YOHANET 14:20 - Ala Ane Wene Ket Mene Warogo Wo'ninapike Wene

²⁰ Atì'nogo hinoileken neogoin atì sat, an nopase neperak hutik welago, nen, hit an ninom hutik, nen, an hit ninom hutik welago mene atì, hinelu asigin o.

YOHANET 14:20 ပူးပေါင်းရင်းမြစ်များ

YOHANET 10:38

Meneat he, an nen hagato kolegat, hit eberogoat ìlùk hinetaùken an noba hìpìrethousak hinabìt atì o. Atì'nogo hagatesep atì re, an nen nopase neperak hutik, nen at en an neperak hutik, welagorek atì, hinelu arìk en eberogoat ìlùk hùthoageip en he, an hagatì lagì mene atì eberogoat ìlùk hùtheni o!” ìlùk yogoisìkì lagaikomo,

YOHANET 14:10

An nen nopase neperak hutik, nen, nopase nen an neperak hutik, welagorek atì, hat hùthìkì lagen lek a?” ìlùk yogosikesik he, it obogat yogoisìkì logolìk, “An nen wene yogohisìgìrek atì, an na'la nen kagalogo yogohisìgìrek hùk. Lek o. We, an nepase neperak hutik logolìk, an nane ba nen ìgìk, neki ba nen hagatìk, ìgìrek mene atì, at okawerek enat hagarì'logo o.

YOHANET 14:11

An nenat nopase neperak hutik, nen, nopase nen an neperak hutik, welagorek ìgì atì, eberogoat ìlùk, hit hùtheni o. Atì hùthasak mea halok he, an hagatì lagì mene atì hineileken hìlìk, hùthanini o.

YOHANET 16:23

Hùlì atì hùlì arat asi lìlìk he, hit en wene aike an noba hinok wo'neogoin motok lek o. Halok, an nen wene aike yogohisak: Hit en yì mene tì mene an netage palogo nopase kìno yogosugun halok he, at en wokhisegeinat o, ìlùk eberogoat yogohisìgì.

YOHANET 16:26

Hit en he, Yesùt ebe Ala were'ma nen wagaike mene, ìlùk, hùthanhì logolìk, hinetawì'napigip atì nen, nopase nen hit etawìthinaperegat o. Hit hesik an nen nopase kìno yogosigin ìlùk yogohisìkì lagì lek o. We, o atì sat he, hit hinokawerek en an netage palogo nopase kìno yogosugun o.

YOHANET 17:11

Yogotak an he, kweangma yoma aregenma logogin lek o. We, hat hea wesigin meneat he, it enek he, kweangma yoma logogun o. Hat weak hagatì'lek tegelek motok welagatek mene, nopase. Nit neperak ninebe omakeat welagorek a'nogo hak, it atì'nogoat inebe omakeat logouak en he, hat hetage esin mene an salnapigin atì ba, it hagisek logoino o, nopase.

YOHANET 17:26

Nopase, hat en an hetawì'napigin a'nogo, it-it atì'nogoat netawì-hetawìrogo logolìk, an nebe it ninom hutik logouogolùk, hat hetage ìlìk hawene yogoisìkì lagarìk aike inom hogo yogoisìkì logoginat o,” ìlùk sapan isike.

YOHANET 17:7

Yogotak yì mene tì mene obogat hat en wo'nesigin mene atì, it en he, Ala nenat wogosikomo, ìlùk arat hùthaga o.

YOHANET 6:56

Sa nen an nebe nìkìk, namep nìkìk, ìlì'logo halok he, at en an neperak hutigat, nen, an nen, at neperak hutigat, logogun o.

ÙRÙM 16:7

At Ateronikùt, Yuniat eperak, “At en hai wathinape,” ìlùk yogoisanoat o. It he, an ninom ninùkùl omakeat mene nineki hele ninom warek welagagusik Apùnì apigat negen Karìsùt en inayoko hìlìk laksa wagaike meneat he, inetagewerek he, irat o. It tak inetaùken Karìsùt oba hìpìrethesukwasi'mo nen, an hobuk hìpìrethesigi.

ÙRÙM 8:1

Yogotak nit Karìsùt Yesùt ninom hutik welago mene hùgì Ala nen ùkùm ninoba hìlìk weaga'ninabigin lek o.

1 KORÌTÙT 1:30

At Ala nenat hit Karìsùt Yesùt hinom hutik logouageip ìlùk hikikomo welagep atì. Wene nina'la kagauk hogo logou hak he, Yesùt ebeat wo'nisasike. Atì'nogo wo'nisasikomo, at en he, Ala ninom hobuk ninapotkwe lapulogo hinìgìk, ninebe Ala hesik hinìgìk, telninapìk, ikerek.

2 KORÌTÙT 12:2

An 14 tahun alebat neileken hasigi mene it aike inoba lìrogo igin o. Ap aike Karìsùt eperak hutik welagaike mene Ala nen pogot hùlì pìre sekelek hebìlùk hùlì aike po atoma ba lìakhesike atì nelu. At atì ebeat lìakhesike he a? Areagùn lìakhesike he a. An nokot. Nopase Ala at elu o.

2 KORÌTÙT 13:5

Hit en he, “Nit ninetaùken Karìsùt oba hìpìrethesugu a'nogo hìpìrìgat welago a? Lek a,” ìlùk hinokawerek en hinoabùt tùkùm hogo palano. Atì'nogo palìkì logolìk, mea haga'lagì'lek halok, “Yesùt Karìsùt nina'la werek,” ìlùk enagat hogoin o.

2 KORÌTÙT 5:17

Apùnì inebe Karìsùt inom hutik werek halok he, inoabùt ket mene elalinapomo werek o. Alep mene legat aga. Hobuk ket mene haga'laga.

2 KORÌTÙT 5:19

Wene ninoba hesike atì ebe re, mel. At Karìsùt ebe hùlìsanem logolìk hagasike atì ba, Ala nen yì apùnì tì apùnì obogat at okawerek inom lapuk hogo hinasike. At en atì'nogo hinìkì logolìk, nit apùnì nen weak hagatorek mene ùkùm ninoba hìgì'lek sagalogo heraksasike atì. At en atì'nogo hagasike wene atì nit en yogoisìlìk nìkì logouagalùk ninoba hesike.

KALATIA 2:20

Nen, yogotak nebe neluk welagì yì re, nokawerek nomame ba welagì hùk. We, at Karìsùt at na'la logolìk eluk welagarek o. At ebe Ala apurat logolìk, nebe etawì nen an hesigat, “Noasuak,” ìlùk akasike ba ebe wasukwa atì. Nen, an netaùken at oba hìpìrìk were'ma re, at ebe na'la were'ma, neluk welagìrek atì.

EPESÙT 2:10

At enat hano hagarogo hinasikomo welago. Atì re, nit Karisùt ninom hutik logolìk, yì mene tì mene hanorogo hagatì logouagalùk, ninoabùt ket hùnogoat elalninapike atì re, ebe Karisùt Yesùt enat elalninapikomo welago.

KOLOSE 1:19

At Ala nen, “An na'la walok he, an noabùt nesok motok welagìrek atì hak, an naput atì'nogoat neperak higit motogat logouak o,” ìlùk, a'la akasike higit hogoat welagarek.

KOLOSE 1:27

At Ala a'la nen he, it apùnì etakwe mene obogat hano motok hagarinabigin wene atì esin hogorasusak meneat akasikesik en a'la hinago welagaike mene, at againapùrì halok sele'ma hukalogo yogoisagalùk isike. Wene atì ebe re, Karìsùt hit hina'la werek halok, hobuk hanothinapenem hogothinabugun atìat o.

KOLOSE 2:9

Mene re, Ala ebe abireke motogat Karìsùt a'la were'ma, apùnìat ta'lasi wagaikesik welagaike atì.

1 YOHANET 4:12

Nen, Ala ebe atì re, apùnì agaike nen ineileken motok hìgì'lek. Meneat he, nit-nit netawì-hetawìrogo logogun halok he, Ala ninom hutik motok logogun o. Atì'nogo were'ma, emakum Ala nen etawì'ninapì logolìk, a'la akasike atì hagat, yì mene tì mene hano katok hogo hagatarek atì hak, nit-nit netawì-hetawìrogo logouagalùk katok hogo haga'ninabì'logo atì.