YOHANET 14:30 - Ala Ane Wene Ket Mene Warogo Wo'ninapike Wene

³⁰ Apùnì kweangma mene inoe kain a'nogo ebe wìrì'logo atì nen he, an wene apigat yogohisegein lek o. At atì wesigin meneat he, an at eki ba welagì lek o.

YOHANET 14:30 ပူးပေါင်းရင်းမြစ်များ

1 YOHANET 5:19

It apùnì kweangma mene inoabùt inesok mene atì obogat he, at oabùt weak mene a'nogo eki ba welagaikarek. Atì'nogo meneat he, nit enek he, Ala ebe againapùrì mene welago, ìlùk ninelu o.

1 YOHANET 4:4

Mene re, nagainapùrì e. It apùnì kweangma mene ina'la welagarek mene atì omame lek meneat he, hit enek he, hinebe Ala againapùrì ma re, at Areagùn omame motok apik mene hina'la werek atì nen he, it ap atì mabenetsìlìk welagep atì o.

YOHANET 12:31

Yogotak Ala nen, apùnì kweangma mene ùkùm inoba hìgìk, kotìk, ìkì logolìk, ap etagepogot kweangma mene a'nogo mùk hogo wulaksìgìk, igin oba arat asi waga o.

EPESÙT 6:12

Nit weim negen yapì lago atì re, apùnì mene ninom yapì iago hùk. Lek o. At he, kain mene, inane werek mene, o mùmmo kweangma yoma hagisek welagaikarek mene, mokareke inoabùt weak mene pogot oba hokolek kweangma hokolek were'ma ninom yapì lago.

1 PETERÙT 2:22

At en he, “Weak aike hagatì'legat. Nen, apeliak ikenem, apùnì aike inasuk holhì'legat o.”

EPESÙT 2:2

Atì sat he, apùnì yoma inoabùt inesogat logolìk hagatarek hak hagatì lagagip. Atì'nogo hagatì logolìk, mokareke inoabùt weak mene inoe kain pogot abel makwe yoma esewerek logolìk, apùnì Ala ane inabìt en inasuk holùhùk mene ina'la kisikesik yogotak ina'la kagalhoat welagarek mene a'nogo ane hologo welagagip atì.

2 KORÌTÙT 4:4

Atì'nogo werek atì re, it apùnì kweangma mene inopase Ibilit a'nogo nen inetaùken Ala oba hìpìrethìgì'lek mene atì, inetaùken mùmerinapikomo werek o. At Karìsùt Ala hakeatma re, ebe hogoratarek wene, hano wene atì nen lìarinabusak meneat he, lìarinabinogo ìlùk, inetaùken mùmerinapikomo werek atì.

IBERANI 4:15

Nit ninoe kain Ala esewerek welagarek atì re, nit ninomame lek mea atì, at okot hùk o. At nit ninoabùt wanhikesik were'ma, nit weak hagasuagalùk nina'la kagalherek atì hak, at atì'nogoat yì hesik tì hesik a'la kagali waga lagaike meneat he, at weak aike hagatì'lek logolìk ninoabùt elu o.

LUKAT 22:53

Ninhùp-nanhùbat Ala awì wùrì'mo hit an ninom logolìk hakhanhì'lek welagasip en he, yogotak yì nek he, o mùm ese welagarek mene a'nogo omame agama re, hit en hakhanusak higit obaat wagep yì o,” ìlùk yogoisasike.

KOLOSE 1:13

Nit alep o mùmmo weak mene nen awe a'ma hele warogo ha'nisek were'ma, Ala nen hele hikalogo wo'ninabìk he, aput etawì mene a'nogo ha'nisek logouagalùk awe a'ma hinikomo welago.

IBERANI 7:26

Nit nina'la nen he, “Ap aike Ala esewerek nit hesik hano katok hogo yì'nogo kain logolìk hagatì logoilep e,” ìlùk akogorek mene, Ala nen ninoe Yesùt atìat menhesikomo werek o. At oabùt he, weak kolo aike hagatì'lek, hano tegelek motok were'ma, apùnì weak hagatarek mene ina'la nen tegelogo pogot abel pokwe po a'loma lìakhesikomo nit hesik werek o.

2 KORÌTÙT 5:21

Nit Karìsùt ninom hùneto halok, at Ala nen okawerek ninom ninapotkwe lapuk hogo hinagalùk, nit hesigat nit ninoabùt weak hagatorek mane atì, at Karìsùt weak hagatì'lek mene oba hesike atì.

LAKSASIKE 1:3

Yesùt ebe wa'lagaikesik en eluk a'lùk, eki 40 hari inom logolik he, at ebe sekek hogo hùthoagalùk yì mene tì mene elalin logolegat hagatì lagaike. Atì'nogo hagatì logolìk, at en he, “An nebe yì. Ineileken tùkùm hogo neoak o,” ìlùk hobugalep inelokoma melarìk ìnùgisìgìk, Ala awe a'ma welagaikarek wene yogoisìgìk, ìkì lagaike.

LUKAT 1:35

at malaikat a'nogo nen he, “Ala Areagùn hoba louk i wìrìk he, kuna'ma kagarek hak, ninopase Ala Etagepogot omame apik atì awe a'ma hagagin o. Hagoumo, heak Ala aligat aput tasumo re, apùnì nen, At atì Ala aput, ìlùk ìkì logogun o.

1 PETERÙT 1:19

At he, oko hùko mene ba palogo telhinapike o. Wam topa wam eak weak mene hùk, we, hano otolik mene Ala hesik amep wulagasogo waresu hak, at Karìsùt amep wulagasogo wa'lagaike atì ba, hinoko palogo telhinapike atì.

1 YOHANET 5:18

Nit Ala againapùrì ta'ninape mene at aput emakum tasike mene a'nogo nen se'nisek were'ma, at oabùt weak mene a'nogo nen eki ha'nisegein lek o. Halok he, nit weak hutik motok hagatì logousak lek, ìlùk ninelu o.