YOHANET 14:2 - Ala Ane Wene Ket Mene Warogo Wo'ninapike Wene

² An nopase aua atoma, o hit logousak oba obùlùk apik selek werek o. Atì'nogo lek logoilepma re, an o hit logousak oba tegeli legein, ìlùk wene wathisele lek o.

YOHANET 14:2 ပူးပေါင်းရင်းမြစ်များ

2 KORÌTÙT 5:1

Apùnì inawì wùrìk mesalaganem hobuk ket wùtarek hak, nit ninogat kweangma elama hesik welago yì, wa'lago halok he, pogot oba ninebe ninesok motok logogin mene apùnì nen agauak hagatì'lek mene Ala nen hagarogo hinegein mene werek o, ìlùk hùthìkì lago.

YOHANET 13:36

Yesùt en atì'nogo yogoisìkì lagaikomo, ap Simon etage aike Peterùt egarek a'nogo nen he: “Noe. Hat o koma lagalùk en egen,” ìlùk, yogosikomo, at Yesùt en he, mel yogosike: “An legeinmo atoma, hat nopolik lopok hogo legein lek o. We, hobuk nopolik wesigin o,” ìlùk, yogotì lagaikomo,

ABÌKAKAN 21:2

Atì'nogo hagarogo hikesik, at okawerek awì sili o kota Yerusalem ket mene, hìmì inagonì helùogolùk inalìlìke lì'lùk hogo wanharek atì hak, at were'ma pogot oba nen pelabi waganem hìgì.

ABÌKAKAN 3:12

“Nen, sa nen omame asigin mene halok, o atuli lìaparek atì hak, at atì'nogoat Ala okawerek awì wùrì'mo menogo hìlìk, nopase Ala etage mel, awì kota Yerusalem ket mene at enat pogot oba nen pelabi wesigin atì etage mel, an netage ket mene mel, an nen, at atì oba helal waganogo houmo re, at ebe o atoma nen wùlìbi wesigin motok lek o,

YOHANET 13:33

Nagainapùrì. An neki hamùlùgat enek ninom logopik en legein o. Lamo, hit en an nebe hera'napì logogun meneat he, alebat an nen ap Yahuri mane yogoisasigi hak, o an legeinmo atoma hit en hera'nabìk logoin lek o, ìlùk, yogotak hit yogohisìgìat o,” ìlùk yogoisasike.

YOHANET 16:4

Atì'nogo hagathinapa halok he, hina'la nen, Wene yì, at en alebat yogonisasike a'nogo, arat haga'ninabì'lùgì yì, ìlùk hina'la ebesuageip en ìlùk, wene atì obogat yogohisìgì o,” ìlùk yogoisasike. At Yesùt en wene atì'nogo yogoisasikesik he, hobuk aike mel yogoisasike: “An hit ninom yoma welago atì nen he, wene yì obogat hit hinayoko hìkì logolìk yogohisìgì'lek welagagi meneat he,

YOHANET 17:24

Ala nopase. Hat en kweang oan walhìgì'lek logolìk, an nebe hetaùken hutik welagagin atì nen he, hogo'napì logouagalùk esine'napigin a'nogo, it hat en hageat wo'nesigin mene amanogo ineileken neoagalùk, o an logoginmo atoma, it ninomat logousak walok o.

IBERANI 6:20

At Yesùt nit hesik kwe ebela yarìk, o atoma kisikesik, ap Melekiserek Ala esewerek logolìk hagatì lagaike atì hak, moto'-motok hagatì logogin mene Ala esewerek kain agaikesik welagarek atì.

ABÌKAKAN 3:21

“An arat nomame agagimo, nopase kain welagarek obùlùk oba neperak welago yì hak, sa nen omame asigin halok, an kain welagìrek nobùlùk oba neperak logouogolùk menhegein o,

IBERANI 9:8

Atì'nogo hagatì logousak ìlùk wene inasuk warek welagaike atì oba lìrogo, nit tùkùm hogo hùthoagalùk Ala Areagùn nen, mel yakùlnisikerek: “O hùlù kwe ba sekelek atì werek kolek, Ala okawerek awì ebe mene kwe hùtì'lek yagarek welagaike,” ìlùk yakùlnisìlì'logo.

TITUT 1:2

At Ala nen, yì mene tì mene oan elalhì'lek logolìk, nit apùnì hesik mel isike: “Apùnì an nen elalinabìk he, inebe ineluk motok logouagalùk, hano hagarinabigin,” ìlùk, abok isike atì, “Apeliak ikerek lek,” ìlùk nina'la eberek logolìk, ebe wene yakùlisìkì lago atì.

1 TESALONIKA 5:9

Ala a'mage nit ninoba hìlìk weaga'ninabigìlùk wena'ninapike lek. We, ninoe Etagepogot Yesùt Karìsùt en telogo hano'ninabuagalùk wena'ninapike o.

LAKSASIKE 9:16

Atì'nogo ayoko hìgìrì'mo re, at en netage atì'nogo yogoisìlìk nikenem, at yì aik tì aik hìkì logousak obaat hìkì logogin mene, an nen yogosigin werek o,” ìlùk yogosike.

YOHANET 14:28

An legein meneat he, hobuk napotkwe hinoba wesigin o, ìlùk yogohisìgì a'nogo arat hinasuk holhep akìgì. An nebe hinetaùken hutik logoilepma re, an nopase ebe esin, nen an nebe mea atì nen he, an nopase oba legein atì hesik hina'la hai hakelep o.

LUKAT 14:22

Atì'nogo yogosikomo re, at ap a'nogo lìlìk wagaikesik he, oe a'nogo mel yogosike: Noe. Yogoneten a'nogo wogisek wagì meneat he, o heta motok selek werek o, ìlùk yogosike.