo nen wene yì yogohesik: At Ala nen malaikat ayoko hìlìk lakhei wesu hak, at againapùrì o Laolikia atogotarek mene inayoko hìlìk hisasikomo werek a'nogo, wene an nen it yogoisegein mene yì, hat en helal waganogo inoba lakheinok en, it mel yogoisak:


Atì'nogo yogonetesik hobuk yogonetì logolìk he: “An weak hagatì'lek, keksek logolìk, mene ebarogoat enek ìgìrek mene nen kwe hùtùkwe Taùt mene wolok kwe hùtì halok, apùnì aike nen yagasusak mea o. Nen, kwe yagatì halok, apùnì aike nen hususak meaat mene a'nogo nen wene yì yogohesik: At Ala nen malaikat ayoko hìlìk lakhei wesu hak, at againapùrì o Pilalepia atogotarek mene inayoko hìlìk hisasikomo werek a'nogo, wene an nen it yogoisegein mene yì, hat en helal waganogo inoba lakheinok en, it mel yogoisak:


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ