YOHANET 14:31 - Ala Ane Wene Ket Mene Warogo Wo'ninapike Wene

³¹ Atì'nogo meneat he, an nopase netaùken hutik welagìrek atì apùnì kweangma mene inelu asuagalùk, an nopase nen nasuk warogo yogoneterek meneat hagatì lagì o,” ìlùk yogoisasikesik he, “Nagoromì. Lùok en mela'ni o,” ìlùk yogoisasike.

YOHANET 14:31 ပူးပေါင်းရင်းမြစ်များ

YOHANET 10:18

An nen wa'lasigin akìgì'le'maat, it apùnì aike nen oake ba noasusak mea o. We, an nokawerek na'la nenat, nebe wa'lasigin akegein obaat wa'lasigin o. Wa'larìk, hobuk napotkwe neluk asigin atì nokawerek na'la nen akegein obaat o. Atì'nogo hagasuagalùk nopase nen lakhani wagaike meneat hagasigin o, ìlùk eberogoat yogohisìgì,” ìlùk yogoisasike.

PILIPI 2:8

At okawerek en etage legethakìlìk, “An noabùt he, nopase nen, Wa'lasuak, ìlùk, akike higit hogoat ane hologo logogin,” ìlùk, ebe e ba menhìlìk wasuagalùgat akasike atì.

YOHANET 12:49

an na'la nen kagalogo yogohisìkì lagì hùk. Lek o. We, an nen yogohisoagalùk an nopase lakhani wagaike mene a'nogo nenat, Yì'nogo in, tì'nogo in, ìlùk yogoneto kolegat yogohisìkì lagì o.

YOHANET 4:34

Atì'nogo isukwama, at Yesùt en he, mel yogoisasike: “At an lakhani wagaike mene a'nogo a'la akikerek mene higit hogo hagatì lagì atì mel, an hagasuagalùk nayoko hesike mene atì elùgùn warogo katok hogo hagasigìlùk ìkì lagì atì mel, an napùrùk he, atìat o.

LUKAT 12:50

Apùnì yoma ima pelaksìlì'lùgì hake, an yì aik tì aik haga'nabugun mene re, oan werek kolek, na'la weak welagì.

YOHANET 15:9

At Yesùt en wene atì'nogo yogoisasikesik aike mel yogoisasike: “Nopase nen an etaùken hutik welagarek atì hak, an nen hit netaùken hutik welagì o. Atì'nogo hit netaùken hutik logoik en he, an ninom hutigat logoino o.

YOHANET 18:11

Atì'nogo lakhesikomo, at Yesùt en, mel yogosike: “Peterùt. Hakarok obùlù'mo houa'ma kelakhakan o. Apùnì nen i hinago wogisikenem nekarek atì hak, an nopase nen, Hat yì aik tì aik hagathabugun o, ìlùk yogonesike mene atì higit hogo haga'nabusak mea akegen? Lek o. Haga'nabusagat o,” ìlùk yogosike.

YOHANET 12:27

At Yesùt en wene atì'nogo yogoisasikaeik he, sapan aike mel isike: “Nopase, an yì aik tì aik hegein atì nen, yogotak netaùken motok hiselì'logo atì re, hat en nebe telnabin o, illùk yogohesusak meneat he, atì'nogo haga'nabuagalùgat wagagisi'mo nogo nen he, atì'nogo igin lek o, nopase.

MATÌÙT 26:39

at alepma negen horogat lìlìk elokwe sogoum weinarìk he, Ala ayoko hìkì logolìk, mel yogosike: “Nopase! An weaga'nabugun atì telnabusak halok he, telnabino,” ìlùk u hak, “Amusu hinago noagalùk wo'nesugun atì, wokhasak halok he, wokhano. Nen, lek halok he, an na'la akìgì mene atì lek o. We, hat ha'la akegen mene atìat haga'nabino o,” ìlùk sapan isike.

MATÌÙT 26:46

Halok, lùok en he, hit mel a'ni o. Ap an noasuagalùk yoko laga mene a'nogo re, arat horogat waga arì,” ìlùk yogoisasike.

YOHANET 13:1

Nen, hùenkwe pesta Paskah a'nogo mene nùogolùk logolìk, at Yesùt en, “An apùnì o kweangma yoma hisalak nopase oba napotkwe lagagin atì arat hakok i waga,” ìlùk, at elu welagaike. Nen, at okawerek agoromì kweangma mene etaùken hutik welagaikesik, hobuk inebe abìt agì'lek etaùken hutik motogat welagaike.