YOHANET 14:28 - Ala Ane Wene Ket Mene Warogo Wo'ninapike Wene

²⁸ An legein meneat he, hobuk napotkwe hinoba wesigin o, ìlùk yogohisìgì a'nogo arat hinasuk holhep akìgì. An nebe hinetaùken hutik logoilepma re, an nopase ebe esin, nen an nebe mea atì nen he, an nopase oba legein atì hesik hina'la hai hakelep o.

YOHANET 14:28 ပူးပေါင်းရင်းမြစ်များ

YOHANET 14:18

An hogo re, hit hinebe yekerùgì suarek mene negen harakhikalùk legein lek o. We, hobuk napotkwe hisa wesiginat o.

YOHANET 20:21

Atì'nogo hai hakasukwama, at Yesùt en wene aike inom hobuk mel yogoisasike: “Nagoromì. Hinagùt a'ma. An nopase nen lakhani wagaike atì hak, an nen hit atì'nogoat lakhikegein o,” ìlùk yogoisasike.

YOHANET 20:17

Atì'nogo hai wasikomo re, at Yesùt en he, mel yogosike: “An nebe nopase oba lagagì'lek oan welagì atì nen he, heki abìak hogo ha'narek logogùn o. An nagoromì wene mel ìlùk yogoisa lan o: An mel, hit mel, ninopase Ala oba hìpìrìk welagorek mene a'nogo oba lagaigìlùk ìkì lagì, ike ìlùk nagoromì yogoisa lan o,” ìlùk yogosikomo,

YOHANET 13:16

Wene aike yì yogohìsak: Ap kain aike inawe a'ma negen werek kolek, at atitigeke mene esin negen welagarek lek o. Atì hak, ap yoko laksikerek mene inawe a'ma negen werek kolegat he, at yoko lagarek mene atì esin negen welagarek motok lek o, ìlùkk eberogoat yogohisìgì.

1 PETERÙT 1:8

Hit en alebat, at ebe hineileken hìgì'lek meneat he, ebe hinetawì welagep atì. Atì'nogo logolìk, yogotak ya hineileken hìgì'lek meneat he, hina'la nen, “Hobuk hano motok haga'ninabigin,” ìlùk hinane ba nìkì'nogo pìlìngìrogo u heat logolìk, hina'la hai apik hakìkì lagep atì.

1 KORÌTÙT 11:3

Atì'nogo meneat he, wene omakeat aike yì hinelu asusak mene akìkì lagì. Nit ap ninebe lopok, ninoe Etagepogot Karìsùt metek were'ma awe a'ma logousak. Nen, hìmì inebe lopok he, inagonì kain metek were'ma inawe a'ma logousak. At Karìsùt atì re, opase kain Ala metek were'ma awe a'ma welagarek o.

YOHANET 16:7

an nen wene ebe pak hogo yogohisak o. An legein lek logoilepma re, at hit lebethisìkì logogin mene atì hinoba we'lep lek meneat he, an legein atì nen, at atì an nen hinoba lakhei wesigin o. Halok he, an legein atì nen, hit hesik hano motok asigin, ìlùk eberogoat yogohisìgì o.

YOHANET 14:12

At sa nen etaùken an noba hìpìrethike halok he, an hagatì lagì mene atì, at en hagatì logoginat o. An hagatì lagì atì re, hamùlùgat negen meneat he, an nopase oba legein atì nen he, at sa nen etaùken an noba hìpìrìk welagarek mene atì nen ebenagei'mo hùkorogo hagatì logogin o, ìlùk nane eberogoat yogohisìgì.

YOHANET 10:38

Meneat he, an nen hagato kolegat, hit eberogoat ìlùk hinetaùken an noba hìpìrethousak hinabìt atì o. Atì'nogo hagatesep atì re, an nen nopase neperak hutik, nen at en an neperak hutik, welagorek atì, hinelu arìk en eberogoat ìlùk hùthoageip en he, an hagatì lagì mene atì eberogoat ìlùk hùtheni o!” ìlùk yogoisìkì lagaikomo,

YOHANET 5:18

it ap kaintek Yahuri mene amanogo nen ineki sabìt oba Ala heaik welegat logolìk, Yesùt en ou hagasusak lek mene hagasike atì ba net ebe wasuogolùk isukwa hùk. At he, at en, “An nebe Ala neperak higit,” u hak he, “An nopase ebe Ala at o,” ìlùk, isike atì nen, ebe wasuogolùk ebenageik weim abok isukwa.

MATÌÙT 12:18

At Ala nen he: “Hìthani! At atì re, an natitigeke logouagalùk nokawerek en weteberogo menhìgì. Netaùken hutìk noba lìoksek, at atìat o. An Nareagùn at wogosumo oba louk umo re, an nen apùnì ùkùm inoba hìgìk, kotìk, higit hogoat igin atì hesik, at en it apùnì etakwe mene wene pak hogo yogoisìkì logogin o.

ABÌKAKAN 1:11

“Hat heileken hegein mene atì, helal waganino o. Waganogo re, it Ala againapùrì gereja 7 nen atogotarek mene, o etage Epesùt mel, Simirina mel, Perekamùt mel, Tiatira mel, Saritit mel, Pilalepia mel, Laolikia mel, inoba lakheino o,” ìlùk yogonete.

YOHANET 7:33

Atì'nogo iko kolegat, at Yesùt en mel yogoisasike: “An we, elama hesik neki hamùlùgat ninom logopik he, at lakhani wagaike mene a'nogo oba napotkwe arat legein o.