YOHANET 14:16 - Ala Ane Wene Ket Mene Warogo Wo'ninapike Wene

^16-17 Atì'nogo hagatenem, hit lebethisìkì logolìk, hinom motok logouageip en ìlùk, an nen nopase kìno yogosumo, at en ap aike pelakhisa wesigin o. At atì ebe re, Ala Areagùn ebe wene yogohisìkì logogin mene. Atì'nogo hinoba pelakhisa wesumo, it apùnì kweangma mene nen, at atì ebe inokorat. Nen, ebe ineileken hogoin legat, atì nen he, ebe wanusak mea o. Atì'nogo meneat he, hit enek he, at ebe hinom logolìk, hina'la motok logogin atì nen he, at ebe hinelu logogun o.

YOHANET 14:16 ပူးပေါင်းရင်းမြစ်များ

YOHANET 15:26

“Hit lebethisìkì logouagalùk Ala Areagùn ebe wene yogoisoagalùk wagarek mene atì, an nen nopase were'ma nen hit hinoba lakhei waganem he, at en an nabok pak hogo yogohisìkì logogin o.

ÙRÙM 15:13

“Hobuk hano asigin,” ìlùk nina'la hai hakogorek atì, ero at Ala nenat haga'ninaperek. Hit atì'nogo hina'la hai hùkorogo hakìkì logouagalùk Ala Areagùn omame ba hagathinabuak. Atì'nogo hagathinabuak en he, hinetaùken at oba hìpìrethesigip atì ba hakothìlìk were'ma, at en hina'la hai apik hakìkì logouagalùk hagathinapìk, hinetaùken hapuguthinapìk, uak o.

KALATIA 5:22

Nen, e eken ìterek hak, Ala Areagùn apùnì ina'la logolìk inoabùt hagatarek he, ebe yì. Apùnì aike inebe inetaùken butik welagìk, ina'la hai hakìgìk, apùnì aike inom lìoksek welagìk, inepe morogo welagìk, inoabùt enago welagìk, inoabùt hano welagìk, inoabùt lopok hogo welagìk,

LAKSASIKE 9:31

Atì'nogo hagasukwama, hobuk en he, it apùnì Ala againapùrì o propinsi Yurea mene mel, Kalilea mene mel, Samaria mene mel, weagarinapì'lek hano lìok hogo welagaukwa. Were'ma, Ala Areagùn nen leberisikenem, inetaùken wurik agìk, ninoe Etagepogot inayùk hogo welagìk, ìkì logolìk he, inebe apik seik-peik ìkì lagaukwa.

1 YOHANET 2:1

Nen, nagainapùrì e. Hit weak hagatì logoinogo ìlùk, wene yì helal waganogo hinoba lakhei wagì o. Atì'nogo meneat he, sa nen weak hagate halok, ninopase Ala were'ma nit lebe'nisikerek mene ap aike hùlìsanem werek. At atì ebe Yesùt Karìsùt oabùt higit hogo hagaterek mene a'nogoat o.

YOHANET 4:14

i an nen wogisamo niko halok be, it ina'la nen i elesi hake huluk-huluk palogo wùlùpo motok logogin atì nen he, ineluk motok logolìk, it hobuk i nele aga logogun motok lek o,” ìlùk, yogosike.

PILIPI 2:1

Nit Karìsùt ninom hutik logolìk, at en ninetaùken ago wa'nisìgìk, ninebe etawìrogo ninetaùken sebelhìk, Areagùn ninom hutik logolìk, lebe'nisìgìk, iko kolek nit-nit agìrogo netawì-hetawìrogo hagatorek atì nen,

ÙRÙM 5:5

Hano asigin ìlùk nina'la hai hakìkì lago atì ba, Ala nen Areagùn wo'nisasikomo nina'la logolìk, i hinatarek hak, Ala nen etawì'ninaperek mene atì nina'la hùkorogo hinikerek atì ba ninayù'lek welago.

LAKSASIKE 13:52

Ki lagaukwama, apùnì o Atiokia atoma mene Yesùt ane wanhukwa mene hùgì Ala Areagùn ina'la peserogo kisikomo ina'la hai apik hakasukwa.

YOHANET 17:15

Hat en, it apùnì kweangma mene ina'la nen it enek kìgìlogo woginabinok en ìlùk kìno yogohetì lagì hùk. We, at weak mene a'nogo nen weagarinabigìlùk inoba waganem, hat en serisek logoinok en ìlùk yogohetì lagì o.

YOHANET 14:18

An hogo re, hit hinebe yekerùgì suarek mene negen harakhikalùk legein lek o. We, hobuk napotkwe hisa wesiginat o.

IBERANI 7:25

Atì'nogo eluk motok logolìk, nit apùnì hesik Ala kìno yogoto motok welagarek atì nen he, nit Ala were'ma kuogolùk at oba ha'larìk kikenem elok telninabìk katok hogo hano haga'ninabigin atì.

ÙRÙM 8:34

Nen, ùkùm ninoba hìlìk he, sa nen weaga'ninabusak nogo. At Karìsùt Yesùt wa'lagaikesi'mo Ala nen eluguthesikomo re, pogot oba lagasikesik, at era'lu eki ebekwe kain logolìk he, nit hesik Ala ayoko hìlì'logo.

YOHANET 14:14

Atì'nogo hagasigin atì nen he, hit en yì mene tì mene an netage palogo kìno yogonetì logoino. Atì'nogo kìno yogonetep halok he, an nen hagasigin o,” ìlùk wene warisasike.

YOHANET 17:20

“Nopase. It atì inaligat hesik enek sapan ìkì lagì hùk. Lek o. It aike hunigat mene, it en wene yakùlisa logoin oba inetaùken an noba hìpìrethogoin mene inomat hesik sapan ìkì lagì o.

YOHANET 16:22

Hit ati'nogo at. Yogotak hina'la weak welagep meneat he, hobuk an ninom apì asugun atì sat, hina'la hai apik hakogoin o. Nen hit hina'la hai atì, it apùnì aike nen legetsogoin motok lek o.

2 TESALONIKA 2:16

At ninoe Etagepogot Yesùt Karìsùt, ninopase Ala eperak inoabùt hano a'nogo nen, inetawì'ninapukwasik, ninetaùken abolo'lek motok logouagalùk ago wathinìgìk, hano asigin ìlùk oba eberek logouagalùk nina'la kagalhìk, egarek.

YOHANET 7:39

wene atì'nogo yogoisasike atì re, apùnì inetaùken at oba hìpìrethagarek mene hùgì inebe lopok Ala Areagùn wogisegein, ìlùk abok isike meneat he, atem sat, at Yesùt ebe hogorato kolek lagasike a'nogo oan lagagì'lek nogo nen he, Ala Areagùn oan pelabi wagì'lek werek kolek isike.

LAKSASIKE 1:4

Ineki aike sapùl at agoromì inom omakìma atogorek logolìk he, mel yogoisasike: “Yohanet en ima pelaginapì lagaike meneat he, hit hineki logolegat welagì'le'ma, Ala nen ima pelakhinabu hak, Areagùn hinoba pelakhei wesigin atì re, hinebe o Yerusalem yoma nen pùgùlhùpp. An nopase nen he, It wogisegein, ìlùk wene wathisasike mene atì, an nen alebat abok yogohisasigiat atì. Halok he, serogo logoino,” ìlùk wene warisasike.

1 YOHANET 2:27

At Karìsùt en Ala Areagùn wokhisasikomo hina'la logolìk, yì mene tì mene hesik, apeliak yakùlhisìgì'lek, eberogoat enek yakùlhisìlì'logo atì nen he, apùnì aike nen wene hit yakùlhisasak mea o. Wene at Ala nen yakùlhisìlì'logo mene atì higit hogoat hagatì logolìk, Karìsùt hinom hutik motogat logoino o.